ꓚꓳꓦꓲꓓ 19 ꓠꓸꓸ ꓫꓵꓽ ꓠꓴ ꓠꓯꓼ ꓗꓪ ꓔꓳꓼ ꓜꓳ ꓔꓬ ꓐꓭ ꓠꓬ-ꓸ

ꓚꓳꓦꓲꓓ ꓠꓸꓸꓫꓵꓽ ꓗꓷ ꓡꓰ_ꓠꓬ ꓓꓽ ꓪꓴꓸ ꓙꓽ ꓖꓶꓽ ꓠꓼ_ꓟ

ꓠꓴ ꓠꓯꓼ ꓗꓪ COVID 19 ꓠꓸꓸ ꓫꓵꓽ ꓔꓳꓼ ꓜꓳ ꓔꓬ ꓐꓭ ꓠꓬ ꓓꓽ ꓪꓴꓸ ꓙꓽ ꓖꓶꓽ ꓠꓼ ꓟ -ꓸ

ꓣꓦꓮ ꓡꓲ-ꓢꓴ ꓓꓳꓽ ꓔꓯ ꓠꓸꓸ ꓠꓼ ꓔꓬ ꓢꓴ ꓮꓽ ꓙꓵꓽ ꓢꓴ ꓧꓪꓸ ꓧꓪ-ꓸ ꓠꓬꓲꓸ ꓠꓬꓲ ꓥꓪ ꓢꓷꓸ ꓙ ꓟꓳ ꓙ ꓠꓲꓹ ꓫꓵꓼ_ꓟ ꓠꓬ ꓚꓳꓦꓲꓓ 19 ꓠꓸꓸꓫꓵꓽ ꓣꓳꓽ ꓠꓯꓼ ꓗꓪ ꓔꓳꓼ ꓜꓳꓽ ꓡꓹ ꓕꓯꓽ ꓙꓽ ꓖꓶꓽ ꓠꓯꓼ_ ꓟ ꓔꓯꓸ ꓢꓓꓹ ꓙ ꓟꓳ ꓙ ꓠꓲꓸ ꓫꓵꓼ_ ꓡꓳ=

ꓠꓸꓸ ꓫꓵꓽ ꓕꓱ  ꓟ ꓣꓳꓽ ꓠꓯꓼ ꓗꓪ ꓚꓵꓹ ꓡꓸꓸꓳ ꓐꓰ ꓢꓷꓸ ꓡꓰ ꓓꓴ ꓠꓬ ꓬꓲꓸ ꓪꓴꓸ

1 ꓠꓬꓲ ꓗꓪ ꓠꓬ ꓧꓪꓽ ꓖꓳ ꓓꓱ ꓛꓴ ꓞꓸꓸ ꓢꓲꓼ ꓪꓴꓸ ꓓꓵ ꓮꓽ ꓘꓶꓼ ꓘꓳꓼ ꓠ ꓔꓬ ꓡꓳ-ꓸ

2 ꓠꓬꓲ ꓡꓳꓼ ꓬꓰ ꓠꓬ-ꓸ ꓠꓴ ꓛꓳꓽ ꓐꓬ ꓗꓪ ꓠꓸꓸ ꓠꓼ ꓐꓰ ꓗꓼ ꓢꓲꓼ ꓝꓲꓸ ꓡ_ꓥꓳ-ꓸ

3 ꓠꓬꓲ ꓡꓳꓼ ꓬꓰ_ꓠꓬ ꓠꓴ ꓠꓸꓸꓘꓴ ꓗꓪ ꓞꓲꓽ ꓠꓵ ꓢꓯꓼ ꓚꓼ ꓟ ꓙꓵꓽ-ꓸ ꓮꓸ ꓫꓵꓽ ꓥꓼ_ꓟꓲ  ꓟꓽ ꓞꓲꓽ ꓠꓵ ꓗꓷ ꓡ ꓥꓳ-ꓸ

