ꓙꓵꓻ ꓠꓲꓹ ꓑꓶꓸ ꓓꓴ ꓡꓲꓽ ꓒꓲꓼ ꓕꓽ ꓟꓶꓽ ꓡꓰ ꓝꓲ-ꓸ ꓡꓲꓽ ꓒꓲꓼ ꓑꓶꓸ ꓓꓴˍ ꓟꓲ ꓠꓴ ꓙꓵ ꓠꓲꓹ ꓔꓯꓼ ꓕꓽ ꓐꓬ ꓡꓰ ꓝꓲ-ꓸ

ꓙꓵꓻ ꓠꓲꓹ ꓑꓶꓸ ꓓꓴ  ꓡꓲꓽ ꓒꓲꓼ ꓔꓯ ꓕꓽ ꓟꓶꓽ ꓡꓰ ꓝꓲ-ꓸ

ꓙꓵꓻ ꓠꓲꓹ ꓐꓰ ꓘꓴ ꓜꓲꓼ ꓞꓳ ꓠꓬ ꓞꓳ ꓫꓵꓽ ꓕꓲꓽ ꓫꓵꓽ ꓗꓳ ꓡꓳ ꓗꓪ ꓓꓵꓽ ꓡˍ ꓠꓬ ꓖꓳ ꓗꓪ ꓔꓬ ꓟ ꓞꓳ ꓫꓵꓽ ꓡꓲꓽ ꓒꓲꓼ ꓐꓰ ꓬꓲꓸ ꓪ ꓙꓵꓻ ꓔꓸ ꓟ ꓔꓯ ꓢꓷꓸ ꓠ ꓗꓹ ꓡꓳ-ꓸ ꓬꓲꓸ ꓪꓽ ꓘꓳꓹ ꓣꓴ ꓔꓸ ꓟ ꓬꓲꓸ ꓡꓲꓽ ꓔꓯˍ ꓟꓲ ꓗꓴ-ꓗꓴ-ꓓꓰ-ꓓꓰ ꓢꓷ ꓔ ꓐꓭ ꓠꓬ ꓡꓲꓽ ꓒꓲꓼ ꓥˍ ꓟꓲ ꓙꓵꓻ ꓠꓲꓹ ꓚꓱꓹ  ꓗꓪ  ꓥˍ ꓟꓲ ꓪꓴꓽ ꓟꓴ ꓡ ꓥꓳ=

ꓘꓴ ꓜꓲꓼ ꓞꓳ ꓙꓵꓻ ꓠꓲꓹ ꓔꓯ ꓡꓲꓽ ꓒꓲꓼ ꓐꓰ ꓬꓲꓸ ꓚꓱꓹ ꓜꓳꓽ ꓜꓳꓽ ꓪ ꓫꓱꓽ ꓡꓰ ꓠ  ꓧꓳꓽ ꓪꓴꓸ ꓐ ꓡˍ ꓠꓬ  ꓙꓵꓻ ꓠꓲꓹˍ ꓟꓲ-ꓸ ꓡꓲꓽ ꓒꓲꓼ ꓥˍ ꓟꓲ ꓙꓲꓻˍ ꓫꓵꓽ ꓡꓰꓽ ꓥꓳ=

ꓖꓳ ꓡꓰ ꓥˍ ꓟꓲ ꓖꓳ ꓟ ꓔꓯ ꓠꓴ ꓬꓰ ꓠꓹ ꓟ ꓓꓵꓽ ꓙ ꓔꓬ ꓐꓭ ꓠꓬ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓔꓬ ꓟ ꓘꓴ ꓜꓲꓼ ꓞꓳ ꓢꓲ ꓤꓼ ꓐꓴ ꓔꓯ ꓓꓽ ꓪꓴꓸ ꓖꓪꓺ ꓙꓱꓻ ꓢꓲ ꓬꓰ ꓠ ꓗꓹ ꓡꓳ-ꓸ ꓬꓲꓸ ꓪꓽ ꓟꓽ ꓘꓳꓹ ꓣꓴ ꓔꓬ ꓐꓭ ꓠꓬ ꓠꓴ ꓕ ꓬꓰ-ꓸ

ꓕꓱꓽ ꓟ ꓠꓬ ꓙꓵꓻ ꓠꓲꓹ ꓑꓶꓸ ꓓꓴ  ꓠꓬꓲ ꓡꓲꓽ ꓒꓲꓼ ꓟꓽ ꓟꓶꓽ ꓡꓰ ꓠꓹ ꓟ ꓚꓱꓹ ꓥ ꓢꓲ꓾ ꓞꓳ ꓫꓵꓽ ꓕꓲꓽ ꓫꓵꓽ ꓟꓽ ꓟꓶꓽ ꓡꓰ ꓠꓹ ꓟ ꓚꓱꓹˍ ꓟꓲ ꓥ ꓡꓳ=

ꓞꓳ ꓫꓵꓽ ꓕꓲꓽ ꓫꓵꓽ ꓠꓬ ꓬꓲꓸ ꓪꓽ  ꓣꓱꓽ ꓔꓬˍ ꓟ-ꓸ  ꓗ ꓟꓲꓽ ꓡꓲꓽ ꓒꓲꓼ ꓙꓳ ꓔꓬˍ ꓡꓳ-ꓸ ꓟꓲ ꓠꓯ ꓗꓪ ꓙꓳ ꓔꓬ ꓟ ꓞꓳ ꓫꓵꓽ ꓥ ꓕ ꓑꓳꓸꓼ ꓠꓬ ꓚꓲꓸ ꓛꓬꓽ ꓡꓲꓽ ꓒꓲꓼ ꓗ ꓟꓲ  ꓙꓳ ꓔꓬ ꓡꓳ-ꓸ ꓗꓸꓟꓲꓽ ꓡꓲꓽ ꓒꓲꓼ ꓖꓳ ꓟ ꓔꓯ ꓕꓳꓽ ꓶ ꓗꓪ ꓐꓳ ꓔꓸ ꓢꓴˍ ꓟꓲ ꓙꓳˍꓡꓳ= ꓕꓳ ꓶ ꓐꓳ ꓔˍ ꓟ ꓟꓽ ꓙꓳ ꓔꓬ ꓥˍ ꓟꓲ  ꓕꓲꓽ ꓤꓶꓻ ꓐꓰ ꓕꓲꓽ ꓤꓶꓻ ꓐꓯ ꓟꓸ ꓢꓲ꓾ ꓢꓷˍ ꓟ ꓡꓲꓽ ꓒꓲꓼ ꓗ ꓟꓲꓽ ꓥˍ ꓟꓲ ꓙꓳˍ ꓡꓳ-ꓸ

ꓞꓳ ꓫꓵꓽ ꓕꓲꓽ ꓫꓵꓽ ꓗ ꓟꓲꓽ ꓡꓲꓽ ꓒꓲꓼ ꓐꓯˍ ꓟ ꓗꓪ ꓠꓬ

1ꓸ ꓓꓽ ꓪꓴꓸ ꓬꓲꓸ ꓪꓽ ꓙꓵꓻ ꓔꓬ ꓟ ꓙꓵꓻ ꓠꓲꓹ

2ꓸ ꓕꓲꓽ ꓤꓶꓻ ꓡꓰꓸ ꓕꓲꓽ ꓤꓶꓻ ꓣꓱꓽ ꓡꓹ ꓟ ꓗ ꓟꓲꓽ

3ꓸ ꓫꓸ ꓕꓱ ꓘꓶꓽ ꓐꓰ ꓔꓬˍ ꓟ

4ꓸ ꓖꓪꓽ ꓫꓵꓽ

5ꓸ ꓑꓮꓲ ꓬꓰꓹˍ ꓟ (ꓙꓵꓻ ꓠꓲꓹ ꓑꓮꓲ-ꓸ ꓞꓳ ꓫꓵꓽ ꓑꓮꓲ) ꓐꓴ ꓥˍ ꓡꓳ=

6ꓸ ꓞꓳ ꓫꓵꓽ ꓔꓯ ꓢꓷꓸ ꓡꓰ ꓝꓲˍ ꓟ ꓬꓲꓸ ꓐꓬꓱꓽ

7ꓸ ꓣꓱꓽ ꓫꓵꓽ ꓣꓱꓽ ꓟꓷ

8ꓸ ꓟꓴꓽ ꓖꓪ ꓐꓰ ꓛꓲ ꓡꓵ ꓡꓯꓼ ꓡꓵ

9ꓸ ꓬꓲꓸ ꓡꓰꓽ -ꓸ ꓓꓵꓽ ꓙ ꓘꓴ ꓣꓴ ꓔꓸ ꓟ ꓙ ꓜꓲꓼ ꓠꓲꓹ ꓐꓰ

10ꓸ ꓞꓳ ꓫꓵꓽ ꓔꓯꓸ ꓗꓪꓽ ꓫꓵꓽ ꓔꓬˍ ꓟ ꓙꓵꓽ ꓗ ꓥ ꓡꓳ=

ꓗꓸ ꓟꓲꓽ ꓡꓲꓽ ꓒꓲꓼ ꓕꓲꓽ ꓟ ꓠꓬ ꓬꓲꓸ ꓪꓽ ꓔꓬˍ ꓟ ꓟꓵꓽ ꓐꓰ ꓧꓪ ꓜꓽ ꓧꓪ ꓓꓳ ꓔꓬ ˍꓟ ꓤꓶ ꓗꓪ ꓠꓶꓹ ꓞ ꓔꓬˍ ꓟ ꓥꓳ=

ꓡꓲꓽ ꓒꓲꓼ  ꓠꓬ ꓞꓳ ꓫꓵꓽ ꓕꓲꓽ ꓫꓵꓽ ꓥˍ ꓟ ꓚꓲꓸ ꓟꓶ ꓝꓲꓸˍ ꓟ ꓥˍ ꓠꓬꓲ ꓕꓽ ꓟꓶꓽ ꓡꓰ ꓝꓲ=

ꓥꓪ-ꓬꓳ-ꓢꓷ