ꓒꓴ ꓫꓵ ꓐꓰ ꓞꓳ ꓤ ꓤꓶ

Thursday, July 30, 2020

ꓒꓴ ꓫꓵ ꓐꓰ ꓡꓽ ꓞꓳ-ꓸ

ꓠꓬꓲꓸ ꓠꓬꓲ ꓟ ꓦꓬꓼ ꓠꓬꓲ ꓒꓴꓸꓹ ꓫꓵ ꓔꓯ ꓪꓴ-ꓢ ꓡꓰꓽ ꓐꓰ ꓢꓳꓼ ꓢꓲ ꓧꓪ ꓔꓬ ꓡꓳ-ꓸ ꓕꓱ ꓟ ꓠꓬ ꓟꓽ ꓜꓳꓽˍ ꓟ ꓚꓱꓹ ꓥ ꓢꓲ ꓪꓴ-ꓢ ꓐꓰ ꓟꓲ ꓠꓯ ꓡꓽ ꓞꓳ ꓔꓯꓼ ꓶꓽ ꓡꓰ ꓝꓲˍꓟ ꓚꓱꓼ ꓒꓬꓱꓼ ꓡꓰꓳ-ꓸ

ꓖꓳ ꓡꓰ ꓥˍ ꓟꓲ ꓠꓬꓲꓸ ꓠꓬꓲ ꓟ ꓦꓬꓼ ꓠꓬꓲ ꓗꓪ ꓣꓱꓽ ꓬꓯꓼ ꓔꓬ ꓟ ꓜꓽ ꓓꓴ-ꓸ ꓖꓪꓽ ꓓꓴ ꓐꓰ ꓔꓬˍ ꓟ ꓚꓱꓼ ꓗꓪ ꓒꓴ ꓕꓱꓽ ꓟ ꓠꓬ ꓟꓽ ꓣꓱꓽ ꓟꓽ ꓓ ꓗꓷ ꓡꓰˍ ꓟ ꓣꓱꓽ ꓫꓵꓽ ꓒꓬꓱꓼ ꓡ ꓢꓲ ꓞꓳ ꓤꓽ ꓡꓰꓽ ꓫꓬꓹ ꓣꓱꓽ ꓔꓬ ꓟ ꓒꓴ ꓠꓬ ꓪꓴ-ꓢ ꓑ ꓕꓲꓼ ꓗꓪ ꓦꓲꓼ ꓝꓲ ꓔꓬ ꓡꓳ=

ꓕꓱ ꓟ ꓠꓬ ꓥꓳˍꓟ ꓚꓱ ꓥ ꓐꓭ ꓥꓳ-ꓸ ꓮꓸ ꓫꓵꓽ ꓪꓴꓸ ꓠꓬꓲ ꓐꓯˍ ꓠꓬ ꓒꓴ ꓐꓰ ꓣꓳꓽ ꓠꓯꓼˍ ꓗꓪ ꓣꓱꓽ ꓬꓯꓼˍ ꓟ ꓠꓲꓹ ꓫꓵˍ ꓟ ꓮꓽ ꓙꓵꓽ ꓪ ꓟꓽ ꓐ ꓡ-ꓸ ꓣꓳꓽꓠꓲꓹ ꓟ ꓘꓴ ꓗꓪ ꓚꓵ ꓚꓵ ꓠꓲꓹ ꓟ ꓢ ꓚꓱꓼ ꓐꓰ ꓗꓹ ꓛꓲꓽ ꓓꓴ ꓔꓯ ꓒꓴ ꓗꓪ ꓐꓰ ꓪꓴ ꓪ ꓟꓽ ꓐꓽ ꓡ-ꓸ ꓖꓳ ꓡꓰ ꓥˍ ꓟꓲ ꓕꓲꓽ ꓐꓱ ꓠꓬ ꓒꓴ ꓕꓱ ꓟ ꓔꓯꓸ ꓖꓼ ꓢꓲ ꓧꓪꓹˍ ꓟ ꓪꓴꓸ ꓠꓬꓲ ꓚꓵꓸ ꓛꓬꓽ ꓠꓲꓹ ꓟ ꓔꓯꓸ ꓫꓸ ꓙꓵ ꓓꓴ ꓮꓽ ꓟꓬꓸ ꓔꓳꓼ ꓜꓳꓽ ꓝꓲ ꓔꓬ ꓡꓳ-ꓸ ꓚꓵꓸ ꓛꓬꓽ ꓘꓴꓽ ꓠꓯꓼ ꓗꓪ ꓮꓽ ꓘꓶꓸ ꓣꓳ ꓚꓵˍꓟ ꓔꓯ ꓟꓶꓽ ꓡꓰ ꓝꓲˍ ꓡꓳ-ꓸ

