ꓗꓹ ꓛꓲ ꓔꓬ ꓟ ꓦꓯꓹ ꓐꓲꓽ ꓕꓲ ꓟ ꓟ. ꓟꓲ:

ꓠꓲꓹ ꓠꓵ ꓟ ꓤ ꓠꓱ ꓤ ꓐꓴ ꓟ. ꓟꓲ: ꓕꓱ ꓟ ꓔꓯ ꓠ ꓠ, ꓘꓳꓹ ꓣꓴ ꓓꓴ ꓬꓰ ꓡꓯ= ꓮ ꓠꓱ ꓕꓯ ꓢꓲꓹ ꓠꓯ ꓡꓰ ꓔ ꓟ ꓢꓲꓹ ꓜꓲꓸꓹ ꓕꓲ ꓜꓲꓸꓹ ꓗꓪ ꓦꓯꓹ ꓐꓲꓽ ꓕꓲ ꓟ ꓗꓹ ꓛꓲ ꓛꓲ ꓡꓰ ꓬꓰ ꓜ ꓧꓪ ꓜ ꓔꓬ ꓢꓲ꓾ ꓖꓳ ꓐꓳ ꓔꓷꓹ ꓕꓽ ꓐꓳ ꓔꓷꓹ ꓕꓱ ꓡꓱ ꓬꓰ ꓢꓲ ꓢꓯꓸ ꓔꓬ ꓡꓳ=  ꓬꓲꓸ ꓤꓶꓸꓹ ꓠꓯꓼ ꓗꓪ ꓓꓵꓽ ꓙ ꓫꓸ ꓓꓴ ꓟꓽ ꓙꓳ ꓗꓹ ꓛꓲ ꓢꓯꓸ ꓔꓬ ꓡꓳ= ꓕꓲ ꓠꓬꓲ ꓛꓲ ꓡ ꓕꓯ ꓪꓳ-ꓒ ꓕꓲ ꓘꓹ ꓬꓲꓸ ꓜ ꓮ ꓘꓶꓸ ꓦꓯꓼ ꓟꓷꓼ ꓡ ꓟ ꓪꓴꓸ ꓠꓬꓲ ꓠꓲꓹ ꓢꓲꓼ ꓢꓲ ꓡ_ ꓡꓳ= ꓖꓳ ꓕꓯ ꓦꓯꓹ ꓐꓲꓽ ꓔꓬ ꓟ ꓢꓲꓹ ꓜꓲꓸꓹ ꓛꓬ ꓗꓪ ꓮ ꓘꓶꓸ ꓪꓴꓽ ꓧꓶꓸꓸ ꓡꓰ ꓟ ꓪꓴꓸ ꓠꓬꓲ ꓬꓲꓼ ꓟꓶ ꓡꓰ ꓪ= ꓦꓯꓹ ꓐꓲꓽ ꓠꓬ ꓪꓳ-ꓒ ꓬꓲꓼ ꓟꓶ ꓔꓬ ꓟ ꓔꓯ ꓟꓽ ꓢꓷꓸ ꓢꓲ ꓖꓳ ꓐꓳ ꓔꓷꓹ ꓕꓽ ꓐꓳ ꓔꓷꓹ ꓕꓱ ꓡꓱ ꓬꓰ ꓕꓯ ꓪꓳ-ꓒ ꓠꓬ ꓧꓪꓸ ꓛꓲ ꓡ ꓪ= ꓖꓳ  ꓕꓯ ꓦꓯꓹ ꓐꓲꓽ ꓥ ꓟꓲ ꓦꓰꓸ ꓡꓰ ꓢꓲ ꓪꓳ-ꓒ ꓔꓬ ꓟ ꓗꓪ ꓞꓰ ꓡꓰ ꓪ= ꓖꓳ ꓕꓯ ꓪꓳ-ꓒ ꓡꓰ ꓦꓯꓹ ꓐꓲꓽ ꓔꓯ ꓣꓴ ꓟꓶ ꓡꓰ ꓪ= ꓪꓳ-ꓒ ꓡꓰ  ꓠꓸꓹ ꓠꓬꓲ ꓡꓳ= ꓦꓯꓹ ꓐꓲꓽ ꓠꓴ ꓠꓽ ꓮ ꓡꓰ ꓔ ꓠꓬꓲ ꓠꓲꓹ ꓟ ꓫꓸ ꓓꓴ ꓟꓽ ꓙꓳ ꓠꓲꓹ ꓢꓲꓼ ꓓꓴ ꓟꓽ ꓙꓳ ꓮ ꓡꓰ ꓬꓰ ꓢꓲ ꓕꓱ ꓡꓱ ꓗꓹ ꓛꓲ ꓠ ꓔꓬ ꓡ ꓐꓰ ꓠꓸꓹ ꓠꓬꓲ ꓡꓳ= ꓦꓯꓹ ꓐꓲꓽ ꓡꓰ ꓪꓳ-ꓒ ꓥꓪ ꓠꓽ ꓢꓴ ꓔꓯ ꓠꓲꓹ ꓫꓸ ꓡꓰ ꓠ ꓟꓽ ꓬꓰ꓾ ꓢꓴ ꓔꓯ ꓟꓽ ꓢꓰꓼ ꓢꓴ ꓐꓰ ꓟꓽ ꓐꓯ ꓡꓯꓼ ꓘꓳ ꓔꓬ ꓟ ꓪꓴꓸ ꓠꓬꓲ ꓥꓪ ꓠꓬ ꓕꓱ ꓡꓱ ꓗ ꓗꓹ ꓛꓲ ꓛꓲ ꓔꓬ ꓪ ꓟ ꓥ ꓡꓳ ꓐꓰ ꓐꓯ ꓖꓶ ꓡꓳ= ꓖꓳ ꓕꓯ ꓪꓳ-ꓒ ꓥ ꓟꓲ ꓓꓵꓽ ꓙ ꓟꓶ ꓛꓲ ꓡꓰꓳ= ꓟꓸ ꓟꓲꓽ ꓕꓱ ꓟ ꓠꓬꓲ ꓕꓱ ꓗꓪ ꓛꓲ ꓡꓰ ꓥꓳ= ꓠꓲꓹ ꓠꓵ ꓟ ꓤ ꓠꓱꓹ ꓤ ꓐꓴ ꓣꓳ ꓤꓶꓸꓹ ꓗꓪ ꓥ ꓟꓲ ꓢꓴ ꓠꓲꓹ ꓟ ꓫꓸ ꓡꓰ ꓠ ꓕꓽ ꓬꓰ ꓪ ꓝꓲ ꓡꓯ= ꓮ ꓕꓯ ꓥ ꓟꓲ ꓢꓴ ꓠꓲꓹ ꓟ ꓢ ꓗꓹ ꓛꓲ ꓡꓰ ꓝꓲ= ꓢꓴ ꓗꓹ ꓛꓲ ꓕꓯ ꓣꓳ ꓥ ꓟꓲ ꓠꓲꓹ ꓢ ꓓꓴ ꓥ ꓡꓳ=