ꓬꓰ-ꓢꓴ ꓙꓲ-ꓢꓴ ꓔꓯ ꓣꓳ ꓢꓷꓸ ꓔ ꓡꓳ ꓐꓰ ꓓꓵꓽ ꓙ_ ꓡ?

ꓬꓰ-ꓢꓴ ꓙꓲ-ꓢꓴ ꓔꓯ ꓣꓳ ꓢꓷꓸ ꓔ ꓡꓳ ꓐꓰ ꓓꓵꓽ ꓙ_ ꓡ?

ꓥꓪ ꓪꓴ-ꓢ ꓟꓸ ꓟꓲꓽ ꓢꓳ ꓔ ꓡꓳ= ꓥꓪ ꓬꓰ-ꓢꓴ ꓙꓲ ꓢꓴ ꓚꓱꓹ ꓮ ꓙꓵꓽ ꓢꓷꓸ ꓔ ꓡꓳ= ꓥ ꓡꓳ-ꓸ ꓞꓳ ꓙꓲꓽ ꓕꓲ ꓣꓳ ꓡꓲ ꓐꓰ ꓥꓳ= ꓬꓰ-ꓢꓴ ꓔꓯ ꓠꓴ ꓟꓽ ꓢꓷꓸ= ꓙꓲ-ꓢꓴ ꓢꓲ ꓤ ꓥ ꓟ ꓮ ꓟꓬꓹ ꓘꓳꓼ ꓗꓷ ꓡꓰ ꓟ ꓑꓶ ꓓꓴ ꓣꓳ ꓠꓬ ꓬꓰ-ꓢꓴ ꓔꓯ ꓮ ꓘꓶꓸ ꓢꓷꓸ ꓔ ꓡꓳ ꓐꓰ ꓣꓳ ꓓꓵꓽ ꓙ_ ꓟ ꓥꓳ= ꓕꓱ ꓡꓱ ꓮ ꓕꓯ ꓥ ꓟꓲ ꓣꓳ ꓓꓵꓽ ꓙ ꓐꓭ_ ꓥꓳ= ꓣꓳ ꓬꓰ-ꓢꓴ ꓔꓯ ꓢꓷꓸ ꓔ ꓟ_ ꓡꓰ ꓐꓰ ꓬꓰ_ ꓟ ꓠꓬ ꓣꓳ ꓔꓯ ꓫꓸ ꓓꓴ ꓔꓳꓹ ꓜꓳ ꓝꓲ_ ꓡꓳ= ꓣꓳ ꓮ ꓡꓲ ꓢꓲ ꓛꓳ ꓠꓯꓹ ꓡ? ꓬꓰ-ꓢꓴ ꓠꓬ ꓗ ꓘꓶꓽ ꓲ’ꓼ ꓥ ꓟꓲ ꓣꓳ ꓠꓬ ꓚꓲ ꓛꓬ ꓝꓲꓸ ꓔ ꓟ ꓥꓳ= ꓬꓰ-ꓢꓴ ꓠꓬ ꓣꓳ ꓐꓰ ꓔꓬ ꓠꓲꓹ ꓫꓵ_ ꓟ ꓣꓳ ꓠꓯꓼ ꓗꓪ ꓓꓵꓽ ꓠꓲꓹ ꓫꓵ_ ꓟ ꓥ ꓡꓳ= ꓣꓳ ꓢꓷꓸ ꓔ ꓟ ꓡꓰ ꓬꓰ_ ꓟ ꓔꓯ ꓠꓽ ꓗꓷ ꓓꓴ ꓬꓰ ꓡꓯ= ꓬꓰ-ꓢꓴ ꓠꓬ ꓣꓳ ꓠꓲꓹ ꓟ ꓔꓯ ꓢꓲ ꓢꓲ ꓫꓬ ꓫꓬ ꓐꓰ ꓒꓴ ꓖꓶ ꓠꓹ ꓟ ꓐꓯ_ ꓡꓳ= ꓡ ꓞꓳ ꓕꓲ ꓣꓳ ꓠꓬ ꓢꓲ ꓫꓬ ꓟ ꓠꓲꓹ ꓟ ꓗ ꓘꓶꓽ ꓒꓴ ꓕꓯ ꓢꓲ-ꓸ ꓬꓲ ꓠꓯꓼ ꓗꓪ ꓟꓬ ꓠꓬꓲ ꓙꓲ_ ꓟ ꓢꓯꓼ ꓪ ꓙꓳ ꓡ ꓥꓳ= ꓪꓴ-ꓢ ꓠꓬ ꓣꓳ ꓔꓯ ꓮ ꓕꓯ ꓥ ꓟꓲ ꓓꓵꓽ ꓙ ꓟꓶ ꓝꓲ_ ꓡꓳ= ꓕꓱ ꓟ ꓠꓬ ꓬꓰ-ꓢꓴ ꓐꓰ ꓜꓲ ꓡꓰ ꓝꓲ_ ꓟ ꓡꓳꓸ ꓐꓲ_ ꓟ ꓥ ꓡꓳ=