ꓠꓬꓲꓸ ꓠꓬꓲ ꓟ ꓓꓳꓽ

• Amazon ꓘꓴꓽ ꓗꓪ ꓟꓶ ꓡꓰ ꓢꓴ British ꓓꓳꓽ ꓣꓴ ꓢꓴ ꓠꓬꓲ ꓣꓳ ꓞꓳ ꓫꓵꓸꓸ ꓟꓳ ꓔꓯ ꓟꓳ ꓟ ꓓꓳꓽ

Brazil ꓗꓴꓷꓼ ꓮꓟꓮꓜꓳꓠ ꓘꓴꓽ ꓗꓪ ꓕꓲꓽ ꓫꓵꓽ ꓠ ꓛꓲ ꓟꓶ ꓡꓰ ꓟ British ꓓꓳꓽ ꓣꓴ ꓢꓴ Dom Phillips ꓐꓰ Bruno Pereira ꓐꓴ ꓞꓳ ꓫꓵꓸꓸ ꓟꓳ ꓔꓯ ꓟꓳ ꓡꓰꓳ ꓐꓰ ꓖ1 ꓓꓳꓽ ꓗꓪ ꓠꓽ ꓕꓲꓽ ꓠꓬꓲ ꓕꓯ ꓐꓳ ꓔ ꓡꓳ=

ꓧꓪ ꓙ ꓢꓴ ꓜꓴ ꓡꓰ ꓬꓲ ꓪ ꓶ ꓞꓼ ꓕꓲ ꓐꓱ ꓟꓳ ꓟ ꓓꓳꓽ ꓔꓯ Brazil ꓟꓯꓼ ꓜꓴ ꓡꓰ ꓠꓽ ꓫꓵ ꓠꓬꓲ ꓕꓯ ꓐꓯ ꓔ ꓡꓳ= ꓬꓲ ꓪ ꓞꓳ ꓫꓵꓸꓸ ꓟꓳ ꓟꓳ ꓟ ꓓꓳꓽ ꓔꓯ ꓠꓬ ꓜꓲ ꓪꓴ ꓢꓴ ꓐꓴ ꓡꓰ ꓗꓼ ꓟꓽ ꓐꓯ ꓑꓶ_ ꓢꓲ ꓟ ꓥꓳ ꓐꓰ ꓖ1 ꓓꓳꓽ ꓗꓪ ꓐꓳ ꓔ ꓡꓳ= ꓬꓲ ꓪ ꓠꓬꓲ ꓣꓳ ꓠꓬ 6 ꓦ 5 ꓠꓬꓲ ꓕꓯ ꓬꓲꓸꓹ ꓙꓬ ꓡꓳ ꓚ ꓙꓰ ꓙꓰ_ ꓟ ꓔꓯ ꓟꓳ ꓢꓴ ꓡꓰ ꓐꓯ_ ꓡꓳ=

ꓬꓲ ꓪ ꓠꓬꓲ ꓣꓳ ꓠꓬ Peru ꓐꓰ Columbia ꓟꓵꓽ ꓫꓸ ꓗ ꓕꓲꓽ ꓛꓱ ꓮ ꓘꓶꓸ ꓶ_ ꓟ ꓕꓲ ꓔꓶꓸ ꓗꓪ ꓔꓬ ꓟ ꓞꓳ ꓤ ꓚꓱꓹ ꓔꓯ ꓓꓳꓽ ꓣꓴ ꓠꓹ ꓟ ꓐꓱ ꓶ ꓙꓰ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=      

