ꓚꓮꓣꓔꓧꓮꓖꓰ ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ ꓚꓬꓑꓣꓲꓮꓠ ꓚꓺ ꓟꓲꓽ

ꓚꓮꓣꓔꓧꓮꓖꓰ ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ ꓚꓬꓑꓣꓲꓮꓠ ꓚꓺ ꓟꓲꓽ

ꓚꓮꓣꓔꓧꓮꓖꓰ ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ ꓚꓬꓑꓣꓲꓮꓠ ꓔꓯ Carthage ꓡꓳ ꓒꓱ ꓗꓪ ꓒꓴ ꓫꓵˍ ꓮ ꓟꓬ, ꓙꓳˍ ꓟ ꓕꓲ ꓦꓲꓻ ꓗꓪ ꓐꓰ ꓬꓲ. ꓔꓯ ꓦꓵꓻ ꓗꓷꓳ꓿ ꓬꓲ ꓠꓬ ꓟꓲ ꓠꓯ ꓢꓷ. ꓠꓲ, ꓔꓯ ꓢꓳꓻ ꓣꓴ ꓟꓶ ꓡꓰ ꓗ. ꓠꓯ ꓮ ꓟꓬ, ꓓꓻ ꓟ ꓟ. ꓒ ꓓꓽ ꓕꓲ ꓣꓳ ꓒꓬꓱꓼ ꓡ ꓪ꓿ Carthage ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Cyprian ꓠꓬ ꓮꓓ 245 ꓘꓳꓼ ꓕꓯ ꓪꓴ‐ꓢ ꓦꓻ ꓡꓱ ꓡ ꓢꓴ ꓙꓲ‐ꓢꓴ ꓢꓲꓺ ꓤ ꓕꓲ ꓣꓳ ꓒꓬꓱꓼ ꓡ ꓪ꓿

ꓚꓮꓣꓔꓧꓮꓖꓰ ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ ꓚꓬꓑꓣꓲꓮꓠ ꓬꓲ. ꓠꓯ ꓗꓪ ꓙꓳˍ ꓟ ꓮ ꓟꓬ, ꓪꓴꓽ ꓗꓷ ꓢꓲ ꓠꓬꓲ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓖꓶ ꓗꓷ ꓟ ꓥ ꓡꓳ꓿ ꓝꓮꓲ ꓘꓴ ꓜꓲꓼ ꓞꓳ ꓠꓯ, ꓗꓪ ꓣꓱ ꓬꓯꓼ ꓟ ꓗꓪ ꓣꓱ ꓗꓷ ꓟ ꓥ ꓡꓳ꓿ ꓬꓲ. ꓠꓬꓲ ꓪꓴ‐ꓢ ꓐꓯ ꓘꓶꓽ ꓣꓴ ꓪ ꓡꓰ ꓢꓲ ꓠꓬꓲ ꓔꓲꓺ ꓒ ꓕꓲ ꓣꓳ ꓒꓬꓱꓼ ꓡ ꓗ. ꓠꓯ ꓮꓓ (249) ꓘꓳꓼ ꓕꓯ ꓚꓮꓣꓔꓧꓮꓖꓰ ꓡꓳ ꓒꓱ ꓗꓪ ꓔꓲꓺ ꓒ ꓓꓽ ꓒꓬꓱꓼ ꓡ ꓡꓳ꓿

ꓬꓲ. ꓠꓬ ꓘꓴ ꓜꓲꓼ ꓞꓳ ꓠꓯꓸ ꓗꓪ ꓐꓰ ꓕꓳ ꓶ ꓐꓳ ꓒ ꓓꓽ ꓔꓰꓣꓔꓴꓡꓡꓲꓮꓠ ꓡꓰ ꓐꓳ ꓔ ꓟ ꓕꓳ ꓶ ꓔꓯ ꓮ ꓕꓯ ꓥ ꓟꓲ ꓵꓻ ꓢꓴ ꓕꓲ ꓣꓳ ꓥ ꓡꓳ꓿ ꓖꓳ ꓡꓱ ꓡꓰ ꓟꓽ ꓞꓲ ꓔꓴꓣꓔꓴꓡꓡꓲꓮꓠ ꓠꓬ ꓬꓲꓸ ꓟꓸ ꓒ ꓟꓲ ꓥ ꓡꓳ꓿ ꓬꓲꓸ ꓡꓰ ꓐꓳ ꓔ ꓟ ꓕꓳ ꓶ ꓗꓪ ꓢꓲꓺ ꓒ ꓬꓰ˗ꓢꓴ ꓠꓯ ꓗꓪ ꓘꓴ ꓜꓲꓼ ꓞꓳ ꓠꓬ ꓬꓯꓼ ꓟꓶ ꓙꓴꓽ ꓟꓽ ꓙꓳ ꓟ ꓐꓴ ꓞꓶ ꓡꓰ ꓐꓰ ꓫꓰꓹ ꓡꓯ ꓘꓳꓹ ꓪꓽ ꓡꓯ ꓘꓳꓹ ꓡꓳ (On the Unity of The Catholic Church) ꓐꓰ ꓐꓳ ꓔ ꓟ ꓥ ꓡꓳ꓿

ꓕꓱ ꓡꓰ ꓐꓰ ꓢꓲꓺ ꓒ ꓬꓰ‐ꓢꓴ ꓡꓰ ꓔꓶ. ꓔ ꓟ ꓘꓴ ꓜꓲꓼ ꓞꓳ ꓠꓬ ꓮ ꓟꓬ, ꓣꓳꓺ ꓚꓵ. ꓟ ꓚꓱ, ꓔꓯ ꓟ. ꓖꓶ ꓔ ꓡꓳ꓿ ꓘꓴ ꓜꓲꓼ ꓞꓳ ꓡꓰ ꓟ. ꓖꓶ ꓡ ꓟ ꓗꓪ  ꓐꓰ ꓢꓲꓺ ꓒ ꓬꓰ‐ꓢꓴ ꓚꓱ, ꓔꓯ ꓟꓲ ꓠꓯ ꓞꓳ ꓤ ꓐꓴ ꓢꓷ. ꓡ ꓠ, ꓟ ꓥ ꓡꓳ ꓐꓰ ꓕꓳ ꓶ ꓗꓪ ꓐꓳ ꓔ ꓡꓳ꓿ ꓚꓮꓣꓔꓧꓮꓖꓰ ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ ꓚꓬꓑꓣꓲꓮꓠ ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓮꓓ (258) ꓘꓳꓼ ꓔꓯ ꓢꓰꓼ ꓗꓷꓳ꓿