Constantinople ꓡꓳ ꓒꓱ ꓐꓬꓻ ꓡꓰ ꓟ ꓚꓱ

Constantinople ꓡꓳ ꓒꓱ ꓐꓬꓻ ꓡꓰ ꓟ ꓚꓱ

Constantinople ꓡꓳ ꓒꓱ ꓠꓬ ꓮ ꓟꓶ ꓟ ꓙꓵ, ꓗꓪ Turkey ꓗꓴꓷꓼ ꓥ ꓡꓳ= Byzatine ꓪ ꓔꓲ Alexios Agelos ꓐꓰ ꓪ ꓔꓲ Isaac (2) ꓠꓬ ꓗꓴꓷꓼ ꓔꓯ ꓙꓵꓽ ꓠ, ꓟ ꓪ ꓔꓲ ꓙꓵꓽ ꓪ ꓔꓯ ꓧꓳ, ꓡꓯ ꓘꓳ ꓗꓷꓳ꓿ ꓪ ꓔꓲ Isaac (2) ꓠꓬ Crusade  ꓟꓯꓼ ꓜꓴꓻ ꓔꓯ ꓟꓯꓼ ꓓꓰ ꓢꓰꓼ ꓙ ꓠ, ꓟ ꓓꓰ ꓗꓷꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ Crusade ꓟꓯꓼ ꓜꓴꓻ ꓔꓶꓼ ꓙꓱꓻ ꓥ ꓟ  ꓙꓱ‐ꓢꓴ‐ꓢ‐ꓡꓱ ꓗꓪ ꓙꓰ ꓢꓲ ꓠꓬꓲ ꓟꓯꓼ ꓓꓰ ꓠ, ꓟ ꓔꓯ ꓧꓶ. ꓡꓰ ꓥꓳꓽ ꓡꓰ ꓓꓴ ꓙꓳ ꓡꓰ ꓟ ꓥ ꓡꓳ꓿

ꓪ ꓔꓲ Alexios (3) ꓟꓯꓼ ꓜꓴꓻ ꓗꓪ ꓟꓯꓼ ꓒ (8500) ꓣꓳ ꓔꓬ ꓥ ꓟꓲ Crusade ꓟꓯꓼ ꓒ (3500) ꓣꓳ ꓔꓯ ꓟꓯꓼ ꓟꓽ ꓢꓰꓼ ꓗꓷ ꓡꓰꓳ꓿ ꓪ ꓔꓲ Alexios (3) ꓠꓬ ꓡꓳ ꓒꓱ ꓗꓪ ꓙꓳ ꓟ ꓒꓴ ꓐꓰ ꓫꓵꓔꓯ ꓔꓯ, ꓙꓰ ꓢꓲ ꓠꓬꓲ ꓠꓱ ꓐꓯ ꓟꓵꓽ ꓗꓪ ꓘꓰꓽ ꓙꓰꓳ꓿ Constantinople ꓡꓳ ꓒꓱ ꓗꓪ ꓮ. ꓔꓳ ꓐꓬ ꓡꓰ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ (20000) ꓦꓲꓻ ꓮ. ꓔꓳ ꓐꓬ ꓡꓰꓳ꓿ ꓝꓮꓲ Constantinople ꓡꓳ ꓒꓱ ꓗꓪ ꓪ ꓔꓲ ꓟꓽ ꓔꓬ ꓟ ꓪꓴ. ꓠꓬꓲ ꓪ ꓔꓲ ꓤ (Alexios 4) ꓔꓯ ꓪ ꓔꓲ Issac (2) ꓐꓰ ꓪ ꓔꓲ ꓙꓵꓽ ꓪ ꓖꓶ ꓗꓷꓳ꓿  ꓗꓴꓷꓼ ꓘꓴ ꓗꓪ ꓟꓶ ꓡꓰ ꓟ ꓒꓴ ꓐꓰ ꓫꓵ ꓔꓯ ꓝꓮꓲ ꓪ ꓠ, ꓟ Constantinople ꓡꓳ ꓒꓱ ꓗꓪ ꓫꓬ ꓦ ꓟ ꓐꓬꓱꓼ ꓮ ꓟꓬ ꓔꓯ ꓮ. ꓔꓳ ꓛꓴ ꓠ, ꓬꓰ ꓗꓷꓳ꓿ ꓕꓱ ꓐꓬꓱꓼ ꓠꓬ ꓮ ꓠꓱ ꓟ ꓚꓺ ꓟꓲ ꓮ ꓟꓬ ꓙꓳ ꓟ ꓪꓴ. ꓠꓬꓲ ꓪ ꓔꓲ ꓡꓰ ꓮ. ꓔꓳ ꓛꓴ ꓠ, ꓟ ꓬꓰ ꓟ ꓔꓯ ꓑ ꓫꓬ ꓐꓴ ꓟꓽ ꓠꓲ, ꓫꓵ ꓢꓴ ꓮ ꓟꓬ ꓙꓳ ꓡꓰꓳ꓿

ꓪ ꓔꓲ Alexios (4) ꓔꓯ ꓟꓽ ꓠꓲ, ꓫꓵꓽ ꓢꓴ ꓐꓴ ꓐꓰ Muslim ꓟꓯꓼ ꓐꓴ ꓪꓽ ꓡꓯ ꓘꓳ ꓢꓲ ꓠꓬꓲ ꓪ ꓔꓲ ꓔꓯ ꓟꓯꓼ ꓢꓰꓼ ꓠ, ꓟ ꓬꓰ ꓗꓷꓳ꓿ AD (1203) ꓘꓳꓼ 8 ꓦ ꓔꓯ Crusade ꓟꓯꓼ ꓐꓴ ꓠꓬ Muslim ꓟꓯꓼ ꓔꓯ ꓢꓰꓼ ꓡꓯ ꓘꓳ ꓗꓷꓳ꓿ ꓪ ꓔꓲ Alexios (4) ꓠꓬ ꓟꓯꓼ ꓒ (600) ꓣꓳ ꓐꓰ Andrianople ꓡꓳ ꓒꓱ ꓔꓯ ꓟꓯꓼ ꓓꓰ ꓗꓷꓳ꓿ ꓪ ꓔꓲ Alexios (4) ꓔꓯ Alexios Doukas ꓟꓬꓱꓺ ꓢꓴ ꓡꓰ ꓢꓰꓼ ꓗꓷꓳ꓿

Add new comment

3 + 14 =