ꓤ ꓠꓱ ꓐꓴ ꓔꓯ ꓒꓴꓸꓸ ꓖꓶꓽ ꓢꓲ ꓠꓬꓲ ꓬꓲꓸ ꓪ ꓚꓲꓸ ꓛꓬ ꓣꓱꓽ ꓝꓲˍ ꓟ ꓚꓱꓹ

ꓕꓲ ꓐꓱ ꓮꓽ ꓐꓽ ꓮ ꓟ ꓐꓴ ꓠꓬ ꓣꓳ ꓤ ꓣꓳ ꓠꓱ ꓔꓯ ꓒꓴꓸꓸ ꓖꓶ ꓢꓲ ꓬꓲꓸ ꓪ ꓚꓲꓸ ꓛꓬ ꓣꓱꓽ ꓝꓲˍ ꓟ ꓙꓳ ꓡꓳ= ꓙ ꓟꓶ ꓠꓬꓲ ꓕꓯ ꓠꓬ ꓕꓱ ꓡꓱ ꓒꓴꓸꓸ ꓖꓶ ꓟ ꓠꓬ ꓥꓳ ꓡꓰ ꓟ ꓥ ꓡꓳ ꓐꓰ ꓙ ꓟꓶ ꓛꓲ ꓡ ꓡꓳ= ꓕꓲ ꓚꓱꓹ ꓗꓪ ꓡꓳꓸ ꓠꓬꓲ ꓠꓬ ꓕꓱ ꓟ ꓠꓬ ꓜꓳˍ ꓟ ꓥ ꓡꓳ ꓐꓰ ꓡꓳꓸ ꓟꓳ ꓪ ꓔ ꓡꓳ= ꓕꓲ ꓐꓱ ꓮꓽ ꓐꓽ ꓮ ꓟ ꓐꓴ ꓠꓬ ꓒꓴꓸꓸ ꓖꓶ ꓕꓯ ꓠꓬ ꓤ ꓠꓱ ꓤ ꓐꓴ ꓬꓲꓸ ꓪ ꓤꓶꓻ ꓐꓬ ꓬꓰ ꓡ ꓐꓯ ꓢꓲ ꓟꓽ ꓖꓶ_ ꓟ ꓟꓲ ꓙꓳ_ ꓡꓳ= ꓕꓲ ꓐꓱ ꓮꓽ ꓐꓽ ꓮ ꓟ ꓐꓴ ꓠꓬ ꓒꓴꓸꓸ ꓠꓬ ꓮ ꓟꓬ ꓗꓪ ꓛꓲ ꓒꓵꓽ_ ꓟ ꓔꓯ ꓢꓷꓸ ꓡꓰ ꓝꓲ ꓠꓲꓹ ꓫꓵꓽ ꓟ ꓪꓴꓸ ꓠꓬꓲ ꓖꓶ ꓢꓴ ꓟꓲ ꓙꓳ_ ꓡꓳ= ꓠꓲꓹ ꓠꓵ ꓟ ꓮꓽ ꓐꓽ ꓮ ꓟ ꓐꓴ ꓟꓲ ꓠꓯ ꓗꓪ ꓒꓴꓸꓸ ꓮ ꓟꓬ ꓗꓪ ꓛꓲ ꓒꓵꓽ_ ꓟ ꓔꓯ ꓟꓸ ꓖꓶ ꓡꓯ= ꓬꓲꓸ ꓪ ꓒꓴꓸꓸ ꓮ ꓟꓬ ꓗꓪ ꓛꓲ ꓒꓵꓽ_ ꓟ ꓔꓯ ꓢꓷꓸ ꓝꓲ ꓠꓲꓹ ꓫꓵꓽ ꓐꓭ ꓠꓬ ꓤ ꓠꓱ ꓐꓴ ꓔꓯ ꓒꓴꓸꓸ ꓖꓶꓽ ꓢꓲ ꓠꓬꓲ ꓬꓲꓸ ꓪ ꓚꓲꓸ ꓛꓬ ꓣꓱꓽ ꓝꓲ= ꓕꓱ ꓡꓱ ꓬꓰ ꓖꓶ ꓠꓬ ꓮ ꓟꓬ ꓗꓪ ꓛꓲ ꓒꓵꓽ_ ꓟ ꓔꓯ ꓬꓲꓸ ꓪ ꓢꓷꓸ ꓡ ꓥꓳ= ꓖꓳ ꓡꓱ ꓐꓯ ꓥ ꓟꓲ ꓕꓱ ꓡꓱ ꓒꓴꓸꓸ ꓣꓱꓽ ꓝꓲ ꓟ ꓗꓪ ꓠꓲꓹ ꓘꓪ ꓠꓲꓹ ꓫꓵꓽ ꓕꓽ ꓣꓱꓽ ꓪ ꓡꓰ ꓝꓲ= ꓮꓽ ꓐꓽ ꓮ ꓟ ꓐꓴ ꓥ ꓟꓲ ꓤ ꓟꓳ ꓓꓴ ꓬꓰ ꓡꓯ= ꓣꓱꓽ ꓟꓽ ꓗꓴꓸ ꓢꓴ ꓠꓬ ꓬꓲꓸ ꓤꓶꓻ ꓠꓯꓼ ꓗꓪ ꓮ ꓫꓵꓽ ꓙꓲꓸꓹ ꓖꓴ ꓟꓽ ꓙꓳ= ꓖꓳ ꓡꓱ ꓗꓷ ꓟ ꓪꓴꓸ ꓠꓬꓲ ꓒꓴꓸꓸ ꓔꓯ ꓣꓱꓽ ꓗꓴꓸ ꓠꓹ ꓟ ꓐꓱ ꓶ ꓠꓬ ꓮꓽ ꓐꓽ ꓮ ꓟ ꓐꓴ ꓬꓰ ꓙ ꓡꓳꓸ ꓙ ꓚꓱꓹ ꓧꓳꓽ ꓟꓳꓸ ꓖꓶ ꓙ ꓠ ꓔ ꓡꓳ= ꓕꓱ ꓡꓱ ꓬꓰ ꓖꓶ ꓐꓯ ꓠꓬ ꓟꓲ ꓠꓯ ꓗꓪ ꓒꓴꓸꓸ ꓫꓵꓽ ꓬꓲꓸ ꓒꓵꓽ ꓔꓯ ꓤ ꓠꓱ ꓐꓴ ꓥ ꓟꓲ ꓢꓷꓸꓬꓰ ꓡ ꓥꓳ=   

Add new comment

1 + 11 =