ꓞꓳ ꓤ ꓤꓶꓻ ꓐꓯˍ ꓟ ꓠꓬ꓾ ꓟꓲ ꓠꓯ ꓗꓪ ꓒꓵꓽ ꓓꓰ ꓡꓰˍ ꓟ ꓥ ꓡꓳ=

Wednesday, July 13, 2022

ꓮꓽ ꓠꓱ ꓕꓯ ꓞꓳ ꓡꓱ ꓤ ꓕꓲ ꓣꓳ ꓠꓬ ꓬꓲ ꓤꓶꓻ ꓠꓯꓼ ꓗꓪ ꓫꓸ ꓓꓴ ꓡꓰ ꓔꓳꓹ ꓜꓳ ꓡ ꓟ ꓪꓴꓸ ꓠꓬ ꓟꓲ ꓠꓯ ꓗꓪ ꓔꓬ ꓠꓲꓹ ꓟꓽ ꓫꓵ ꓐꓰ ꓐꓯ ꓢꓲ꓾ ꓫꓵꓻ ꓠꓹ ꓟ ꓐꓱ ꓶ ꓬꓰ_ ꓡꓳ=ꓖꓳ ꓕꓯ ꓬꓲꓸ ꓓꓵꓽ ꓙ ꓛꓲ ꓡ ꓡꓳ꓾ ꓟꓲ ꓠꓯ ꓗꓪ ꓫꓸ ꓓꓴ ꓠꓬ ꓥꓪ ꓡꓰ ꓔꓳꓹ ꓜꓳ ꓔꓬ ꓟ ꓟꓽ ꓥ꓾ ꓢꓴ ꓥ ꓟꓲ ꓔꓳꓹ ꓜꓳ ꓔꓬ ꓐꓭ ꓥꓳ ꓐꓰ ꓓꓵꓽ ꓙ ꓢꓲ ꓬꓲ ꓠꓬ ꓦꓲꓸꓹ ꓘꓴ ꓗꓪ ꓡ ꓙꓰ_ ꓡꓳ= ꓖꓳ ꓕꓲ ꓠꓬꓲ ꓗꓪ ꓐꓰ ꓬꓲ ꓠꓬ ꓟꓬꓱꓽ ꓮ ꓘꓶꓸ ꓢꓯꓼ ꓕꓵꓼ ꓢꓲꓽ ꓬꓲ ꓤꓶꓻ ꓠꓯꓼ ꓗꓪ ꓗꓹ ꓛꓲ ꓛꓲ ꓔꓬ ꓙꓰ ꓡꓳ= ꓢꓴ ꓔꓯ ꓬꓰ ꓙ꓾ ꓫꓸ ꓢꓴ ꓟꓶ ꓢꓴ ꓔꓯ ꓬꓰ ꓙ ꓔꓳꓹ ꓙ꓾ ꓕꓱ ꓡꓱ ꓬꓰ_ ꓡꓳ= ꓠꓬꓲꓽ ꓟꓳ ꓓꓴ ꓙꓺ ꓖꓴ ꓟꓶ ꓡꓰ ꓢꓴ ꓐꓴ ꓔꓯ ꓥ ꓟꓲ ꓠꓬꓲꓽ ꓟꓳ ꓡꓯ ꓖꓶ ꓙꓰ ꓡꓳ= ꓮ ꓫꓵꓽ ꓟꓬꓱꓽ ꓬꓰ ꓡ ꓐꓯ ꓥ ꓟꓲ ꓬꓲꓸ ꓬꓲ ꓢꓶ ꓙꓳˍ ꓙꓳ ꓡꓰ ꓟꓬꓱꓽ ꓬꓰ ꓡꓳ= ꓬꓲꓸ ꓔꓶꓻ ꓙꓱꓼ ꓔꓶꓻ ꓔ ꓢꓲ ꓬꓰ ꓡꓳ= ꓞꓳ ꓤ ꓤꓶꓻ ꓐꓯˍ ꓟ ꓠꓬ ꓟꓲ ꓠꓯ ꓗꓪ ꓒꓵꓽ ꓓꓰ ꓡꓰˍ ꓟ ꓥ ꓡꓳ= ꓟꓬꓽ ꓠꓬꓲ ꓣꓳꓽ ꓡ ꓞꓳ ꓐꓯˍ ꓟ ꓠꓬ ꓪꓴ-ꓢ ꓤ ꓠꓱ ꓥ ꓟ ꓔꓯ ꓬꓲꓸ ꓪꓴꓸ ꓢꓷꓸ ꓪ ꓡꓳ=ꓖꓳ ꓟ ꓑꓶꓸ ꓓꓴ ꓣꓳꓽ ꓡ ꓞꓳ ꓐꓯˍ ꓟ ꓠꓬ ꓚꓲ ꓛꓬ ꓔꓯ ꓚꓲ ꓛꓬ ꓢꓷꓸ ꓪ ꓢꓲ꓾ ꓣꓳ ꓤꓶꓻ ꓔꓯ ꓒꓵꓽ ꓬꓲꓸ ꓬꓲ ꓢꓶ ꓙꓳ ꓙꓳ ꓡꓰꓽ ꓞꓳ ꓙꓳ ꓠ ꓗ_ ꓡꓳ= ꓮ ꓔꓳ ꓡꓰꓽ ꓠꓲꓹ ꓟ ꓙꓬ ꓙꓬ ꓡꓰꓽ ꓢꓯꓸ ꓔꓬ ꓠꓹ ꓟ ꓟꓽ ꓥ ꓟ ꓔꓯ_ ꓟꓲ ꓢꓷꓸ ꓢꓲ꓾ ꓢꓯꓼ ꓕꓵꓼ ꓙꓰ ꓡꓯ=