ꓚꓳꓦꓲꓓ ꓠꓸꓸ ꓫꓵꓽ ꓔꓯꓸ ꓤ ꓟꓳ ꓓꓽ ꓔꓳꓹ ꓠꓯˍ ꓟ-ꓸ

ꓚꓳꓦꓲꓓ-19 ꓠꓺ ꓫꓵ: ꓕꓱ ꓟ ꓠꓬ ꓡ: ꓞꓳ ꓕꓲ: ꓣꓳ ꓐꓰ ꓕꓲ: ꓣꓳ ꓗꓳ ꓡꓳ ꓗꓪ ꓬꓲ. ꓚꓱꓼ ꓮ ꓟꓬꓹ ꓚꓱꓼ ꓗꓪ ꓐꓰ ꓠꓷꓼ ꓢˍ ꓟ ꓠꓺ ꓫꓵ: ꓥ ꓡꓳ= ꓠꓬꓲꓹ ꓠꓬꓲ ꓟ ꓦꓬꓼ ꓠꓬꓲ ꓗꓪ ꓠꓺ ꓫꓵ: ꓕꓱ ꓟ ꓠꓬ ꓣꓳ: ꓚꓰ. ꓛꓬ: ꓦꓲ ꓗꓪ ꓔꓬ ꓢꓲ ꓠꓯꓺ ꓝꓲꓼ ꓫ ꓓˍ ꓡꓳ꓾ ꓣꓳ: ꓠꓯꓼ ꓗꓪ ꓠꓺ ꓫꓵ: ꓠꓷꓼ ꓡꓰˍ ꓟ ꓔꓯ. ꓢꓷ ꓡꓰ ꓓꓴ ꓠꓬ꓾ 1. ꓖꓳ ꓓꓱ ꓛꓴꓺ ꓞ ꓢꓲꓹ ꓬꓲ. ꓝꓲ. ꓘꓳꓼ ꓟ꓾ 2. ꓬꓲ. ꓜꓶ: ꓟ ꓙꓳ ꓢꓯꓼ ꓐ: ꓪꓳ: ꓧꓶˍ ꓟ꓾ 3.ꓬꓲ. ꓐꓵ: ꓟ: ꓪꓹ ꓟ ꓐꓰ꓾ ꓮ. ꓫꓵ: ꓜ: ꓥˍ ꓟꓲ ꓜ: ꓟ ꓢꓳˍ ꓟ꓾ 4. ꓛꓱ:- ꓐꓰ ꓗꓪ ꓠꓺ ꓔꓬˍ ꓟ꓾ 5. ꓪꓴ. ꓓꓵ ꓗꓪ ꓗ. ꓢꓲ ꓠꓺˍ ꓟ꓾ 6.ꓦꓯꓼ ꓟ ꓠꓺ ꓟ꓾ ꓐꓰ 7. ꓟꓬ ꓢꓷ: ꓘꓴ: ꓗꓪ ꓫꓵꓺ ꓫꓵ: ꓐꓰ ꓗˍ ꓟ ꓠꓬ ꓚꓳꓦꓲꓓ-19 ꓠ: ꓫꓵ: ꓥˍ ꓟ ꓢꓷ. ꓡꓰ ꓓꓴ ꓥ ꓡꓳ= ꓣꓳ: ꓚꓵ. ꓛꓬ: ꓤ ꓟꓳ ꓠ ꓗ ꓡꓳ꓾ ꓠꓺ ꓫꓵ: ꓣꓳ ꓠꓯˍ ꓗꓪ ꓔꓳꓹ ꓜꓳ ꓡ ꓐꓭ ꓠꓬ ꓚꓵ. ꓛꓬ: ꓦꓲ ꓗꓪ ꓕꓲ: ꓣꓳ ꓔꓵꓼ ꓔꓬ ꓠˍ ꓟ ꓮ: ꓘꓶ. ꓣꓳ ꓚꓵ. ꓡꓳ꓾ ꓕꓲ: ꓦꓲ ꓡ: ꓞꓳ ꓐꓴ ꓐꓰ ꓟ: ꓫꓳ. ꓤ ꓟꓳ ꓢꓲꓹ ꓠꓯꓺ ꓞꓲꓼ ꓫꓬ ꓠ ꓗ ꓡꓳ꓾ ꓖꓳ ꓡꓰ ꓥ ˍ ꓟꓲ ꓠꓲꓹ ꓟ ꓕ: ꓙ ꓫ.꓾ ꓜ: ꓪꓳ ꓔꓯ. ꓟ: ꓪ ꓟ: ꓢ ꓜ: ꓪ ꓡꓰ ꓝꓲ꓾ ꓚꓵ. ꓛꓬ: ꓦꓲ ꓗꓪ 14 ꓦꓬꓼ ꓡꓳꓼ ꓬꓰ ꓠꓬ ꓠꓺ ꓫꓵ: ꓗꓪ ꓐꓰ ꓧꓪ. ꓐ ꓡꓰ ꓥꓳ꓾

Add new comment

5 + 7 =