Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓬꓰ-ꓢꓴ ꓐꓯ ꓘꓶꓽ ꓔꓯ ꓠ ꓠꓹ ꓢꓲ ꓛꓳ ꓓꓴ ꓬꓰ ꓡꓯ꓾
Thursday, July 21, 2022
ꓬꓰ-ꓢꓴ ꓐꓯ ꓘꓶꓽ ꓔꓯ ꓠ ꓠꓹ ꓢꓲ ꓛꓳ ꓓꓴ ꓬꓰ ꓡꓯ꓾
ꓠꓽ ꓫꓵꓽ ꓠꓬꓲ Angelus ꓪꓽ ꓘꓴ ꓙꓵꓹ ꓗꓪ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓔꓲꓺ ꓒ ꓪ ꓔꓲ ꓡꓰ ꓟ-ꓕ ꓐꓰ ꓟ-ꓡꓲ ꓬꓲꓸ ꓪ ꓠꓬꓲꓽ ꓣꓳ ꓡꓰ ꓬꓰ-ꓢꓴ ꓔꓯ ꓦꓲ ꓗꓪ ꓘꓳꓹ ꓣꓴ ꓟ ꓚꓱꓹ ꓔꓯ ꓐꓯ ꓔ ꓡꓳ= ꓟ-ꓕ ꓡꓰ ꓟ-ꓡꓲ ꓔꓯ ꓟꓬꓱꓽ ꓣꓱꓽ ꓙ ꓠꓹ ꓟ ꓬꓲ ꓔꓯ ꓟꓽ ꓫꓱ ꓤ ꓡ ꓐꓰ ꓠ ꓠꓬꓲ ꓠ ꓗꓪ ꓛꓲ ꓬꓰ-ꓢꓴ ꓟꓲ ꓙꓬꓽ ꓢꓲ ꓗꓪ ꓠꓬꓲꓸ ꓠꓸ ꓢꓲ ꓐꓯ ꓘꓶꓽ ꓔꓯ ꓠ ꓠꓹ ꓔꓬ ꓟ ꓥꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ_ ꓡꓳ= ꓖꓳ ꓡꓱ ꓥ ꓟꓲ ꓬꓰ-ꓢꓴ ꓠꓽ ꓬꓲ ꓔꓯ ꓒꓳꓹ ꓖꓶ ꓢꓲ ꓟ-ꓕꓺꓳ꓾ ꓟ-ꓕꓺꓳ꓾ ꓠꓴ ꓠꓬ ꓟꓬꓱꓽ ꓮꓽ ꓟꓬꓹ ꓫꓵꓽ ꓟ ꓪꓴꓸ ꓠꓬꓲ ꓙꓽ ꓫꓸ ꓔꓬ ꓐꓷ= ꓖꓳ ꓡꓱ ꓥ ꓟꓲ ꓟꓽ ꓙꓳ ꓟꓽ ꓓ ꓟ ꓕꓲ ꓫꓵ_ ꓡꓰꓽ ꓙꓳ_ ꓡꓳ= ꓟ-ꓡꓲ ꓠꓬ ꓟꓬꓽ ꓠꓬꓲ ꓙꓲ_ ꓟ ꓖꓳ ꓕꓲ ꓐꓱꓻ ꓔꓯ ꓢꓲ ꓣꓴ ꓗꓷ ꓠꓬꓲ꓾ ꓬꓲ ꓔꓯ_ ꓐꓰ ꓣꓴ ꓔꓯꓹ ꓙꓰ ꓟꓽ ꓓ꓾ ꓐꓰ ꓐꓯ ꓖꓶ_ ꓟ ꓥꓳ=
ꓔꓲꓺ ꓒ ꓪ ꓔꓲ ꓡꓰ ꓬꓰ-ꓢꓴ ꓡꓰ ꓕꓱ ꓡꓱ ꓒꓳꓹ ꓖꓶ_ ꓟ ꓠꓬ ꓓꓵꓽ ꓙ ꓟꓶ ꓓꓴ ꓥꓳ ꓐꓰ ꓐꓯ_ ꓡꓳ= ꓬꓰ-ꓢꓴ ꓡꓰ ꓟ-ꓕ ꓬꓲ ꓟꓬꓱꓽ ꓟꓬꓹ ꓟ ꓙꓵꓹ ꓗꓪ ꓟ-ꓡꓲ ꓬꓲ ꓠꓲꓹ ꓟ ꓔꓯ ꓢꓲ ꓣꓴ ꓗꓴꓸ ꓠꓹ ꓟ ꓮ ꓫꓵꓽ ꓑꓶ ꓓꓴ ꓐꓯ_ ꓡ ꓐꓰ ꓣꓳ ꓚꓲ ꓛꓬ ꓠ ꓠꓬꓲ ꓠ ꓔ ꓟ ꓥꓳ=