4 ꓠꓬꓲ ꓛꓲ ꓬꓰ ꓠꓬ ꓠꓴ ꓠꓯꓼ ꓗꓪ ꓮꓸ ꓫꓵꓽ ꓟꓲ ꓬꓲꓸ ꓐꓵꓽ ꓟꓽ ꓪ ꓗꓷ ꓡ ꓥꓳ-ꓸꓖꓳ ꓔꓯꓽ ꓠꓴ ꓠꓯꓼ ꓗꓪ ꓠꓸꓸ ꓫꓵꓽ ꓚꓵ ꓚꓵꓽ ꓔꓳꓼ ꓜꓳꓽ ꓡꓼ ꓟ ꓥꓳ- ꓖꓳ ꓡꓰ ꓥꓼ ꓟꓲ ꓠꓴ ꓠꓲꓹ ꓟ ꓗꓪ ꓟꓽ ꓙ ꓫꓸ ꓫꓼ  ꓕꓱ  ꓟꓬ ꓫꓵꓽ ꓔꓯꓸ ꓠꓴ ꓞꓽ ꓞ ꓙꓽ ꓖꓶꓽ ꓪ ꓡꓰ ꓝꓲ-ꓸ

ꓖꓳ ꓟ ꓠꓬ ꓠꓯ ꓞꓲꓼ ꓦꓲ ꓗꓪ ꓞꓽ ꓞꓽ ꓙꓰ ꓪ ꓡꓰ ꓝꓲ-ꓸ ꓖꓳ ꓕꓯꓽ ꓢꓲꓼ ꓠꓸꓸ ꓫꓵꓽ ꓕꓱ ꓟ ꓔꓯꓸ ꓞꓽ ꓞꓽ ꓫꓬꓼ ꓓ ꓡꓰ ꓥꓳ-ꓸ

ꓠꓴ ꓠꓯꓼ ꓗꓪ ꓢꓯꓼ ꓐꓽ ꓓꓴ ꓟꓽ ꓗꓷꓸꓸ ꓡꓰ ꓠꓼ ꓟ ꓮ ꓕꓯꓽ_ꓟꓲ ꓙꓽ ꓖꓶꓽ-ꓸ(ꓜꓽ ꓓꓴ ꓥꓼ ꓟꓲ  ꓜꓽ ꓪ ꓡꓰ ꓝꓲ-ꓸ ꓬꓲꓼ ꓟꓶ ꓐꓳ ꓐꓳꓼ_ꓟꓲ ꓬꓲꓼ ꓟꓶ ꓪ ꓡꓰ ꓝꓲ-ꓸ )

ꓠꓴ ꓠꓯꓸꓸ ꓞꓲꓼ ꓦꓲ ꓟꓽ ꓙꓳ_ꓟ ꓟꓵꓽ ꓗꓪ ꓔꓬ ꓐꓭ ꓠꓬ -ꓸ

ꓠꓴ ꓟꓶꓽ ꓠꓷ; ꓘꓴꓽ ꓗꓪ ꓞꓼ ꓐꓳ ꓬꓲꓸ ꓬꓵ  ꓐꓰ ꓟꓽ ꓙꓰꓽ ꓟꓽ ꓙꓰꓽ ꓡꓯꓼ ꓪ ꓡꓰ ꓝꓲ-ꓸ

ꓠꓴ ꓢꓯꓼ ꓐꓽ ꓓꓴ ꓟ ꓗꓷ ꓡꓰ ꓠꓼ ꓟ ꓦꓲ ꓘꓴꓽ ꓗꓪ ꓟ ꓮ-ꓷ ꓩꓴ ꓕꓲꓽ ꓠꓬꓲ  2 ꓩꓴ ꓓꓳ ꓪ ꓡꓰ ꓝꓲ-ꓸ ꓜꓽ ꓠꓲꓼ ꓟꓽ ꓫꓵ ꓥꓼ_ꓟꓲ ꓟꓽ ꓓ ꓟꓽ ꓢꓽ ꓜꓽ ꓪ ꓡꓰ ꓝꓲ-ꓸ

