ꓒꓴꓽ ꓓꓰ ꓡꓰ_ꓟ ꓠꓬ ꓬꓲꓸ ꓙꓵꓹ ꓥ ꓡꓳ

ꓒꓴꓽ ꓓꓰ ꓡꓰ_ꓟ ꓠꓬ ꓬꓲꓸ ꓙꓵꓹ ꓥ ꓡꓳ

      ꓒꓴꓽ ꓓꓰ ꓡꓰ_ꓟ ꓠꓬ ꓬꓲꓸ ꓙꓵꓹ

ꓬꓲ ꓙꓵꓹ ꓒꓴ_ ꓟ ꓮ ꓟꓶ ꓢꓷ ꓡꓰꓳ= ꓢꓷ ꓡꓰ_ ꓠꓬ ꓢꓰ- ꓗꓥꓼ ꓕꓲꓽ ꓟ ꓘꓴ_ ꓡꓰ ꓔꓯ ꓬꓲ ꓜꓶ ꓣꓱꓽ ꓡꓯ= ꓬꓲ ꓙꓵꓹ ꓔꓯ ꓣꓱꓽ ꓬꓯꓼ ꓓꓴ ꓟꓽ ꓙꓳ ꓟ ꓗꓪ ꓟꓽ ꓣꓱꓽ ꓒꓬꓹ ꓠꓹ ꓟ ꓢꓯꓼ ꓕꓵꓽ ꓡꓯ= ꓛꓽ ꓬꓰꓹ ꓡꓯꓼ ꓝꓬꓸ ꓓꓳ ꓖꓴ ꓗꓪ ꓘꓶꓽ ꓖꓳꓽ ꓫ ꓕꓱ-ꓸ ꓩꓳꓥꓸ ꓔꓳꓹ ꓩꓳꓥꓸ ꓝꓪꓹ ꓢꓲ ꓝꓮꓚꓰ- ꓐꓳꓳꓗ ꓡꓳꓸ ꓠꓬꓲ ꓬꓰ ꓗꓷ ꓟ ꓬꓲ ꓙꓵꓹ ꓔꓯ ꓵ ꓠꓬꓲ ꓡꓯ= ꓠꓴ ꓒꓰꓸ ꓩꓴꓹ ꓓꓵꓽ ꓙ ꓮ ꓡꓰ_ ꓥꓳ= ꓕꓲ ꓐꓱ ꓢꓴ ꓠꓬ-ꓸ ꓮ ꓟꓶ ꓠꓽ ꓥꓪ ꓠꓲꓹ ꓠꓵ ꓒ/ ꓟ ꓮ ꓫꓵꓽ ꓬꓰ ꓔꓬꓹ ꓦꓴꓸ-ꓸ ꓐꓰ ꓐꓯ ꓢꓲ ꓢꓲꓼ ꓙꓬ ꓥꓳ ꓡꓳꓸ ꓔꓬꓹ ꓗꓴ_ ꓡꓳ=

ꓬꓲ ꓓꓵꓽ ꓙ ꓢꓲꓼ ꓙꓬ ꓔꓬꓹ ꓟ ꓬꓲ ꓙꓵꓹ ꓗꓪ-ꓸ ꓬꓲꓼ ꓟꓶ ꓟꓲ ꓔꓬꓹ ꓟ ꓔꓯ ꓬꓲꓸ ꓟꓽ ꓢꓷ ꓔꓬꓹ ꓐꓷ= ꓟꓲ ꓠꓯ ꓗꓪ ꓪꓴꓽ ꓡ ꓟꓴ ꓡ ꓙꓳ ꓜꓽ ꓔꓬꓹ ꓢꓴ ꓥ ꓕ ꓑꓳꓸꓼ ꓠꓬ- ꓒꓵ_ ꓟ ꓬꓲ ꓙꓵꓸ ꓕꓱ ꓟ ꓔꓯ ꓜꓶ ꓣꓱꓽ ꓗꓳꓸ ꓡ ꓸꓢꓴ ꓐꓴ ꓥ ꓡꓳ= ꓠꓴ ꓟꓽ ꓟꓶ ꓡꓰ ꓕꓯ-ꓸ ꓠ ꓖꓼ ꓗꓪ ꓡꓯ ꓒꓯꓸ ꓚꓱꓹ ꓢꓲ ꓠꓬꓲ ꓓꓵꓽ ꓙ ꓠꓬꓲ= ꓠꓬꓲ ꓟꓰ ꓠꓪ ꓬꓲ ꓙꓵꓹ ꓮ ꓟꓬ ꓛꓲ  ꓣꓱꓽ ꓒꓬꓹ ꓗꓴꓳ? ꓬꓲ ꓙꓵꓹ ꓟꓽ ꓣꓱꓽ ꓒꓬꓸ ꓒꓬꓹ ꓮ ꓫꓵꓽ ꓬꓰ ꓗꓳꓸ ꓗꓷꓳ? ꓥꓪ ꓬꓰ ꓗꓷ ꓟ ꓟꓬꓱꓽ ꓠꓬ ꓥꓪ ꓐꓱ ꓶ-ꓸ ꓥꓪ  ꓕꓲꓽ ꓦꓲ ꓢꓴ ꓐꓱ ꓶ ꓣꓱꓽ ꓬꓯꓼ ꓖꓴ ꓙꓳ_ꓡ? ꓥꓪ ꓗꓴꓷꓼ ꓐꓱ ꓶ  ꓣꓱꓽ ꓬꓯꓼ_ ꓡ? ꓕꓲꓽ ꓠ-ꓦꓬꓽ ꓕꓲ ꓘꓶꓽ ꓡꓰ ꓬꓲ ꓖꓳ ꓡꓱ ꓕꓲ ꓠꓬꓲ ꓕꓲ ꓠꓬꓲ ꓬꓰ ꓗꓷ ꓟ ꓔꓯ ꓓꓵꓽ ꓙ ꓠꓬꓲ_ ꓔꓯ ꓠꓽ-ꓸ ꓒꓵꓽ- ꓟ ꓬꓲ ꓙꓵꓹ ꓔꓯ ꓒꓵꓽ ꓒꓵꓽ ꓡꓰꓽ ꓣꓱꓽ ꓗꓴꓸ ꓡ_ꓥꓳ=

Add new comment

2 + 3 =