ꓠꓴ ꓐꓸ ꓐꓽ ꓟꓸ ꓟ ꓔꓯ ꓒꓵꓼ

ꓟꓲ ꓠꓯ ꓗꓪ ꓮ ꓐꓽ ꓮ ꓟ ꓡꓰ ꓣꓳ ꓔꓯ ꓠꓲ, ꓠꓵ ꓢꓴ ꓟꓽ ꓔꓬ꓿ꓣꓳ ꓠ., ꓓꓴ ꓒꓬ ꓓꓴ ꓙꓳ_ ꓕꓯ ꓥ ꓟꓲ ꓣꓳ ꓔꓯ ꓬꓰ ꓙ ꓢꓴ ꓠ ꓮ ꓐꓽ ꓮ ꓟ ꓡꓰ ꓥ ꓡꓳ꓿ꓮ ꓐꓽ ꓮ ꓟ ꓠꓵ ꓠꓲ, ꓠꓬ ꓓꓵꓽ ꓙ  ꓟꓶ., ꓓꓴ ꓥ ꓡꓳ꓿ ꓢꓴ ꓡꓰ ꓠꓵ ꓟꓽ ꓐ ꓡ ꓟ ꓠꓵ ꓠꓲ, ꓮ ꓐꓽ ꓮ ꓟ ꓠꓬ ꓖꓶ ꓐ ꓡ ꓟ ꓥ ꓡꓳ꓿ ꓮ ꓐꓽ ꓮ ꓟ ꓐꓴ ꓠꓯꓼ ꓗꓪ ꓓꓵꓽ ꓙ ꓟꓶ ꓓꓴ ꓮ ꓟꓬ ꓗꓪ ꓛꓲ ꓙꓳ ꓥ ꓟꓲ ꓪ ꓧꓶꓽ ꓐ ꓠꓲ ꓔꓬ ꓟ ꓥ ꓡꓳ꓿ ꓮ ꓟꓬ ꓗꓪ ꓛꓲ ꓪꓴ ꓧꓶꓽ ꓡ ꓐꓯ ꓥ ꓟꓲ ꓤ ꓠꓱ ꓐꓴ ꓐꓱ ꓶ ꓢꓯꓼ ꓕꓵꓼ ꓟ ꓥ ꓡꓳ꓿ ꓟ ꓜ ꓟ ꓬꓯꓼ  ꓖꓶ ꓜ ꓡ ꓟ ꓠꓬ ꓣꓳ ꓔꓯ ꓮ ꓘꓶ. ꓠꓲ, ꓠꓵ ꓟ ꓪꓴ. ꓠꓬꓲ ꓥꓳ꓿ ꓖꓳ ꓟ ꓑꓶ ꓓꓴ ꓣꓳ ꓮ ꓐꓽ ꓮ ꓟ ꓔꓯ ꓒꓵꓽ ꓣꓳ ꓑꓶ ꓓꓴ ꓮ ꓐꓽ ꓮ ꓟ ꓟꓬ ꓐꓲ.. ꓕ ꓓꓳ ꓡꓰ ꓝꓲ꓿ ꓣꓳ ꓑꓶ ꓓꓴ ꓮ ꓕꓯ ꓟꓲ ꓗ, ꓛꓲ ꓡꓰ ꓝꓲ ꓿ꓮ ꓐꓽ ꓮ ꓟ ꓐꓱ ꓶ ꓮ ꓕꓯ ꓥ ꓟꓲ ꓪꓽ ꓘꓴ ꓙ ꓡꓯ꓿ ꓐ, ꓐꓽ ꓟ, ꓟ ꓣꓱꓽ ꓛꓰꓽ ꓠ ꓤ ꓠꓱ ꓤ ꓐꓴ ꓕꓯꓽ ꓢꓲ ꓗꓪ ꓪꓴꓽ ꓓꓰ ꓡꓰꓳ꓿ ꓮ ꓐꓽ ꓮ ꓟꓽ ꓔꓯ ꓣꓱꓽ ꓙ ꓔꓳ, ꓙ ꓢꓴ ꓠꓽ ꓮ ꓕꓯˍ ꓟꓲ ꓟꓽ ꓫ. ꓡꓰ꓾ ꓐꓰ ꓐꓯ ꓔ ꓟ ꓙꓳˍꓡꓳ꓿