ꓒꓴ ꓪ ꓠꓲꓹ ꓫꓵˍ ꓟ ꓪꓴꓸ ꓠꓬꓲ ꓠꓴ ꓚꓲꓸ ꓛꓬꓽ ꓠꓲꓹ ꓟ ꓘꓴꓽ ꓗꓪ ꓟꓽ ꓐˍꓥ ꓟꓲ ꓠꓴ ꓬꓰ ꓛꓵˍ ꓡꓳ-ꓸ ꓜꓳꓽˍꓟ ꓟꓽ ꓜꓳˍꓟ ꓔꓯ ꓠꓴ ꓙꓽ ꓜꓵꓼ ꓠꓲꓼ ꓟꓽ ꓙꓳ ꓬꓰ ꓔꓬ ꓡꓳ-ꓸ

ꓳ ꓟ ꓔꓯꓸ ꓠꓴ ꓓꓵꓽ ꓙꓽ ꓟꓶ ꓢꓲ ꓧꓪꓸ ꓛꓲꓽ ꓡꓹ ꓕꓯꓽ ꓠꓬ ꓠꓴ ꓬꓲꓸ ꓙꓵꓸꓹ ꓖꓼ ꓟꓽ ꓟꓶꓽ ꓡꓰꓳ-= ꓣꓳꓽ ꓐꓴ ꓤꓶ ꓦꓬꓼ ꓠꓬꓲ ꓔꓯꓸ ꓔꓱˍꓟ ꓚꓱꓼ ꓔꓱˍꓟ ꓠꓲꓹ ꓟ ꓢ ꓓꓴ ꓔꓯꓸ ꓧꓪ ꓠꓲꓹ ꓫꓵꓸꓹ ꓠꓬ ꓒꓴ ꓕꓱꓽ ꓟ ꓔꓯꓸ ꓪꓴ-ꓢ ꓡꓰꓽ ꓐꓰ ꓕꓽ ꓢꓳꓼ ꓔꓸ ꓒꓴ ꓠꓬ ꓞꓳ ꓤ ꓐꓴ ꓡꓰꓽ ꓬꓲꓸ ꓒꓵꓽ ꓢꓳꓼ ꓦˍꓟ ꓣꓱꓽ ꓫꓵꓽ ꓕꓲꓽ ꓟ ꓥ_ꓟ ꓪꓴꓸ ꓠꓬꓲ ꓠꓯꓸꓦꓯꓸ ꓙꓵꓽ ꓢꓲ ꓒꓴ ꓠꓯꓼˍ ꓗꓪ ꓕꓼ ꓖꓼ= ꓣꓳꓽ ꓐꓴ ꓠꓲꓹ ꓟ ꓔꓯꓸ ꓗꓹ ꓛꓵꓽ ꓔꓬˍ ꓢ ꓠꓽ ꓟ ꓟꓽ ꓓ ꓣꓳ-ꓚꓵ ꓡꓳ= ꓠꓴ ꓤꓶ ꓦꓬꓼ ꓠꓬꓲ ꓔꓯꓸ ꓒꓴ ꓚꓱꓼ ꓪꓴꓸ ꓠꓬꓲ ꓕꓽ ꓥꓳꓽ ꓡꓰ ꓝꓲ-ꓸ ꓕꓽ ꓐꓬ ꓡꓰ ꓝꓲ=