Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓣꓳ ꓔꓯ ꓛꓬ ꓥꓳꓽ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓠꓹ ꓟ
ꓣꓳ ꓔꓯ ꓛꓬ ꓥꓳꓽ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓠꓹ ꓟThursday, February 24, 2022
ꓣꓳ ꓔꓯ ꓛꓬ ꓥꓳꓽ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓠꓹ ꓟ
ꓔꓲꓸꓸ ꓒ ꓪ ꓔꓲ ꓡꓰ ꓠꓽ ꓫꓵꓽ ꓠꓬꓲ ꓪꓽ ꓘꓴ ꓙꓵꓹ ꓗꓪ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ “ꓠꓴ ꓪ ꓔꓯ ꓛꓴꓽ ꓙꓳ ꓢꓴ ꓔꓯ ꓠꓲꓹ ꓠꓵ ꓢꓲ-ꓸ ꓠꓴ ꓪ ꓔꓯ ꓠꓲꓹ ꓜꓳ ꓢꓴ ꓔꓯ ꓙꓲ_ ꓟ ꓬꓰ ꓖꓶ= ꓠꓴ ꓪ ꓒꓬꓱꓽ ꓟꓬ ꓕꓱ ꓕꓲ ꓒꓳꓹ ꓗꓪ ꓓꓶꓽ ꓡ ꓢꓴ ꓔꓯ ꓠꓬ-ꓸ ꓖꓳ ꓕꓲ ꓒꓳꓹ ꓟ_ ꓟꓲ ꓟꓳꓸ ꓖꓶ” ꓐꓰ ꓡꓴ-ꓘ ꓕꓳ ꓶ ꓗꓪ ꓐꓰ ꓚ ꓟꓸ ꓖꓶ_ ꓡꓳ=
ꓟꓽ ꓙꓲ_ ꓟ ꓔꓯ ꓙꓲ_ ꓟ ꓗꓪ ꓐꓰ ꓧꓪꓸ ꓡꓰ ꓓꓴ ꓬꓰ=
ꓒꓬꓱꓽ ꓟꓬ ꓕꓱ ꓕꓲ ꓒꓳꓹ ꓗꓪ ꓓꓶꓽ ꓡ ꓢꓴ ꓔꓯ -ꓸ ꓖꓳ ꓕꓲ ꓒꓳꓹ ꓟ_ ꓟꓲ ꓟꓳꓸ ꓖꓶ_ ꓟ ꓠꓬ ꓞꓳꓸ ꓡꓰ_ ꓟ ꓟꓽ ꓥ-ꓸ ꓕꓱ ꓟ ꓠꓬ ꓪꓴꓽ_ ꓟ ꓠꓲꓹ ꓟ ꓙꓳ ꓢꓴ ꓥ ꓡꓳ= ꓟꓽ ꓔꓱ_ ꓟ ꓟꓽ ꓙꓲ_ ꓟ ꓔꓯ ꓫꓱꓸ ꓤ_ ꓟ ꓠꓲꓹ ꓟ ꓗꓪ ꓐꓰ ꓧꓪꓸ ꓡꓰ ꓓꓴ ꓥ ꓡꓳ= ꓕꓱ ꓟ ꓠꓬ ꓠꓵ ꓠꓲꓹ ꓗꓪ ꓐꓰ ꓟꓽ ꓥ ꓠꓬ ꓮ ꓫꓵꓽ ꓗꓪ ꓐꓰ ꓟꓲ ꓬꓰ ꓟꓽ ꓐꓽ ꓡ=
ꓣꓳ ꓠꓬ ꓬꓰ-ꓢꓴ ꓗꓪ ꓐꓰ ꓶꓼ ꓤ ꓫꓱꓸ ꓤ ꓮ ꓟꓬꓹ ꓪ ꓟꓶ_ ꓟ ꓥꓳ= ꓣꓳ ꓛꓴꓽ ꓙꓳ ꓢꓴ ꓠꓲꓹ ꓜꓳ ꓢꓴ ꓡꓽ ꓞꓳ ꓔꓯ ꓠꓲꓹ ꓠꓵ ꓠꓹ ꓟ ꓠꓬ ꓒꓬꓱꓼ ꓡ ꓟꓽ ꓓ ꓐꓰ ꓓꓵꓽ ꓙ ꓟ ꓥꓳ= ꓟꓽ ꓔꓱ_ ꓢꓴ ꓔꓯ ꓣꓳ ꓠꓲꓹ ꓠꓵ ꓠꓬ ꓟꓽ ꓔꓱ_ ꓟ ꓔꓯ ꓢꓯꓼ ꓖꓶ_ ꓟ ꓡꓰ ꓐꓰ ꓗꓷ ꓡꓰ_ ꓟ ꓥꓳ ꓐꓰ ꓡꓳꓸ ꓟꓳ_ ꓟ ꓥꓳ= ꓛꓴꓽ ꓙꓳ ꓢꓴ ꓔꓯ ꓠꓲꓹ ꓠꓵ ꓐ ꓡ_ ꓡ? ꓕꓱ ꓟ ꓠꓬ ꓣꓳ ꓚꓲ ꓛꓬ ꓠꓲꓹ ꓟ ꓗꓪ ꓐꓰ ꓟꓽ ꓒꓬꓱꓼ ꓡ ꓖꓳ ꓡꓱ ꓥ ꓟꓲ ꓢꓲ-ꓫꓬ-ꓟ-ꓦ ꓗꓪ ꓐꓰ ꓛꓴꓽ ꓙꓳ ꓢꓴ ꓠꓲꓹ ꓜꓳ ꓢꓴ ꓔꓯ ꓠꓲꓹ ꓠꓵ ꓐ ꓡ_ ꓟ ꓥꓳ=
ꓔꓲꓸꓸ ꓒ ꓪ ꓔꓲ ꓡꓰ ꓣꓳ ꓙꓲ ꓢꓴ ꓢꓲ ꓤ ꓐꓴ ꓠꓬ ꓡꓽ ꓞꓳ ꓕꓲꓽ ꓣꓳ ꓔꓯ ꓛꓴꓽ ꓙꓳ ꓢꓴ ꓕꓲꓽ ꓣꓳ ꓡꓰ ꓐꓰ ꓟꓳ ꓢꓲ-ꓸ ꓕꓲꓽ ꓣꓳ ꓐꓰ ꓕꓲꓽ ꓣꓳ ꓛꓴꓽ ꓙꓳ ꓡꓯꓼ ꓘꓳ ꓠꓲꓹ ꓜꓳ ꓡꓯꓼ ꓘꓳ ꓠꓬ ꓟꓽ ꓔꓱꓹ ꓜꓳ_ ꓟ ꓥ ꓡꓳ ꓐꓰ ꓐꓯ_ ꓡꓳ=
ꓬꓲꓸ ꓟꓶꓽ ꓗꓪ ꓐꓰ ꓔꓲꓸꓸ ꓒ ꓪ ꓔꓲ ꓡꓰ ꓣꓳ ꓔꓯ ꓛꓬ ꓥꓳꓽ ꓡ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓢꓲ-ꓸ ꓢꓲ-ꓫꓬ-ꓟ-ꓦ ꓔꓯ ꓶꓽ ꓓꓰꓽ ꓪꓽ ꓘꓴ ꓠꓹ ꓟ ꓐꓱ ꓶ ꓐꓯ_ ꓡꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment