ꓚꓲ ꓛꓬ ꓟꓬꓱꓽ ꓬꓰ ꓪ ꓠꓹ ꓟ ꓧꓶꓸ ꓕꓯ ꓢꓯꓼ ꓕꓵꓼ  

ꓚꓲ ꓛꓬ ꓟꓬꓱꓽ ꓬꓰ ꓪ ꓠꓹ ꓟ ꓧꓶꓸ ꓕꓯ ꓢꓯꓼ ꓕꓵꓼ  
 ꓣꓳ ꓮ ꓫꓵꓽ ꓪꓴꓸ ꓠꓬꓲ ꓟꓽ ꓐꓳ ꓡ ꓥ ꓢꓷꓸ ꓐꓯ_ ꓟ ꓔꓯ ꓕꓲ ꓠꓲꓹ ꓕꓲ ꓪ ꓢꓳ ꓣꓴ ꓠꓬꓲ ꓡꓯ= 
ꓤꓳ ꓤ ꓮ ꓙꓵꓽ ꓠꓬ ꓐꓳ ꓠꓲ, ꓫꓵ ꓢꓴ ꓡꓰꓽ ꓥꓳ= ꓬꓲ ꓤ ꓠꓬꓲ ꓤ ꓐꓴ ꓟꓽ ꓚꓺ ꓐꓯ ꓠꓬꓲ ꓞꓳ ꓤ ꓔꓯ ꓠ ꓠꓬꓲꓺ ꓠꓬꓲ꓾ (99) ꓣꓳ ꓛꓲ ꓠꓬ ꓐꓳ ꓟꓴ ꓢꓱ_ ꓐꓰ ꓐꓯ ꓡ ꓥꓳ= ꓕꓱ ꓡꓱ ꓓꓵꓽ ꓙ ꓢꓲ ꓐꓳ ꓡ ꓥꓳ ꓐꓰ ꓐꓯ_ ꓠꓬ ꓟꓲ ꓠꓯ ꓗꓪ ꓞꓳ ꓫꓸ ꓥ ꓟꓲ ꓟꓽ ꓙꓳ ꓡꓰꓸ ꓟꓽ ꓢꓷ.= ꓬꓲ ꓤ ꓠꓬꓲ ꓤ ꓐꓴ ꓥ ꓟꓲ ꓙ ꓟꓶ ꓛꓲ ꓐꓭ ꓥꓳ= ꓣꓳ ꓠꓯꓸꓼ ꓗꓪ ꓐꓳ ꓠꓲ, ꓫꓵ_ ꓟ ꓠꓲꓹ ꓟ ꓙꓳ ꓕꓲ ꓖꓼ ꓠꓬ ꓟꓽ ꓥ ꓐꓭ꓿ ꓖꓳ ꓡꓱ ꓐꓯ ꓥ ꓟꓲ ꓮ ꓫꓵꓽ ꓪꓴꓸ ꓠꓬꓲ ꓟꓽ ꓐꓳ ꓡ ꓥ ꓢꓷꓸ ꓐꓰ ꓐꓯ ꓠꓬ ꓣꓳ ꓒꓴ ꓔꓯ ꓮ ꓡꓰ ꓣꓱꓽ ꓠ ꓔ ꓟ ꓐꓰ ꓮ ꓡꓰ ꓠꓸ ꓦ ꓠ, ꓟ ꓔꓯ ꓟꓽ ꓢꓷꓸ ꓔ ꓟ ꓪꓴꓸ ꓠꓬꓲ ꓥ ꓡꓳ= ꓖꓳ ꓟ ꓡꓰ ꓟꓽ ꓞꓲꓺ ꓟꓬꓱꓽ ꓠꓬ ꓟꓽ ꓬꓰ꓾ ꓐꓳ ꓠꓲꓹ ꓫꓵˍ ꓟ ꓠꓲꓹ ꓟ ꓡꓰꓽ ꓙꓳˍ ꓟ ꓪꓴꓸ ꓠꓬꓲ ꓥ ꓡꓳ= ꓝꓮꓲ ꓕꓲ ꓟ ꓠꓬ ꓣꓳ ꓟꓬꓱꓽ ꓬꓰˍ ꓟ ꓔꓯ ꓙ ꓡꓰ ꓢꓲ ꓶꓽ ꓤ ꓗꓪ ꓙꓽ ꓟꓶˍ ꓟ ꓪꓴꓸ ꓠꓬꓲ ꓥ ꓟꓲ ꓥ ꓡꓳ= ꓔꓯꓺ ꓥꓳꓽ ꓐꓯ ꓠꓬ ꓢꓴ ꓪꓽ ꓤ ꓬꓰ ꓢꓲ ꓐꓳ ꓠꓲ, ꓫꓵˍ ꓟ ꓥ ꓡꓳ= ꓬꓲ ꓤ ꓠꓬꓲ ꓤ ꓐꓴꓳ‐. ꓢꓴ ꓪꓽ ꓤ ꓬꓰ ꓢꓲ ꓪ ꓡˍ ꓟ ꓒꓴ ꓗꓪ ꓐꓰ ꓣꓳ ꓮ ꓡꓰ ꓥ ꓟꓲ ꓐꓳ ꓡ ꓟ ꓓ= ꓣꓳ ꓐꓳ ꓠꓲ, ꓫꓵꓽ_ ꓠꓬ ꓢꓴ ꓪꓽ ꓤ ꓟꓬꓱꓽ ꓬꓰˍ ꓟ ꓡꓳ ꓗꓷ ꓢꓲ ꓣꓳ ꓚꓲ ꓛꓬ ꓟꓬꓱꓽ ꓬꓰ ꓠ, ꓟ ꓓꓵꓽ ꓙ= ꓖꓳ ꓡꓱ ꓬꓰˍ ꓠꓬ ꓣꓳ ꓐꓳ ꓚꓱꓹ ꓧꓪ ꓟꓶ ꓡ ꓥꓳ=  ꓣꓳ ꓚꓲ ꓛꓬ ꓟꓬꓱꓽ ꓬꓰ ꓢꓯꓼ ꓕꓵꓼ_ ꓟ ꓗꓪ ꓮ ꓘꓶꓸ ꓪꓴꓽ_ ꓟ ꓟꓬꓱꓽ ꓬꓰ ꓟꓽ ꓛꓲ= ꓮ ꓫꓵꓽ ꓡꓰ ꓟꓽ ꓢꓯꓼ ꓕꓵꓼ ꓠꓬ ꓟꓽ ꓪ= ꓣꓳ ꓢꓯꓼ ꓕꓵꓼˍ ꓠꓬ ꓪ ꓡ ꓥꓳ= ꓖꓳ ꓟ ꓑꓶꓸ ꓓꓴ  ꓣꓳ ꓐꓳ ꓠꓲ, ꓫꓵꓽ ꓐꓭ ꓠꓬ ꓢꓯꓼ ꓕꓵꓼ ꓡꓯ= ꓠꓲꓹ ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ=