ꓫꓸ ꓓꓴ ꓟꓷꓼ ꓓꓴ ꓔꓳꓹ ꓜꓳ ꓔꓬ ꓢꓴ ꓔꓯ ꓫꓸ ꓪ ꓐꓯ ꓘꓶꓽ ꓗꓪ ꓐꓰ ꓡꓰ ꓟꓽ ꓥ꓾ ꓟꓬꓱꓽ ꓚꓱꓹ ꓐꓰ ꓬꓰ ꓙ ꓓꓴ ꓬꓰ꓾ (Reach out to the suffering with actions, not words)

ꓫꓸ ꓓꓴ ꓟꓷꓼ ꓓꓴ ꓔꓳꓹ ꓜꓳ ꓔꓬ ꓢꓴ ꓔꓯ ꓫꓸ ꓪ ꓐꓯ ꓘꓶꓽ ꓗꓪ ꓐꓰ ꓡꓰ ꓟꓽ ꓥ꓾ ꓟꓬꓱꓽ ꓚꓱꓹ ꓐꓰ ꓬꓰ ꓙ ꓓꓴ ꓬꓰ꓾

ꓔꓲꓺ ꓒ ꓪ ꓔꓲ ꓡꓰ (32) ꓧꓪꓹ ꓟ ꓟꓵꓽ ꓗꓳ ꓓꓵ ꓓꓵ ꓠꓻ ꓢꓴ ꓒꓬ ꓢꓴ ꓦꓬꓼ ꓠꓬꓲ ꓗꓪ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓠꓻ ꓓꓴ ꓒꓬ ꓓꓴ ꓐꓰ ꓔꓳꓹ ꓜꓳ ꓔꓬ ꓢꓴ ꓔꓯ ꓫ ꓪ ꓐꓯ ꓘꓶꓽ ꓗꓪ ꓐꓰ ꓡꓰ ꓟꓽ ꓥ꓾ ꓟꓬꓱꓽ ꓚꓱꓹ ꓐꓰ ꓬꓰ ꓙ ꓖꓶ ꓠꓹ ꓟ ꓐꓱ ꓶ ꓐꓯ ꓔ ꓡꓳ꓾ ꓕꓱ ꓟ ꓠꓬ ꓢꓲ ꓒ ꓬꓰ-ꓢꓴ ꓠꓻ ꓔꓬ ꓢꓴ ꓐꓴ ꓔꓯ ꓕꓲ ꓢꓯꓸ ꓡꓰ ꓫꓸ ꓕꓱ ꓢꓲ ꓟꓬꓱꓽ ꓚꓱꓹ ꓐꓰ ꓟꓬ ꓠꓬꓲ ꓬꓰ ꓖꓶ ꓔꓬ ꓟ ꓔꓯ ꓟꓸ ꓖꓶ ꓬꓰ ꓡꓳꓹ ꓟ ꓔꓯ ꓐꓯ ꓔ ꓡꓳ=

ꓔꓲꓺ ꓒ ꓪ ꓔꓲ ꓡꓰ ꓠꓵꓻ ꓠꓲꓹ ꓐꓯ_ ꓟ ꓠꓬ꓾ ꓛꓬꓹ ꓟ꓾ ꓔꓬ ꓠ ꓔ ꓟ꓾ ꓔꓳꓹ ꓜꓳ ꓡ ꓟ꓾ ꓬꓲꓸ ꓙꓵꓹ ꓖꓶ ꓠꓹ ꓟ ꓐꓰ ꓬꓲꓸ ꓖ ꓖꓶ ꓠꓹ ꓟ ꓮ ꓙꓵ ꓐ ꓠꓹ ꓟ ꓔꓯ ꓐꓯ ꓔ ꓡꓳ= (32) ꓧꓪꓹ ꓟ ꓟꓵꓽ ꓗꓳ ꓓꓵ ꓓꓵ ꓠꓻ ꓢꓴ ꓒꓬ ꓢꓴ ꓦꓬꓼ ꓠꓬꓲ 2 ꓦ 11 ꓠꓬꓲ ꓕꓯ ꓬꓰ_ ꓟ ꓟꓲ-ꓢ ꓪꓽ ꓘꓴ ꓙꓵꓹ ꓕꓯ ꓔꓲꓺ ꓒ ꓪ ꓔꓲ ꓡꓰ ꓠꓽ ꓦꓬꓼ ꓠꓬꓲ ꓪꓴ-ꓢ ꓶꓼ ꓓꓳ ꓫꓱꓸ ꓓꓳ (ꓟ-ꓘꓳ 1ꓽ 40-45) ꓗꓪ ꓐꓰ ꓢꓲ ꓒ ꓬꓰ-ꓢꓴ ꓡꓰ ꓔ ꓟꓼ ꓩꓴꓸ ꓓꓲꓻ ꓢꓴ ꓔꓯ ꓫꓬꓹ ꓓꓻ ꓡꓰ ꓟ ꓔꓯ ꓔꓱꓹ ꓕ ꓢꓲ꓾ ꓣꓳ ꓥ ꓟꓲ ꓕꓲ ꓢꓯꓸ ꓡꓰ ꓫꓸ ꓕꓱ ꓢꓲ ꓟꓬꓱꓽ ꓚꓱꓹ ꓗꓰ ꓐꓰ ꓡꓰ ꓬꓰ ꓙ ꓖꓶ ꓠꓹ ꓟ ꓐꓱ ꓶ ꓐꓯ ꓔ ꓡꓳ꓾ ꓕꓱ ꓟ ꓡꓰ ꓐꓰ ꓫꓬꓹ ꓓꓻ ꓡꓰ ꓢꓴ ꓮ ꓟꓬꓹ ꓔꓯ ꓢꓲ ꓒ ꓬꓰ-ꓢꓴ ꓡꓰ ꓬꓰ ꓖꓶ_ ꓟ ꓔꓯ ꓢꓲ ꓫꓬ ꓕꓳ ꓶ ꓗꓪ ꓐꓰ ꓡꓳꓸ ꓟꓳ ꓪ ꓡꓳ= ꓠꓸ ꓑꓳ ꓟꓽ ꓑ ꓙ ꓢꓴ ꓐꓰ ꓞꓳ ꓟꓶ ꓔꓯ ꓟꓲ ꓫꓬꓹ ꓓꓻ ꓡꓰ ꓟ ꓚꓱꓹ (ꓟ-ꓘꓳ 7ꓽ31-37) ꓗꓪ ꓟꓳ ꓪ ꓡꓳ꓾ ꓛꓲ ꓫꓵꓻ ꓡꓯꓼ ꓫꓵꓻ ꓢꓴ ꓔꓯ ꓫꓬꓹ ꓓꓻ ꓡꓰ ꓟ (ꓟ-ꓘꓳ 2ꓽ1-12) ꓠꓲꓽ ꓜꓴ ꓜꓶꓽ ꓞꓹ ꓢꓴ ꓔꓯ ꓫꓬꓹ ꓓꓻꓡꓰ ꓟ (ꓟ-ꓘꓳ 5)ꓗꓪ ꓡꓳꓸ ꓟꓳ ꓪ ꓓ ꓡꓳ= ꓕꓱ ꓟ ꓡꓰ ꓐꓰ ꓬꓲ ꓡꓰ ꓮ ꓕꓯ ꓟꓲ ꓫꓬꓹ ꓖꓶ ꓖꓶ_ ꓟ ꓥꓳ꓾ ꓫ ꓪ ꓐꓯ ꓘꓶꓽ ꓔꓯ ꓕꓲ ꓢꓯꓸ ꓡꓰ ꓫꓸ ꓕꓱ ꓥ ꓟꓲ ꓬꓲ ꓐꓯ ꓘꓶꓽ ꓡꓰ ꓐꓰ ꓟꓬꓱꓽ ꓚꓱꓹ ꓐꓰ ꓟꓸ ꓖꓶ_ ꓟ ꓥꓳ=

ꓢꓲ ꓒ ꓬꓰ-ꓢꓴ ꓠꓬ ꓙꓲ ꓢꓴ ꓢꓲ ꓤ ꓐꓴ ꓐꓰ ꓙꓵꓻ ꓠꓲꓹ ꓙꓳ ꓢꓴ ꓐꓴ ꓔꓯ ꓐꓯ ꓘꓶꓽ ꓮ ꓟꓬꓹ ꓐꓰ ꓠ ꓠꓬꓲ_ ꓟ ꓟꓽ ꓬꓰ꓾ ꓬꓲ ꓠꓬ ꓠ ꓠꓹ ꓖꓶ ꓢꓲ꓾ ꓟꓬꓱꓽ ꓬꓰ ꓖꓶ_ ꓟ ꓔꓯ ꓟꓬ ꓠꓬꓲ ꓠꓲꓹ ꓫꓵ_ ꓟ ꓥꓳ= ꓣꓳ ꓤꓶꓻ ꓗꓪ ꓓꓵꓽ ꓙ ꓣ ꓡꓰ ꓓꓴ ꓠꓵꓻ ꓠꓲꓹ ꓐꓰ ꓔꓳꓹ ꓜꓳ ꓔꓬ ꓠꓬꓲ ꓐꓭ_ ꓥꓳ= ꓕꓲ ꓐꓱ ꓠꓬ ꓫꓸ ꓪ ꓐꓯ ꓘꓶꓽ ꓠ ꓠꓹ ꓙꓲ ꓠ ꓕꓱ ꓟꓽ ꓗꓴꓸ ꓥ ꓟꓲ꓾ ꓫꓱꓸ ꓤ ꓠꓲꓹ ꓠꓵꓻ ꓠꓲꓹ ꓐꓰ ꓬꓰ ꓙ ꓟ꓾ ꓟꓬꓱꓽ ꓟꓽ ꓡꓯꓼ ꓕꓱꓼ ꓗꓷ ꓔꓬ ꓥ ꓟꓲ ꓣꓱꓽ ꓬꓯꓼ ꓕꓯ ꓬꓰ ꓙ ꓖꓶ_ ꓟ꓾ ꓣꓳ ꓛꓳ ꓒꓯꓹ ꓐꓴ ꓔꓯ “ꓥꓪ ꓔꓯ ꓬꓰ ꓙ ꓐ ꓡ ꓡ? ꓐꓰ ꓠ ꓠꓬꓲ ꓓꓴ ꓬꓰ ꓡꓯ=

ꓔꓲꓺ ꓒ ꓪ ꓔꓲ ꓡꓰ ꓟꓬ ꓠꓬꓲ ꓠꓬꓲꓸ ꓠꓬꓲ ꓟ ꓕꓲ ꓖ ꓡꓲ ꓕꓲ ꓖ ꓗꓪ ꓐꓰ ꓠꓲꓹ ꓟ ꓐꓬ ꓡꓰ ꓟ ꓠꓵꓻ ꓠꓲꓹ ꓖꓴ ꓡꓰ ꓟ ꓠꓬ ꓕꓲ ꓖ ꓡꓲ ꓕꓲ ꓖ ꓗꓪ ꓟꓬ ꓡ ꓟ ꓑꓶ ꓓꓴ ꓔꓱꓹ ꓟ ꓠꓵꓻ ꓠꓲꓹ ꓙꓳ ꓠꓹ ꓟ ꓣꓳ ꓠꓯꓼ ꓗꓪ ꓮ ꓘꓶꓸ ꓫꓸ ꓔ ꓟ ꓚꓱꓹ ꓔꓯ ꓐꓯ ꓔ ꓡꓳ= ꓠꓵꓻ ꓠꓲꓹ ꓔꓯ ꓡꓳꓸ ꓐꓲ_ ꓟ ꓐꓯ ꓘꓶꓽ ꓐꓰ ꓡꓳꓸ ꓐꓲ_ ꓟ ꓔꓯ ꓒꓬꓱꓽ ꓐꓰ ꓔꓯꓺ ꓟꓽ ꓐ ꓡ꓾ ꓖꓳ ꓡꓱ ꓥ ꓟꓲ ꓠꓬꓲꓸ ꓠꓬꓲ ꓮ ꓙꓵꓽ ꓠꓬ ꓠꓵꓻ ꓠꓲꓹ ꓐꓱ ꓶ ꓙꓲ ꓖꓴ ꓙꓳ_ ꓟ ꓥꓳ꓾ ꓖꓳ ꓡꓱ ꓥ ꓟꓲ ꓟꓬ ꓠꓬꓲ ꓠꓬ ꓔꓱꓹ ꓟ ꓕꓷꓹ ꓟ ꓠꓵꓻ ꓠꓲꓹ ꓔꓯ ꓬꓲꓸ ꓚꓵ ꓑ ꓟꓽ ꓐ ꓡ=

ꓔꓲꓺ ꓒ ꓪ ꓔꓲ ꓡꓰ ꓙꓲ ꓢꓴ ꓢꓲ ꓤ ꓐꓴ ꓔꓯ ꓞꓳ ꓤ ꓢꓯꓼ ꓔꓯ ꓠ ꓠꓹ ꓠꓹ ꓟ ꓐꓰ ꓙꓲ ꓖꓴ ꓟꓽ ꓙꓳ_ ꓟ ꓐꓯ ꓘꓶꓽ ꓗꓪ ꓐꓰ ꓡꓰ ꓟꓽ ꓥ ꓥ ꓚꓵ ꓚꓵ ꓬꓰ ꓙ ꓠꓹ ꓟ ꓐꓰ ꓶꓽ ꓓꓰꓽ ꓢꓴ ꓔꓯ ꓬꓰ ꓙ ꓠꓹ ꓟ ꓐꓱ ꓶ ꓚꓲ ꓛꓬ ꓠꓲꓹ ꓟ ꓔꓯ ꓮ ꓕꓲ ꓙꓵꓹ ꓕꓯ ꓒꓳꓹ ꓡꓶꓸ ꓗꓷ ꓡ꓾ ꓠꓻ ꓢꓴ ꓒꓬ ꓢꓴ ꓔꓳꓹ ꓜꓳ ꓔꓬ ꓢꓴ꓾ ꓠꓲꓹ ꓟ ꓐꓬ ꓡꓰ ꓔꓬ ꓢꓴ ꓐꓴ ꓔꓯ ꓮ ꓕꓲ ꓙꓵꓹ ꓗꓪ ꓬꓲꓸ ꓟꓶ ꓬꓰ ꓙ ꓔꓳꓹ ꓙ ꓚꓳ ꓙꓰ ꓗꓷ ꓡ ꓐꓰ ꓠ ꓠꓬꓲ ꓘꓶꓽ ꓐꓰ ꓢꓯꓼ ꓖꓶ ꓔ ꓡꓳ=