ꓟ-ꓕ ꓬꓲ ꓔꓯ ꓛꓳꓽ ꓕꓯ ꓕꓲꓽ ꓠꓬ ꓬꓲ ꓟꓬꓱꓽ ꓬꓰ_ ꓟ꓾ ꓠꓬꓲꓽ ꓠꓬ ꓟꓽ ꓬꓰ ꓙ ꓡ ꓐꓰ ꓓꓵꓽ ꓙ_ ꓟ ꓠꓲꓹ ꓟ ꓥ ꓡꓳ= ꓪꓰ ꓤ ꓔꓯ ꓘꓳꓹ ꓣꓴ_ ꓟ ꓠꓬ ꓬꓲ ꓪ ꓣꓱꓽ ꓬꓯꓼ_ ꓟ ꓔꓯ ꓬꓰ ꓖꓶ_ ꓟ ꓥ ꓡꓳ= ꓕꓱ ꓟ ꓔꓯ ꓬꓰ-ꓢꓴ ꓡꓰ ꓢꓷꓸ ꓔ ꓡꓳ= ꓟ-ꓕ ꓬꓲ ꓢꓯꓼ ꓕꓵꓼ_ ꓟ ꓠꓲꓹ ꓟ ꓔꓯ ꓥ ꓟꓲ ꓢꓷꓸ ꓔ ꓡꓳ= ꓖꓳ ꓡꓱ ꓥ ꓟꓲ ꓟꓬ ꓠꓬꓲ ꓙꓲ_ ꓟ ꓟꓬꓱꓽ ꓔꓯ ꓢꓲ ꓣꓴ ꓗꓴꓸ ꓠꓹ ꓟ ꓔꓯ ꓬꓲ ꓔꓯ ꓢꓷꓸ ꓡꓰ ꓠꓹ ꓟ ꓐꓯ_ ꓟ ꓥ ꓡꓳ= ꓬꓰ-ꓢꓴ ꓐꓯ ꓘꓶꓽ ꓠꓬ ꓣꓳ ꓤꓶꓻ ꓔꓯ ꓒꓳꓹ ꓖꓶ_ ꓟ ꓟꓽ ꓙꓲ_ ꓟ ꓗꓪ ꓐꓰ ꓡꓲꓹ ꓙꓰ ꓠꓹ ꓟ ꓢꓲ ꓡꓲꓹ ꓗꓹ ꓛꓲ_ ꓟ ꓔꓯ ꓖꓶ_ ꓟ ꓥ ꓡꓳ= ꓟ-ꓡꓲ ꓠꓬ ꓕꓱ ꓟ ꓔꓯ ꓬꓲꓸ ꓪꓴꓸ ꓠꓬꓲꓸ ꓠꓸ ꓢꓲ ꓠ ꓠꓹ ꓔ ꓟ ꓥꓳ=
ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓬꓲ ꓙꓵꓹ ꓙꓳ_ ꓟ ꓙꓵꓹ ꓗꓪ ꓬꓰ-ꓢꓴ ꓐꓯ ꓘꓶꓽ ꓔꓯ ꓠ ꓠꓹ ꓓꓴ ꓬꓰ ꓡꓯ꓾ ꓐꓰ ꓢꓯꓼ ꓖꓶ_ ꓡꓳ= ꓦꓬꓼ ꓠꓬꓲ ꓫꓵꓼ ꓔꓯ ꓢꓯꓸ ꓔꓬ ꓕꓯ ꓣꓳ ꓬꓰ ꓠꓹ ꓟ ꓟꓬꓱꓽ ꓔꓯ ꓡꓰ ꓬꓰ_ ꓡ? ꓟꓽ ꓥ ꓠꓬ ꓪꓴ-ꓢ ꓐꓯꓽ ꓘꓶꓽ ꓔꓯ ꓧꓶꓸ ꓕꓯ ꓧꓪꓹ ꓡ? ꓐꓰ ꓣꓳ ꓚꓲ ꓛꓬ ꓓꓵꓽ ꓙ ꓠ ꓔ ꓡꓳ= ꓔꓲꓺ ꓒ ꓪ ꓔꓲ ꓡꓰ ꓟ-ꓡꓲ ꓡꓰ ꓐꓰ ꓟꓬ ꓠꓬꓲ ꓙꓲ_ ꓟ ꓔꓯ ꓢꓲ ꓣꓴ ꓗꓴꓸ ꓠꓹ ꓟ ꓣꓳ ꓔꓯ ꓟꓸ ꓖꓶ_ ꓟ ꓥꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment