Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓢꓲ ꓫꓬꓹ ꓟ ꓕꓲꓽ ꓠꓽ ꓘꓴꓽ ꓗꓪ ꓡꓯ ꓐꓳ ꓔꓶꓸ ꓓꓴ ꓔꓯ ꓠꓬꓲꓸ ꓠꓸ꓾ ꓣꓳ ꓥꓳ ꓡꓳꓸ ꓓꓴ ꓔꓬ ꓡꓳ꓾
ꓢꓲ ꓫꓬꓹ ꓟ ꓕꓲꓽ ꓠꓽ ꓘꓴꓽ ꓗꓪ ꓡꓯ ꓐꓳ ꓔꓶꓸ ꓓꓴ ꓔꓯ ꓠꓬꓲꓸ ꓠꓸ꓾ ꓣꓳ ꓥꓳ ꓡꓳꓸ ꓓꓴ ꓔꓬ ꓡꓳ꓾ Thursday, April 06, 2023
ꓢꓲ ꓫꓬꓹ ꓟ ꓕꓲꓽ ꓠꓽ ꓘꓴꓽ ꓗꓪ ꓡꓯ ꓐꓳ ꓔꓶꓸ ꓓꓴ ꓔꓯ ꓠꓬꓲꓸ ꓠꓸ꓾ ꓣꓳ ꓥꓳ ꓡꓳꓸ ꓓꓴ ꓔꓬ ꓡꓳ꓾
ꓟꓬ ꓠꓬꓲ ꓣꓳꓸ ꓚꓵ_ ꓟ꓾ ꓟꓬ ꓠꓬꓲ ꓣꓱꓽ ꓬꓯꓼ_ ꓟ ꓔꓯ ꓓꓵꓽ ꓙ ꓢꓲ꓾ ꓥꓳ ꓡꓳꓸ ꓓꓴ ꓔꓯ ꓖꓶ_ ꓟ ꓡꓯ ꓐꓳ ꓔꓶꓸ ꓓꓴ ꓔꓯ ꓠꓬꓲꓸ ꓠꓸ ꓠꓹ ꓟ꓾ ꓢꓲ ꓫꓬꓹ ꓟ ꓕꓲꓽ ꓠꓽ ꓗꓪ ꓮ ꓡꓰ ꓐꓰ ꓙꓻ ꓫꓱꓽ ꓠꓹ ꓟ ꓐꓯ ꓗꓷꓳ=
ꓠꓬꓲꓸ ꓠꓬꓲ ꓟꓲ ꓠꓯ ꓡ ꓞꓳ ꓐꓴ ꓙꓻ ꓫꓱꓽ_ ꓟ ꓚꓱꓹ ꓗꓪ ꓥ ꓟꓲ ꓗꓹ ꓛꓲ ꓓꓴ ꓟꓽ ꓟꓳ꓾ ꓬꓲꓸ ꓪ ꓠꓬ ꓑꓧꓳꓠꓰ ꓔꓯ ꓣꓱꓽ ꓥ ꓟꓲ ꓗꓹ ꓛꓲ ꓓꓴ ꓟꓽ ꓪ ꓟꓶ꓾ ꓥꓳ ꓡꓳꓸ ꓓꓴ ꓟꓽ ꓙꓳ ꓟ ꓥꓳ= ꓬꓰ-ꓢꓴ ꓠꓯꓼ ꓗꓪ ꓡꓰ ꓟꓳ ꓪ ꓟ ꓔꓱ_ ꓟ ꓥꓳ ꓡꓳꓸ ꓓꓴ ꓔꓯ ꓧꓪ ꓠꓹ ꓟ ꓢꓯꓼ ꓖꓶ_ ꓡꓳ=
ꓡꓯ ꓐꓳ ꓔꓶꓸ ꓓꓴ ꓗꓪ ꓫꓵꓻ ꓙ ꓗꓷ ꓟ ꓢꓲ ꓒ ꓬꓰ-ꓢꓴ ꓠꓯꓼ ꓗꓪ ꓙꓰ ꓓꓴ ꓬꓰ ꓡꓯ꓾ ꓣꓳ ꓚꓲꓸ ꓛꓬ ꓔꓱ ꓔꓱ_ ꓐꓰ ꓛꓳ ꓢꓲ꓾ ꓟꓽ ꓣꓱꓽ ꓬꓯꓼ ꓟ ꓔꓯ ꓒꓰꓹ ꓗꓷ ꓓꓴ ꓬꓰ ꓡꓯ꓾ ꓣꓳ ꓬꓰ-ꓢꓴ ꓠꓯꓼ ꓗꓪ ꓥꓳ ꓡꓳꓸ ꓓꓴ ꓧꓪ ꓡꓯ꓾ ꓐꓰ ꓔꓲꓺ ꓒ ꓪ ꓔꓲ ꓡꓰ 4 ꓦ 5 ꓠꓬꓲ ꓕꓯ ꓐꓯ ꓔ ꓡꓳ=