ꓐꓳ ꓐꓳꓼ ꓬꓲꓼ ꓟꓶ ꓪ ꓡꓰ ꓝꓲ-ꓸ

ꓒꓽ ꓕꓲꓼ ꓗꓪ Cevit  vitamin C ꓠꓯ ꓞꓲꓼ ꓙꓳ ꓐꓭ ꓠꓬ  ꓕꓲꓽ ꓠꓬꓲ 2 ꓢꓷꓽ 2 ꓧꓪꓼ ꓜꓽ ꓪ ꓡꓰ ꓝꓲ-ꓸ

ꓬꓲ-ꓞ ꓡꓽ ꓚꓸ ꓔꓯ ꓮ ꓕꓯꓽ_ꓟꓲ ꓓꓳ ꓪ ꓡꓰ ꓝꓲ-ꓸ

ꓛꓳꓽ-ꓒꓲ ꓐꓰ ꓞꓼ-ꓛꓵꓸꓸ ꓔꓯ ꓠꓶꓼ_ ꓢꓲ ꓓꓳ ꓓꓴ ꓬꓰ-ꓸ

ꓢꓯꓼ ꓦ_ꓟ ꓔꓯ ꓬꓲꓸ ꓙꓵꓼ ꓕꓲꓽ ꓙꓵꓼ ꓖꓶꓽ ꓢꓲꓼ ꓦ ꓠꓲ ꓩꓴꓽ ꓠꓲ ꓬꓰ ꓪ ꓡꓰ ꓝꓲ-ꓸ

ꓠꓯꓼ ꓠꓯꓼ ꓟꓶꓽ ꓞ ꓢꓯꓼ ꓔꓯꓸ ꓗꓳ ꓪ ꓡꓰ ꓝꓲ-ꓸ

ꓟꓳꓼ ꓡꓳ ꓕꓲꓽ ꓧꓪꓹ ꓜꓸꓸ ꓜꓽ ꓪ ꓡꓰ ꓝꓲ-ꓸ

ꓟꓳꓼ ꓡꓳ ꓕꓲꓽ ꓙꓵꓼ ꓬꓲꓼ ꓟꓶ ꓪ ꓡꓰ ꓝꓲ-ꓸ

ꓟꓶꓽ ꓘꓶꓼ ꓟꓲ ꓡ_ꓠꓬ ꓠꓲꓼ ꓞ ꓬꓲꓼ ꓟꓶ ꓪ ꓡꓰ ꓝꓲ-ꓸ

ꓕꓱ ꓟꓬ ꓫꓵꓽ ꓔꓯꓼ ꓣꓳꓽ ꓠꓯꓼ ꓗꓪ ꓚꓳꓦꓲꓓ ꓠꓸꓸ ꓫꓵꓽ ꓔꓳꓼ ꓜꓳ ꓡꓸꓸꓳ ꓐꓰ ꓠꓴ ꓓꓵꓽ ꓙ ꓡꓼ ꓕꓯꓽ ꓞꓽ ꓞꓽ ꓬꓲ ꓐꓭ ꓠꓬ ꓠꓸꓸꓫꓵꓽ ꓗꓪ ꓐꓰ ꓧꓪꓹ ꓡꓰ_ꓟ ꓟꓶ ꓡ ꓥꓳ-ꓸ ꓮꓽ ꓙꓵꓽ ꓢꓴ ꓠꓸꓸꓫꓵꓽ ꓦꓬꓼ ꓠꓬꓲ ꓗꓳ ꓡꓳ ꓗꓪ ꓐꓰ ꓧꓪꓸ ꓧꓪꓼ ꓗꓳꓸ ꓡꓳꓼ ꓪ ꓡꓰ ꓝꓲ=

Source: Internet

Add new comment

7 + 10 =