ꓦꓻ ꓞꓳ ꓫꓸ ꓐꓯ ꓟ

Monday, February 13, 2023

ꓠꓲꓹ ꓠꓵ_ ꓟ ꓬꓲ ꓤ ꓠꓬꓲ ꓤ ꓐꓴ ꓣꓳ ꓚꓲ ꓛꓬ ꓔꓱꓹ ꓕ ꓠ ꓠꓬꓲ ꓓꓴ ꓬꓰ ꓡꓯ= ꓓ ꓪꓴꓸ ꓠꓬ ꓦꓻ ꓞꓳ ꓫꓸ ꓠ_ ꓟ ꓮ ꓡꓰ ꓐꓰ ꓢꓯꓸ ꓔꓬ ꓡ? ꓪꓴ-ꓢ ꓐꓱ ꓶ ꓔꓬ ꓖ ꓖꓶ_ ꓡ? ꓬꓲ ꓠꓬ ꓔꓱ_ ꓡꓳ꓾ ꓙꓲ ꓡꓳꓹ ꓬꓰ ꓢꓴ ꓥꓳ ꓐꓰ ꓙꓵꓻ ꓡ? ꓬꓲ ꓣꓳ ꓔꓯ ꓠꓲꓹ ꓠꓵ_ ꓡꓳ ꓐꓰ ꓙꓵꓻ ꓡ? ꓟꓽ ꓥ ꓠꓬ ꓣꓳ ꓠꓬ ꓮ ꓘꓶꓸ ꓒꓵꓽ_ ꓟ ꓡꓯꓼ ꓫꓴꓻ ꓥ ꓟ ꓔꓯ ꓟꓲ ꓡꓰ ꓢꓲ ꓠꓲꓹ ꓟ ꓟꓽ ꓢ ꓔꓬ ꓡ? ꓖꓴꓽ ꓙꓴꓽ ꓠꓲꓹ ꓫꓬ ꓔꓯ ꓟꓽ ꓤ ꓟꓳ ꓮꓽ ꓔꓳ ꓣꓱꓽ_ ꓡ? ꓣꓳ ꓠꓱꓸ ꓐꓯꓼ ꓢꓴ ꓐꓰ ꓕꓲ ꓪꓼ ꓞꓳ ꓙꓳ ꓔꓬ ꓡ? ꓟꓽ ꓥ ꓠꓬ ꓣꓳ ꓚꓲ ꓛꓬ ꓐꓱ ꓶ ꓡꓰ ꓥ ꓡ? ꓬꓲꓸ ꓟꓶ ꓗꓪ ꓐꓰ ꓪꓴ-ꓢ ꓡꓰ ꓖꓶ ꓔ ꓟ ꓮ ꓘꓶꓸ ꓒꓵꓽ_ ꓟ ꓡꓯꓼ ꓫꓴꓻ ꓔꓯ ꓐꓬ ꓡꓰ ꓝꓲ_ ꓡ? ꓫꓸ ꓢꓴ ꓟꓷꓼ ꓢꓴ ꓣꓱꓽ ꓬꓯꓼ ꓔꓬ ꓢꓴ ꓔꓯ ꓓꓵꓽ ꓙ_ ꓡ? ꓟꓹ ꓟ ꓟ-ꓡꓲ꓾ꓳ ꓥꓪ ꓠꓴ ꓤꓶꓻ ꓗꓪ ꓮ ꓘꓶꓸ ꓡꓳꓸ ꓐꓲ_ ꓟ꓾ ꓮ ꓘꓶꓸ ꓗꓹ ꓛꓲ_ ꓟ ꓡꓯꓼ ꓫꓴꓻ ꓔꓯ ꓘꓳꓹ ꓣꓴ ꓟꓶ ꓠꓹ ꓟ ꓪꓽ ꓘꓴ ꓙ ꓖꓶ ꓡꓯ=

Add new comment

5 + 0 =

Quick Links