ꓘꓴ-ꓜꓲ-ꓞꓳ ꓚꓺ ꓟꓲꓽ

ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓐꓰ ꓖꓳ ꓓꓱ ꓔꓲꓹ ꓘꓴ-ꓜꓲ-ꓞꓳ ꓧꓹ ꓙꓰ ꓗꓷ ꓟ ꓚꓱꓹ

ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓐꓰ ꓖꓳ ꓓꓱ ꓔꓲꓹ ꓘꓴ-ꓜꓲ-ꓞꓳ ꓬꓲ ꓤ ꓠꓬꓲ ꓤ  ꓐꓴ ꓮ ꓟꓬ ꓧꓹ ꓡꓰ ꓟ  ꓠꓬ Germany ꓗꓴꓷꓼ ꓗꓪ ꓔꓬ ꓟ ꓑꓫꓬ ꓐꓴ ꓮ ꓟꓬ ꓪ ꓠꓲ ꓫꓵˍ ꓟ ꓪꓴꓸ ꓠꓬꓲ ꓥ ꓡꓳ= England ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓥ ꓟꓲ ꓢꓴ ꓤ ꓟꓶ ꓥꓳꓽ ꓡꓰ ꓟ ꓮ ꓟꓬꓹ ꓙꓳˍ ꓟ ꓡꓰ ꓐꓰ Spain ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓥ ꓟꓲ ꓮ ꓟꓬ ꓤꓹ ꓠꓬꓲ ꓫꓵꓽ ꓠꓬꓲ ꓓꓴ ꓔꓳꓹ ꓜꓳꓽ ꓡꓰ ꓟ ꓪꓴꓸ ꓠꓬꓲ ꓘꓴ-ꓜꓲ-ꓞꓳ ꓗꓪ ꓐꓰ ꓧꓹ ꓡꓰ ꓟ ꓥ ꓡꓳ꓾ ꓐꓰ ꓕꓳꓽ ꓶ ꓗꓪ ꓐꓳ ꓔ ꓡꓳ= ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓐꓰ ꓖꓳ ꓓꓱ ꓔꓲꓹ ꓘꓴ-ꓜꓲ-ꓞꓳ ꓬꓲ ꓤ ꓠꓬꓲ ꓤ ꓮ ꓐꓴ ꓮ ꓟꓬ ꓧꓹ ꓡꓰ ꓟ ꓠꓬ ꓦ ꓡꓱ ꓚꓱꓹ ꓗꓪ ꓧꓹ ꓡꓰ ꓟ ꓡꓰ ꓟꓽ ꓞꓲ꓾ ꓓꓵꓽ ꓙ ꓚꓱꓹ꓾ ꓟꓲ ꓠꓯ ꓢꓷꓸ ꓠꓲ ꓐꓰ ꓙ ꓡꓯ ꓘꓳ ꓓꓴ ꓚꓱꓹ ꓮ ꓟꓬ ꓟꓽ ꓫꓱꓸ ꓡꓯ ꓘꓳ ꓗꓷ ꓡꓰꓳ=

ꓑ ꓫꓬ ꓮ ꓟꓬ ꓠꓬ ꓟꓲ ꓠꓯ ꓢꓷꓸ ꓠꓲꓹ ꓠꓬ ꓪꓴ-ꓢ ꓡꓰ ꓖꓶ ꓡꓹ ꓟ ꓡꓯꓼ ꓫꓴꓺ ꓟꓽ ꓥ ꓐꓰ ꓘꓳꓹ ꓣꓴˍ ꓟ ꓥ ꓡꓳ= ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓘꓴꓽ ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓒ ꓓ ꓐꓴ ꓐꓰ ꓔꓲꓺ ꓒ ꓐꓴ ꓥ ꓟꓲ ꓟꓲ ꓠꓯ ꓗꓹ ꓛꓲ ꓓꓴ ꓐꓰ ꓒꓴ ꓫꓵꓺ ꓔꓯ ꓧꓪˍ ꓟ ꓪꓴꓸ ꓠꓬꓲ ꓘꓴ-ꓜꓲ-ꓞꓳ ꓘꓴꓽ ꓗꓪ ꓥ ꓟꓲ ꓫꓵꓽ ꓪꓴ ꓮ ꓟꓬꓹ ꓙꓳˍ ꓟ ꓥ ꓡꓳ= ꓔꓲꓺ ꓒ ꓓ ꓐꓴ ꓠꓬ ꓔꓲꓺ ꓒ ꓪ ꓔꓲ ꓔꓯ ꓟꓽ ꓛꓳ ꓒꓵꓽ ꓬꓰˍ ꓟ ꓮ ꓟꓬꓹ ꓙꓳ ꓡꓰ ꓪ= ꓕꓱ ꓡꓱ ꓐꓰ ꓘꓴ-ꓜꓲ-ꓞꓳ ꓗꓪ ꓐꓰ ꓮ ꓟꓬꓹ ꓧꓹ ꓡꓰ ꓟ ꓔꓯ ꓡꓳꓸ ꓟꓳ ꓪ ꓓꓹ ꓡꓳ=