ꓔꓲꓺ ꓒ ꓪ ꓔꓲ Francis ꓠꓬ ꓠꓯꓺ ꓞꓲꓼ ꓟ. ꓒꓽ ꓟ. ꓟ ꓓꓽ ꓐꓴ ꓔꓯ ꓠꓲ, ꓟ ꓟꓽ ꓣꓳꓻ ꓠ, ꓟ ꓢꓯꓼ ꓖꓶ ꓟ꓾

ꓔꓲꓺ ꓒ ꓪ ꓔꓲ Francis ꓠꓬ ꓠꓯꓺ ꓞꓲꓼ ꓟ. ꓒꓽ ꓟ. ꓟ ꓓꓽ ꓐꓴ ꓔꓯ ꓠꓲ, ꓟ ꓟꓽ ꓣꓳꓻ ꓠ, ꓟ ꓢꓯꓼ ꓖꓶ ꓟ꓾

ꓔꓲꓺ ꓒ ꓪ ꓔꓲ Francis ꓠꓬ ꓠꓯꓺ ꓞꓲꓼ ꓟ. ꓒꓽ ꓟ. ꓟ ꓓꓽ ꓐꓴ ꓔꓯ ꓠꓲ, ꓟ ꓟꓽ ꓣꓳꓻ ꓠ, ꓟ ꓢꓯꓼ ꓖꓶ ꓟ꓾

2 ꓦ 10 ꓠꓬꓲ 2023 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ Vatican ꓗꓪ ꓙꓳ ꓟ  ꓠꓯꓺ ꓞꓲꓼ ꓦꓲꓻ ꓗꓪ ꓟꓬꓱꓽ ꓬꓰ ꓔꓬ ꓟ ꓠꓯꓺ ꓞꓲꓼ  ꓟ. ꓒꓽ ꓟ. ꓟ ꓓꓽ ꓐꓴ ꓔꓯ ꓠꓴ ꓪ ꓠꓬ ꓠꓻ ꓢꓴ ꓑꓬ ꓢꓴ ꓐꓴ ꓐꓰ ꓒ ꓕꓲ ꓗꓪ ꓔꓬ ꓢꓲ ꓠꓬꓲ ꓠꓻ ꓫꓬ, ꓖꓶ ꓔꓬ ꓟ ꓥ ꓡꓳ꓿ ꓠꓻ ꓢꓴ ꓑꓬ ꓢꓴ ꓐꓴ ꓔꓯ ꓠꓻ ꓫꓬ, ꓖꓶ ꓔꓬ ꓟ ꓙꓵ, ꓕꓯ ꓠꓲ, ꓟ ꓕꓽ ꓣꓳ ꓐꓰ ꓢꓯꓼ ꓖꓶ ꓪꓽ ꓖꓶ ꓗꓷꓳ꓿

ꓔꓲꓺ ꓒ ꓪ ꓔꓲ ꓠꓬ ꓕꓱ ꓕꓲ ꓘꓳꓼ ꓘꓴꓽ ꓗꓪ ꓠꓻ ꓢꓴ ꓐꓴ ꓮ ꓙꓵꓽ ꓔꓯ ꓢꓯꓼ ꓖꓶ ꓟ ꓢꓲꓽ ꓫꓬ ꓕꓳ ꓶ ꓝꓲ. ꓠꓬ ꓝꓲ ꓓꓴ ꓡꓴ‐ꓘ ꓡꓰ ꓐꓳ ꓔ ꓟ ꓢꓲꓽ ꓫꓬ ꓕꓳ ꓶ ꓗꓪ ꓐꓰ  ꓙꓲˍ ꓟ ꓢ‐ꓟ‐ꓡꓲ ꓡ ꓞꓳ ꓕꓲ ꓣꓳ ꓡꓰ ꓫ. ꓕꓱ ꓔ ꓟ  “ꓠꓴ ꓬꓲ ꓔꓯ ꓡꓳ. ꓙ ꓠꓬꓲ ꓙ” ꓐꓯ ꓟ ꓐꓯ ꓘꓶꓽ ꓥ ꓡꓳ ꓐꓰ ꓐꓯ ꓖꓶ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ ꓟ ꓠꓬ ꓣꓳ ꓢꓲꓺ ꓒ ꓬꓰ‐ꓢꓴ ꓠꓬ ꓣꓳ ꓔꓯ ꓮ ꓘꓶ. ꓛꓲ ꓠꓲ, ꓠꓵ_ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ ꓔꓯ ꓫꓵꓻ ꓗꓪ ꓛꓲ ꓠꓲ, ꓠꓵ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓠꓬ ꓫꓵꓻ ꓗꓪ ꓐꓰ ꓝꓮꓲ ꓢꓯ. ꓬꓲꓼ ꓡ ꓟ ꓙꓵ, ꓕꓯ ꓥ ꓟꓲ ꓣꓳ ꓔꓯ ꓡꓳ. ꓙ ꓔ ꓙ ꓔꓬ ꓟ ꓥ ꓡꓳ ꓐꓰ ꓐꓯ ꓖꓶ ꓡꓳ꓿

ꓝꓮꓲ ꓔꓲꓺꓝ ꓒ ꓣꓪ ꓔꓲ ꓠꓬ ꓫ. ꓢꓴ ꓟꓷꓼ ꓢꓴ ꓐꓴ ꓫ. ꓕꓱ ꓟ ꓢꓯꓼ ꓔꓯ ꓠ ꓠ, ꓖꓶ ꓠ, ꓟ ꓐꓰ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓠ, ꓟ ꓐꓯ ꓖꓶ ꓔ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓫ. ꓢꓴ ꓟꓷꓼ ꓢꓴ ꓐꓴ ꓡꓰ ꓢꓯꓼ ꓔꓯ ꓠ ꓠ, ꓓꓴ ꓬꓰ ꓡꓯ” ꓝꓮꓲ ꓣꓳ ꓠꓬ ꓣꓱ ꓞ ꓔꓬ ꓢꓴ ꓐꓴ ꓔꓯ ꓪꓽ ꓫꓱ ꓐꓽ ꓜꓲ ꓐꓰ ꓫ. ꓕꓱ ꓖꓶ ꓢꓲ ꓠꓬꓲ ꓢꓯꓼ ꓖꓶ ꓪꓽ ꓖꓶ ꓘꓶꓽ ꓗꓪ ꓐꓰ ꓡꓯꓼ ꓫꓴꓻ ꓖꓶ ꓓ ꓡꓳ ꓐꓰ ꓐꓯ ꓖꓶ ꓔ ꓡꓳ꓿

Add new comment

5 + 11 =