ꓕꓱ ꓟ ꓠꓬ ꓣꓱꓽ ꓬꓯꓼ ꓡꓳ꓾ ꓥꓳ ꓡꓳꓸ ꓓꓴ ꓐꓱ ꓶ ꓟꓽ ꓣꓱꓽ ꓬꓯꓼ ꓟ ꓙꓲ ꓖꓴ ꓟꓽ ꓙꓳ ꓟ ꓔꓯ ꓒꓰꓹ ꓗꓷ ꓢꓲ꓾ ꓣꓱꓽ ꓬꓯꓼ ꓟ ꓔꓯ ꓓꓵꓽ ꓙ ꓠꓹ ꓟ ꓥ ꓡꓳ= ꓠꓬꓲꓸ ꓠꓬꓲ ꓤꓶꓻ ꓗꓪ ꓮ ꓙꓵ ꓠꓬ ꓘꓷ ꓡꓶꓽ ꓓꓴ ꓮ ꓟꓬꓹ ꓙꓳ_ ꓟ ꓥꓳ꓾ ꓣꓳ ꓠꓲꓹ ꓟ ꓔꓯ ꓠꓶꓻ ꓡꓰ ꓝꓲ_ ꓟ꓾ ꓠꓲꓹ ꓫꓸ ꓟꓬ ꓫꓸ ꓔꓳꓹ ꓜꓳ ꓡꓰ ꓝꓲ_ ꓟ ꓔꓯ ꓒꓰꓹ ꓗꓷ ꓠꓹ ꓟ ꓣꓱꓽ ꓬꓯꓼ ꓡꓳ ꓐꓰ ꓐꓯ_ ꓡꓳ=
ꓢꓲ-ꓒ ꓬꓰ ꓢꓴ ꓬꓲꓸ ꓡꓯ ꓐꓳ ꓔꓶꓸ ꓓꓴ ꓗꓪ ꓕꓯꓼ ꓔꓶꓸ ꓟ ꓠꓻ ꓓꓴ ꓔꓯ ꓮ ꓡꓰ ꓐꓰ ꓑꓲꓸ ꓔ ꓟ ꓔꓯ ꓐꓯ_ ꓡꓳ= ꓠꓲꓹ ꓠꓵ ꓟ ꓬꓲ ꓤ ꓠꓬꓲ ꓤ ꓐꓴ ꓣꓳ ꓥ ꓟꓲ ꓣꓳ ꓤꓶꓻ ꓗꓪ ꓕꓱ ꓡꓱ ꓫꓸ ꓔꓳ ꓓꓴ ꓕꓱ ꓡꓱ ꓠꓻ ꓓꓴ ꓫꓵ ꓔꓯ ꓑꓲꓸ ꓔ ꓟ ꓮ ꓟꓬꓹ ꓙꓳ_ ꓟ ꓥꓳ= ꓕꓱ ꓟꓬ ꓟ ꓔꓯ ꓮ ꓡꓲ ꓐꓰ ꓗꓳꓸ ꓙꓰ ꓠꓹ ꓟ ꓢꓯꓼ ꓕꓵꓼ_ ꓡ?
ꓬꓲꓸ ꓦ ꓐꓰ ꓖꓳ ꓓꓱ ꓔꓯ ꓠꓻ ꓓꓴ ꓡꓰ ꓝꓲ_ ꓟ ꓬꓲꓸ ꓠꓻ ꓓꓴ ꓔꓯ ꓟꓽ ꓑꓲꓸ ꓔ ꓟ ꓥꓳ꓾ ꓢꓯꓸ ꓬꓯꓼ ꓡ ꓑꓮꓲ ꓐꓰ ꓕꓲ ꓪꓼ ꓣꓳ ꓚꓲꓸ ꓛꓬ ꓠꓻ ꓓꓴ ꓔꓯ ꓠꓬꓲ ꓟꓳ ꓓꓴ ꓒꓬꓱꓼ ꓡꓰ ꓠꓹ ꓟ ꓟꓸ ꓖꓶ ꓟ ꓥꓳ= ꓡꓯ ꓐꓳ ꓔꓶꓸ ꓓꓴ ꓕꓯ ꓢꓲ ꓗꓪ ꓐꓰ ꓝꓴꓲ ꓙꓳ ꓢꓴ ꓐꓴ ꓔꓯ ꓠꓵ ꓠꓲꓹ ꓐꓰ ꓝꓴꓲ ꓖꓽ ꓖꓶ ꓟ ꓥꓳ꓾ ꓟꓽ ꓙꓲ ꓟ ꓔꓯ ꓙꓲ_ ꓟ ꓡꓰ ꓬꓰ ꓖꓶ_ ꓟ ꓥꓳ꓾ ꓠꓲꓹ ꓫ ꓟꓬ ꓫꓸ ꓟ ꓗꓪ ꓐꓰ ꓠꓵ ꓠꓲꓹ ꓔꓯ ꓟꓸ ꓖꓶ_ ꓟ ꓥ ꓡꓳ= ꓖꓳ ꓟ ꓑꓶ ꓓꓴ ꓣꓳ ꓠꓲꓹ ꓫ ꓟꓬ ꓫꓸ ꓟ ꓗꓪ ꓐꓰ ꓡꓲꓹ ꓙꓰ ꓠꓹ ꓟ ꓥꓳ ꓡꓳꓸ ꓓꓴ ꓖꓶ_ ꓟ ꓡꓯ ꓐꓳ ꓔꓶꓸ ꓓꓴ ꓔꓯ ꓠꓬꓲꓸ ꓠꓸ ꓓꓴ ꓬꓰ ꓡꓯ=
Subscribe
Sign up to our newsletter and get latest news and updates straight to your inbox!
Download RVA App
Add new comment