ꓤ ꓠꓱ ꓤ ꓐꓴ ꓓꓽ ꓪꓴ. ꓢꓲꓽ ꓛꓵ ꓣꓳ ꓡ ꓕꓯ ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓮ ꓡꓰ ꓐꓰ ꓤ ꓟꓳ ꓖꓶ ꓠꓯ, ꓟ ꓚꓱꓹ

ꓤ ꓠꓱ ꓤ ꓐꓴ ꓓꓽ ꓪꓴ. ꓢꓲꓽ ꓛꓵ ꓣꓳ ꓡ ꓕꓯ ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓮ ꓡꓰ ꓐꓰ ꓤ ꓟꓳ ꓖꓶ ꓠꓯ, ꓟ ꓚꓱꓹ ꓔꓯ ꓢꓷꓸ ꓙ ꓟꓳ ꓙ ꓩꓴ ꓡ ꓥꓳ= 

ꓤ ꓠꓱ ꓤ ꓐꓴ ꓓꓽ ꓪꓴ. ꓢꓲꓽ ꓛꓵ ꓣꓳ ꓡ ꓟ ꓕꓲ ꓙꓵꓽ ꓗꓪ ꓠꓬ ꓦꓲꓸꓹ ꓘꓴꓽ ꓠꓯ,ꓗꓪ ꓮ ꓘꓶꓸ ꓛꓲꓽ ꓗꓹ ꓛꓲ ꓔꓬˍ ꓟ ꓕꓲ ꓙꓵꓽ ꓥ ꓡꓳ= ꓤ ꓠꓱ ꓤ ꓐꓴ ꓪ ꓢꓯ ꓡ ꓔꓯ ꓢꓲꓽ ꓛꓵ ꓔꓯ ꓡꓳꓸ ꓟꓳ ꓗꓷ ꓠꓬ ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓠꓲꓹ ꓟ ꓮ ꓘꓶꓸ ꓢ ꓔꓬ ꓟ ꓕꓲ ꓙꓵꓽ ꓥ ꓡꓳ= ꓤ ꓠꓱ ꓤ ꓐꓴ ꓕꓲ ꓣꓳ ꓐꓰ ꓕꓲ ꓣꓳ ꓢꓲꓽ ꓚꓵ ꓣꓳˍ ꓡ ꓟ ꓠꓬ ꓟꓽ ꓫꓱꓹ ꓡꓯ ꓘꓳ= ꓕꓲ ꓐꓱ ꓠꓬ ꓦꓵꓸꓹ ꓡ ꓟ ꓦ ꓐ 6 ꓟ ꓗꓪ ꓐꓰ ꓢꓲꓽ ꓚꓵ ꓣꓳ ