ꓮ ꓫꓵꓽ ꓪꓴꓸ ꓠꓬꓲ ꓟꓽ ꓗꓹ ꓛꓲ ꓥ ꓢꓷ

ꓮ ꓫꓵꓽ ꓪꓴꓸ ꓠꓬꓲ ꓟꓽ ꓗꓹ ꓛꓲ ꓥ ꓢꓷ

ꓣꓳ ꓤꓶꓻ ꓗꓪ ꓕꓲ ꓖ ꓕꓲ ꓧꓪꓹ ꓠꓬꓲ ꓕꓱ ꓕꓲ ꓣꓳ ꓟ ꓠꓽ ꓮ ꓫꓵꓽ ꓑꓶ ꓓꓴ ꓥꓪ ꓔꓯ ꓠꓲꓹ ꓜꓳ ꓥ ꓢꓷ꓾ ꓮ ꓫꓵꓽ ꓪꓴꓸ ꓠꓬꓲ ꓟꓽ ꓪ ꓡ ꓥ ꓢꓷ꓾ ꓥꓪ ꓮ ꓫꓵꓽ ꓬꓰ ꓥꓳꓽ ꓡꓰ ꓥ ꓢꓷ꓾ ꓐꓰ ꓐꓯ ꓢꓲ ꓓꓵꓽ ꓙ ꓟꓬꓹ ꓟ ꓣꓳ ꓠꓯꓼ ꓗꓪ ꓙꓳˍꓡꓳ= ꓣꓳ ꓠꓯꓼ ꓗꓪ ꓙꓳ_ ꓟ ꓡꓰ ꓐꓰ ꓢꓴ ꓠꓯꓼ ꓗꓪ ꓥ ꓟꓲ ꓙꓳˍꓡꓳ= ꓟꓬ ꓠꓬꓲ ꓐꓶ ꓠꓬꓲ ꓓꓵꓽ ꓙ ꓟꓬꓹ ꓟ ꓠꓬ ꓠꓲꓹ ꓠꓵ ꓢꓴ ꓠꓯꓼ ꓗꓪ ꓟꓬ ꓠꓬꓲ  ꓓꓵꓽ ꓙ ꓟꓬ ꓓꓴ ꓙꓳˍ ꓡꓳ= ꓠꓲꓹ ꓠꓵ ꓢꓴ ꓠꓯꓼ ꓗꓪ ꓥ ꓡ ꓐꓯ ꓡꓰ ꓣꓳ ꓟꓯꓼ ꓛꓳ ꓒꓯꓹ ꓐꓴ ꓠꓯꓼ ꓗꓪ ꓥ ꓡ ꓐꓯ ꓡꓰ ꓕꓲ ꓦꓲꓸꓹ ꓘꓴꓽ ꓗꓪ ꓥ ꓡ ꓐꓯ ꓡꓰ ꓟꓬꓱꓽ ꓕꓲ ꓪꓽ ꓬꓰ ꓢꓴ ꓠꓯꓼ ꓗꓪ ꓥ ꓡ ꓐꓯ ꓡꓰ ꓣꓳ ꓔꓯ ꓠꓲꓹ ꓜꓳ ꓪ ꓡꓰ ꓫꓸ ꓪ ꓕꓱ ꓡ ꓕꓯ ꓓꓵꓽ ꓙ ꓟꓬꓹ ꓟ ꓮ ꓘꓶꓸ ꓙꓳ ꓟ ꓥ ꓡꓳ= ꓖꓳ ꓡꓰ ꓮ ꓘꓶꓸ ꓓꓵꓽ ꓙ ꓟꓬ ꓡ ꓟ ꓗꓪ ꓐꓰ ꓟꓽ ꓙꓲˍꓟ ꓕꓲ ꓒꓳꓹ ꓗꓪ ꓓꓵꓽ ꓙ ꓙꓰ ꓟ ꓥ ꓡꓳ= ꓚꓵ ꓚꓵ ꓐꓯ ꓠꓬ ꓮ ꓫꓵꓽ ꓡꓰ ꓟꓽ ꓥ ꓟ ꓕꓲ ꓫꓵꓽ ꓗꓪ ꓐꓰ ꓣꓳ ꓤꓶꓻ ꓐꓬ ꓡꓰ ꓝꓲˍꓟ ꓥ ꓡꓳ= ꓕꓲ ꓖ ꓕꓲ ꓧꓪꓹ ꓣꓳ ꓔꓯ ꓠꓲꓹ ꓜꓳˍꓪ ꓡꓰ ꓫ ꓪ ꓕꓱ ꓡ ꓟ ꓠꓬ ꓠꓲꓹ ꓜꓳ ꓟ ꓟꓽ ꓥ꓾ ꓬꓲ ꓠꓯꓼ ꓗꓪ ꓟꓬꓱꓽ ꓬꓰ ꓠꓹ ꓟ ꓬꓲ ꓮ ꓘꓶꓸ ꓞˍꓟ ꓪꓴꓸ ꓠꓬꓲ ꓥ ꓐꓶ ꓥꓳ= ꓕꓱ ꓟ ꓔꓯ ꓣꓳ ꓖꓽ ꓖꓶ ꓗꓴꓸꓠ ꓔ ꓡꓳ= ꓟꓽ ꓥ ꓠꓬ ꓣꓳ ꓢꓲ ꓪꓴꓽ ꓧꓶꓸꓸ ꓓꓴ ꓠꓲꓹ ꓟ ꓫꓸ ꓓꓴ ꓡꓰ ꓥ ꓡꓳ= ꓣꓳ ꓐꓰ ꓕꓲ ꓪꓼ ꓫꓸ ꓪ ꓕꓱ ꓠꓲꓹ ꓟꓽ ꓫꓵ ꓫꓵ ꓔ ꓕꓯ ꓠ ꓑ 1 ꓣꓳ ꓙ ꓟꓶ ꓠ ꓔ ꓟ ꓠꓬ ꓬꓲꓸ ꓠꓯꓼ ꓗꓪ ꓓꓵꓽ ꓙ ꓫꓸ ꓓꓴ ꓕꓲ ꓫꓵꓽ ꓫꓵꓽ ꓙꓳˍ ꓠꓲ ꓥꓳ ꓐꓰ ꓙ ꓟꓶ ꓗꓴꓸ ꓠ ꓔ ꓡꓳ= ꓠ ꓑ 2 ꓙ ꓟꓶ ꓠ ꓔ ꓟ ꓠꓬ ꓣꓳ ꓡꓰ ꓬꓲ ꓔꓯ ꓫꓸ ꓪ ꓕꓱ ꓥꓳꓽ ꓡꓰ ꓥ ꓢꓷ ꓐꓰ ꓓꓵꓽ ꓙ ꓠ ꓔ ꓡꓳ= ꓕꓱ ꓥꓳꓽ ꓡꓰ ꓐꓶ ꓠꓬ ꓝꓴꓲ  ꓣꓷꓠꓸ ꓗꓴꓸ ꓠ ꓔ ꓡꓳ= ꓖꓳ ꓡꓰ ꓔ ꓟ ꓪꓴꓸ ꓠꓬꓲ ꓮ ꓘꓶꓸ ꓕꓽ ꓓꓵꓽ ꓙ ꓪ ꓡꓰ ꓝꓲ = ꓓꓵꓽ ꓙ ꓟꓬꓹ ꓟ ꓕꓱ ꓟ ꓠꓬ ꓟꓽ ꓗꓹ ꓛꓲ ꓟ ꓔꓯ ꓗꓷ ꓡꓰ ꓝꓲ ꓟ ꓪꓴꓸ ꓠꓬꓲ ꓥ ꓡꓳ=