• ꓟꓲꓽ ꓦ ꓮ ꓘꓶꓸ ꓦ ꓟ ꓑꓶ ꓓꓴ ꓗꓮꓟꓮꓲꓠꓖ ꓡꓳ ꓒꓱ ꓞꓳ ꓘꓹ ꓕꓲ ꓐꓱ ꓗꓪ ꓬꓲꓸꓹ ꓙꓬ ꓓꓯ ꓡ_ ꓟ ꓓꓳꓽ

ꓗ-ꓛꓲ ꓗꓴꓷꓼ ꓫꓴꓸꓸ ꓗꓮꓟꓮꓲꓠꓖ ꓡꓳ ꓒꓱ ꓗꓪ ꓟꓲꓽ ꓦ ꓮ ꓘꓶꓸ ꓦ ꓟ ꓑꓶ ꓓꓴ ꓬꓲꓸꓹ ꓙꓬ ꓙꓵ_ ꓟ ꓥ ꓢꓲ ꓞꓳ ꓘꓹ ꓕꓲ ꓐꓱ ꓗꓪ ꓞꓳ ꓦꓲ ꓐꓴ ꓠꓬ ꓮ ꓘꓶꓸ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓮ ꓟꓶ ꓟꓲꓽ ꓦ ꓮ ꓘꓶꓸ ꓦ ꓟ ꓑꓶ ꓓꓴ ꓡꓮꓲ-ꓠꓮꓴ ꓬꓲꓸꓹ ꓙꓬ ꓡꓳꓸꓸ ꓐꓰ ꓟꓳꓖꓮꓴꓠꓖ ꓬꓲꓸꓹ ꓙꓬ ꓡꓳꓸꓸ ꓗꓪ ꓐꓰ ꓬꓲꓸꓹ ꓙꓬ ꓓꓯ ꓡ ꓢꓲ-ꓸ ꓗꓮꓟꓮꓲꓠꓖ ꓡꓳ ꓒꓱ ꓜꓲ-ꓗꓬꓴꓠ ꓗꓪ ꓞꓳ ꓦꓲ 20 ꓐꓰ ꓟꓮ-ꓴ-ꓑꓲꓠ ꓗꓪ ꓥ ꓟꓲ ꓬꓲꓸꓹ ꓙꓬ ꓓꓯ ꓡ ꓟ ꓑꓶ ꓓꓴ ꓮ ꓘꓶꓸ ꓫꓸ ꓔꓬ ꓡꓳ ꓐꓰ ꓞꓳ ꓘꓹ ꓢꓴ ꓕꓲ ꓣꓳ ꓡꓰ Myitkyina News Journal  ꓗꓪ ꓐꓯ_ ꓡꓳ ꓐꓰ ꓢꓷꓸ ꓪ ꓡꓳ=

ꓜꓲ-ꓗꓬꓴꓠ ꓐꓰ ꓟꓮ-ꓴ-ꓑꓲꓠ ꓞꓳ ꓘꓹ ꓢꓴ ꓕꓲ ꓐꓱ ꓠꓬ ꓠꓬꓲꓸ ꓠꓬꓲ ꓠꓯꓼ ꓗꓪ ꓐꓰ ꓘꓰꓹ ꓙꓰ ꓠ ꓗꓷ ꓡꓰꓳ ꓐꓰ ꓢꓷꓸ ꓪ ꓡꓳ= ꓘꓰꓹ ꓙꓰ ꓢꓴ ꓐꓴ ꓠꓬ ꓬꓲ ꓪ ꓚꓲ ꓛꓬ ꓥ ꓢꓲ ꓬꓰ ꓙ ꓡ ꓢꓴ ꓜꓴ ꓟꓼ ꓔꓬ ꓢꓰ ꓟ ꓑꓶ ꓓꓴ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=

• University Of Distance Education ꓢꓳ ꓢꓴ 6 ꓦ 13 ꓠꓬꓲ ꓗꓪ ꓐꓰ ꓙꓳ ꓟꓬꓱ ꓗꓷ ꓓ_ ꓟ ꓓꓳꓽ

University Of Distance Education ꓐꓰ Collage ꓗꓪ 2022 ꓘꓳꓼ ꓙꓳ ꓢꓳ ꓘꓳꓼ ꓐꓱ ꓶ 6 ꓦ 13 ꓠꓬꓲ ꓗꓪ ꓐꓰ ꓙꓳ ꓟꓬꓱ ꓗꓷ ꓓ_ ꓡꓳ ꓐꓰ ꓢꓷꓸ ꓪ ꓡꓳ= 2022 ꓘꓳꓼ University Of Distance Education First Year 2019 ꓘꓳꓼ ꓧꓪꓸ ꓡꓰ ꓢꓴ Third Year ꓐꓱ ꓶ ꓙꓳ ꓟꓬꓱ ꓗꓷ ꓠ ꓔ ꓢꓴ ꓐꓰ First Year 2020 ꓘꓳꓼ ꓧꓪꓸ ꓡꓰ ꓢꓴ ꓐꓰ ꓢꓳ ꓢꓴ ꓐꓱ ꓶ ꓢꓷꓸ ꓠꓲꓹ ꓟꓬꓱꓽ ꓣꓱ ꓜꓴ ꓗꓪ ꓐꓰ ꓐꓯ ꓑꓶ ꓔ ꓟ ꓥꓳ=