ꓘꓴ-ꓜꓲ-ꓞꓳ ꓚꓺ ꓟꓲꓽ

ꓘꓴ-ꓜꓲ-ꓞꓳ ꓚꓺ ꓟꓲꓽ

ꓮ-ꓟꓰ-ꓣꓲ-ꓗ ꓟꓵꓽ ꓗꓪ ꓪꓴ-ꓢ ꓶꓼ ꓓꓳ ꓫꓱꓹ ꓓꓳ ꓚˍ ꓟ ꓚꓱꓹ

ꓮ-ꓟꓰ-ꓣꓲ-ꓗ ꓟꓵꓽ ꓗꓪ ꓪꓴ-ꓢ ꓟꓬꓱꓽ ꓬꓰˍ ꓟ ꓠꓬ ꓮ-ꓢꓲꓮ ꓟꓵꓽ ꓗꓪ ꓪꓴ-ꓢ ꓟꓬꓱꓽ ꓬꓰ ꓟ ꓕꓯꓽ ꓢꓲꓺ ꓪꓴꓽ ꓟꓴ ꓡ ꓟ ꓔꓯ ꓡꓳꓸ ꓟꓳ ꓪ ꓓꓹ ꓡꓳ= Mexico ꓗꓴꓷꓼ ꓠꓬ ꓙꓲꓻ ꓫꓬ ꓢꓴ Franciscan ꓔꓲꓺ ꓒ ꓜꓴꓻ ꓮ ꓟꓬꓹ ꓢꓯꓼ ꓕꓵꓼˍ ꓟ ꓪꓴꓸ ꓠꓬꓲ ꓙꓲ-ꓢꓴ ꓢꓲꓺ ꓤ (1000) ꓣꓳ ꓪꓴ-ꓢ ꓔꓯ ꓦ ꓡꓱ ꓡ ꓢꓴ ꓒꓬꓱꓼ ꓡꓰꓳ= ꓮ-ꓟꓰ-ꓣꓲ-ꓗ ꓟꓵꓽ ꓗꓪ ꓥ ꓟꓲ ꓢꓲ-ꓒ ꓬꓰ-ꓢꓴ ꓔꓯ ꓘꓳꓹ ꓣꓴ ꓢꓴ ꓟꓬꓽ ꓡˍ ꓡꓳ= Brazil ꓗꓴꓷꓼ ꓗꓪ ꓥ ꓟꓲ ꓢꓲꓺ ꓒ ꓬꓰ-ꓢꓴ ꓔꓯ ꓘꓳꓹ ꓣꓴ ꓡ ꓢꓴ ꓙꓳ ꓡˍ  ꓥ ꓟꓲ ꓗꓴꓷꓼ ꓡꓳꓸ ꓟꓯꓼ ꓐꓴ ꓡꓰ ꓮ ꓟꓬꓹ ꓫꓸ ꓓꓴ ꓟꓶ ꓓꓴ ꓬꓰˍ  ꓟ ꓪꓴꓸ ꓠꓬꓲ ꓟꓽ ꓟꓬꓽ ꓡ= ꓮ-ꓟꓰ-ꓣꓲ-ꓗ ꓟꓵꓽ ꓗꓪ ꓠꓬ ꓮ ꓟꓬ ꓓ ꓢꓴ ꓡ ꓞꓳ ꓐꓴ ꓠꓬ Indian ꓞꓳ ꓫꓵꓽ ꓐꓴ ꓥ ꓡꓳ= ꓪꓴ-ꓢ ꓟꓬꓱꓽ ꓟꓯ ꓢꓴ ꓮ-ꓟꓰ-ꓣꓲ-ꓗ ꓟꓵꓽ ꓗꓪ ꓛꓲꓺ ꓡꓰ ꓟ ꓙꓵꓹ ꓗꓪ Europe ꓟꓵꓽ ꓗꓪ ꓐꓰ ꓡꓹ ꓟ ꓡ ꓞꓳ ꓐꓴ ꓠꓬ ꓮ-ꓟꓰ-ꓣꓲ-ꓗ ꓟꓵꓽ ꓗꓪ ꓔꓬ ꓟ ꓡ ꓞꓳ ꓐꓴ ꓔꓯ ꓚꓳ ꓑꓸ ꓚꓳ ꓟ ꓬꓰ ꓝꓲˍ ꓡꓳ=

ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓪꓴ-ꓢ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓚꓳ ꓑꓸ ꓚꓳ ꓟ ꓬꓰˍ ꓟ ꓗꓪ ꓐꓰ ꓠꓽ ꓡꓰ ꓠꓹ ꓟ ꓢꓯꓼ ꓕꓵꓼˍ ꓟ ꓥ ꓡꓳ= Europe ꓟꓵꓽ ꓗꓪ ꓐꓰ ꓡꓹ ꓟ ꓡ ꓞꓳ ꓐꓴ ꓠꓬ Africa ꓟꓵꓽ ꓗꓪ ꓔꓬ ꓟ ꓞꓳ ꓠꓯꓸꓹ ꓫꓵꓽ ꓐꓴ ꓔꓯ ꓚꓳ ꓑꓸ ꓚꓳ ꓟ ꓬꓰ ꓝꓲˍ ꓟ ꓥ ꓡꓳ= ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺꓒ ꓐꓴ ꓠꓬ ꓮ ꓟꓬꓹ ꓢꓯꓼ ꓕꓵꓼ ꓢꓲ ꓠꓬꓲ ꓚꓳ ꓑꓸ ꓚꓳ ꓟ ꓬꓰ ꓝꓲˍ ꓟ ꓗꓪ ꓐꓰ ꓠꓽ ꓡꓰ ꓠꓹ ꓟ ꓢꓯꓼ ꓕꓵꓼ ꓗꓷꓳ=ꓞꓳ ꓠꓯꓸꓹ ꓫꓵꓽ ꓐꓴ ꓔꓯ ꓔꓲꓺ ꓒ ꓐꓴ ꓠꓬ ꓮ ꓟꓬꓹ ꓬꓰ ꓙ ꓗꓷꓳ= ꓜꓽ ꓓꓴ ꓓꓳꓻ ꓓꓴ ꓮ ꓟꓬꓹ ꓫꓵꓽ ꓗꓪ ꓬꓰ ꓙ ꓢꓲ ꓪꓴ-ꓢ ꓦ ꓡꓱ ꓡ ꓢꓴ ꓡ ꓞꓳ(300000) ꓒꓬꓱꓼ ꓡ ꓪ= ꓝꓮꓲ ꓮ-ꓟꓰ-ꓣꓲ-ꓗ  ꓟꓵꓽ ꓗꓪ ꓪꓴ-ꓢ ꓟꓬꓱꓽ ꓬꓰ ꓢꓴ ꓔꓲꓺ ꓒ ꓐꓴ ꓡꓰ ꓟꓲ ꓠꓯ ꓢꓷꓸ ꓠꓲꓹ ꓢꓳ ꓦꓲꓺ ꓠꓯꓹꓸ ꓞꓲꓼ ꓦꓲꓻ ꓮ ꓟꓬꓹ ꓔꓯ ꓫꓬꓹ ꓖꓶ ꓗꓷ ꓪ=

 

 

Add new comment

1 + 19 =