ꓧꓪꓸ ꓡꓰ ꓟ ꓠꓬ ꓪꓴꓽ ꓪꓴꓽ ꓣꓳ ꓣꓳ ꓟꓽ ꓗꓪꓽ ꓫꓵ:

ꓮ ꓠꓱ ꓕꓯ ꓬꓲ ꓐꓹ ꓐꓽ ꓐꓰ ꓬꓲ ꓤ ꓠꓬꓲꓽ ꓣꓳ ꓔꓬ ꓡꓳ= ꓕꓲꓽ ꓠꓬꓲ ꓡꓳꓼ ꓬꓰ ꓕꓯ ꓬꓲ ꓐꓹ ꓐꓽ ꓠꓬ ꓞꓲꓼ ꓮ ꓘꓶꓸ ꓟꓳ ꓡꓰ  ꓟ ꓪꓴꓸ ꓠꓬꓲ ꓧꓪꓽ ꓖꓳ ꓓꓱ ꓡꓳꓹ ꓬꓰ ꓪ= ꓖꓳ ꓕꓯ ꓬꓲ ꓤ ꓕꓲꓽ ꓣꓳ ꓡꓰ ꓜꓰ ꓡꓰ ꓪ= ꓤ ꓠꓱ ꓤ ꓬꓲ ꓐꓹ ꓐꓽ ꓦꓯꓼ ꓠꓬꓲ ꓖꓴ ꓡꓰ ꓟ ꓪꓴꓸ ꓠꓬꓲ ꓕꓳ ꓶ ꓥ ꓟꓲ ꓢꓳ ꓠꓽ ꓡꓰ ꓪ= ꓤ ꓠꓱ ꓤ ꓬꓲ ꓠꓯꓼ ꓗꓪ ꓠꓬ ꓠꓲꓹ ꓟ ꓫꓹ ꓓꓴ ꓓꓵꓽ ꓙ ꓟꓶ ꓓꓴ ꓟꓬ ꓐꓲ ꓓꓳ ꓓꓴ ꓡꓰ  ꓗꓷ ꓡꓰ ꓪ= ꓖꓳ ꓡꓱ ꓐꓯ ꓥ ꓟꓲ ꓬꓲ ꓠꓬ ꓠꓲꓹ ꓟ ꓟꓽ ꓙꓬ ꓙꓬ ꓤ ꓠꓱ ꓤ ꓠꓬ ꓬꓲꓹ ꓐ ꓡ ꓕꓲ ꓒꓳ, ꓗꓪ ꓐꓰ ꓟꓬꓱꓽ ꓬꓰ ꓢꓯꓼ ꓕꓵꓼ ꓡꓳ=ꓖꓳ ꓡꓱ ꓢꓯꓼ ꓕꓵꓼ ꓢꓲ ꓬꓲ ꓠꓬ ꓮ ꓘꓶꓸ ꓔꓬ ꓢ ꓢꓲ꓾ ꓐꓳ ꓟ ꓞꓳ ꓤ ꓕꓲ ꓣꓳ ꓒꓬꓱꓼ ꓡꓳ=ꓖꓳ ꓡꓱ ꓔ ꓟ ꓪꓴ. ꓠꓬꓲ ꓧꓪꓸ ꓡꓰ ꓟ ꓠꓬ ꓪꓴꓽ ꓪꓴꓽ ꓣꓳ ꓣꓳ ꓟꓽ ꓗꓪꓽ ꓫꓵ: ꓐꓯ ꓟ ꓥ ꓡꓳ= ꓣꓳ ꓤꓶꓻ ꓗꓪ ꓥꓪ ꓠꓬ ꓮ ꓫꓵꓽ ꓡꓰ ꓟ ꓢꓷꓸ ꓐꓯ ꓢꓲ ꓔꓬ ꓐꓭ ꓠꓬꓲ ꓮ ꓕꓯ ꓥ ꓟꓲ ꓟꓽ ꓐꓳ ꓡ=