ꓔꓲꓺ ꓒ ꓪ ꓔꓲ ꓠꓬ ꓟꓵꓽ ꓗꓳꓸ ꓓꓵ ꓓꓵ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ (World Youth Day) ꓐꓱ ꓶ Portugal ꓗꓴꓷꓼ ꓗꓪ ꓙꓰ ꓛꓲ ꓡꓰ ꓟ꓾

ꓔꓲꓺ ꓒ ꓪ ꓔꓲ ꓠꓬ ꓟꓵꓽ ꓗꓳꓸ ꓓꓵ ꓓꓵ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ (World Youth Day) ꓐꓱ ꓶ Portugal ꓗꓴꓷꓼ ꓗꓪ ꓙꓰ ꓛꓲ ꓡꓰ ꓟ꓾

ꓔꓲꓺ ꓒ ꓪ ꓔꓲ ꓠꓬ 37 ꓧꓪꓹ ꓟ ꓟꓵꓽ ꓗꓳꓸ ꓓꓵ ꓓꓵ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ (World Youth Day) ꓐꓱ ꓶ ꓶꓼ ꓓꓳ ꓫꓱꓸ ꓓꓳꓽ ꓚꓳ ꓙꓰ ꓟ 42 ꓧꓪꓹ ꓟ Portugal ꓗꓴꓷꓼ ꓗꓪ 8 ꓦ 2 ꓠꓬꓲ ꓠꓽ ꓢ ꓠꓬꓲ ꓕꓯ ꓙꓰ ꓪꓴꓸ ꓔꓴ ꓡꓰ ꓟ ꓥꓳ=

8 ꓦ 2 ꓠꓬꓲ ꓠꓽ ꓢ ꓠꓬꓲ꓾ ꓣꓳ-ꓟ ꓗꓪ ꓐꓰ 7 ꓙꓵꓹ 50 ꓧꓷꓹ ꓕꓯ Fiumicino  ꓙꓱ ꓦꓲ ꓠꓽ ꓔꓶꓸ ꓗꓪ ꓐꓰ ꓙꓰ ꓪꓴꓸ ꓔꓴ ꓢꓲ꓾ ꓡꓲꓢꓐꓳꓠ Figo Maduro ꓙꓱ ꓦꓲ ꓠꓽ ꓔꓶꓸ ꓗꓪ ꓠꓯꓼ 10 ꓙꓵꓹ ꓕꓯ ꓛꓲ ꓓꓴ ꓥꓳ= ꓝꓮꓲ Republic ꓗꓴꓷꓼ ꓙꓵꓽ ꓢꓲ ꓒꓽ Marcelo Rebelo de Sousa ꓐꓰ ꓜꓲ ꓓꓴ ꓥꓳ꓾ ꓡꓲꓽ ꓒꓰꓼ ꓚꓱꓹ ꓔꓯ ꓟꓳꓸ ꓙꓵꓽ ꓪ ꓙꓳ ꓢꓴ꓾ ꓑ ꓫꓬ ꓬꓲꓸ ꓜꓴ꓾ ꓗꓴꓷꓼ ꓝꓲ ꓓꓴ ꓐꓴ ꓐꓰ ꓜꓲ ꓓꓴ ꓥꓳ= 4 ꓙꓵꓹ 45 ꓧꓷꓹ ꓕꓯ ꓗꓴꓷꓼ ꓢꓲ ꓒꓽ ꓐꓰ ꓜꓲ ꓡꓯ ꓘꓳ ꓢꓲ꓾ 5 ꓙꓵꓹ 30 ꓧꓷꓹ ꓕꓯ Monastery dos Jerònimos ꓪꓽ ꓘꓴ ꓦꓲꓻ ꓗꓪ ꓔꓲꓺ ꓒ ꓓ ꓐꓴ ꓔꓲꓺ ꓒ ꓐꓴ ꓔꓲꓺ ꓟ ꓐꓴ ꓘꓴ ꓜꓲꓼ ꓞꓳ ꓗꓪ ꓟꓬꓱꓽ ꓟꓯ ꓔꓬ ꓢꓴ ꓐꓴ ꓐꓰ ꓕꓲ ꓪꓼ ꓪꓽ ꓘꓴ ꓓꓴ ꓥ ꓡꓳ=

8 ꓦ 3 ꓠꓬꓲ ꓠꓽ ꓡꓲꓸ ꓠꓬꓲ꓾ Universidade Catòlica Portuguesa ꓟꓴ ꓕꓲꓸ ꓢꓳ ꓦꓲꓻ ꓗꓪ ꓢꓳ ꓜꓲꓼ ꓔꓬ ꓟ ꓢꓳ ꓙꓳ ꓟ ꓐꓴ ꓐꓰ ꓜꓲ ꓓꓴ ꓥꓳ= ꓝꓮꓲ Cascais ꓗꓪ ꓔꓬ ꓟ ꓞꓳ ꓡꓱ ꓐꓴ ꓐꓰ ꓜꓲ ꓠꓹ ꓟ ꓥꓳ= ꓟꓳꓼ ꓡꓳ ꓙꓵꓹ ꓕꓯ ꓟꓵꓽ ꓗꓳꓸ ꓓꓵ ꓓꓵ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ (World Youth Day) ꓘꓳꓹ ꓣꓴ ꓑꓮꓲ ꓐꓱ ꓶ Portugal ꓗꓪ ꓝꓮꓲ ꓙꓰ ꓓꓴ ꓥꓳ=

8 ꓦ 4 ꓠꓬꓲ ꓠꓽ ꓥꓪꓽ ꓠꓬꓲ꓾ ꓠꓯꓼ ꓙꓵꓹ ꓕꓯ ꓞꓳ ꓡꓱ ꓐꓴ ꓝꓴꓲ ꓣꓷꓠꓸ ꓠꓹ ꓟ ꓥꓳ= ꓠꓯꓼ 9 ꓙꓵꓹ 45 ꓧꓷꓹ ꓕꓯ ꓫꓱꓸ ꓤ ꓠꓲꓹ ꓐꓰ ꓟꓬꓱꓽ ꓬꓰ ꓙ ꓢꓴ ꓜꓴ ꓝꓲ ꓓꓴ ꓐꓴ ꓐꓰ ꓜꓲ ꓠꓹ ꓟ ꓥꓳ= ꓟꓶ ꓘꓶꓼ 6 ꓙꓵꓹ ꓕꓯ ꓞꓳ ꓡꓱ ꓐꓴ ꓐꓰ ꓪꓽ ꓘꓴ ꓠꓹ ꓟ ꓥꓳ=

8 ꓦ 5 ꓠꓬꓲ ꓠꓽ ꓛꓳꓼ ꓠꓬꓲ꓾ ꓠꓯꓼ ꓙꓵꓹ ꓕꓯ Fatima ꓟꓹ ꓟ ꓠꓯꓼ ꓗꓪ ꓚꓳ ꓙꓰ ꓠꓹ ꓟ ꓥꓳ= ꓠꓯꓼ 8 ꓙꓵꓹ ꓕꓯ ꓡꓲꓢꓐꓳꓠ ꓗꓪ ꓐꓰ ꓓꓳꓺ ꓙꓰ ꓢꓲ꓾ 9 ꓙꓵꓹ 30 ꓧꓷꓹ ꓕꓯ Chapel of Apparitions ꓗꓪ ꓠꓻ ꓔꓬ ꓢꓴ ꓞꓳ ꓡꓱ ꓐꓴ ꓐꓰ ꓕꓲ ꓪꓼ Rosary ꓪ ꓽ ꓘꓴ ꓓꓴ ꓥꓳ= ꓟꓶꓽ ꓘꓶꓼ 6 ꓙꓵꓹ ꓕꓯ Colégio de S. João de Brito ꓗꓪ ꓬꓰ-ꓢꓴ ꓜꓴꓻ ꓐꓰ ꓜꓲ ꓓꓴ ꓥꓳ= 8 ꓙꓵꓹ 45 ꓧꓷꓹ ꓕꓯ ꓞꓳ ꓡꓱ ꓐꓴ ꓐꓰ ꓝꓮꓲ ꓜꓲ ꓓꓴ ꓥꓳ=

8 ꓦ 6 ꓠꓬꓲ ꓠꓽ ꓫꓵ ꓠꓬꓲ꓾ ꓠꓯꓼ 9 ꓙꓵꓹ ꓕꓯ ꓟꓵꓽ ꓗꓳꓸ ꓓꓵ ꓓꓵ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ (World Youth Day) ꓬꓲꓸ ꓟꓶ ꓟꓲ-ꓢ ꓪꓽ ꓘꓴ ꓙꓵꓹ ꓔꓯ Tejo Park ꓗꓪ ꓬꓰ ꓖꓶ ꓓꓴ ꓥꓳ= ꓟꓳꓼ ꓡꓳ ꓙꓵꓹ ꓕꓯ ꓪꓬꓓ ꓗꓪ ꓬꓰ ꓙ ꓢꓴ ꓐꓰ ꓜꓲ ꓡꓯ ꓘꓳ ꓓꓴ ꓥꓳ= ꓟꓶ ꓘꓶꓼ 6 ꓙꓵꓹ 15 ꓧꓷꓹ ꓕꓯ ꓣꓳ-ꓟ ꓗꓪ ꓡ ꓙꓰ ꓓꓴ ꓥꓳ=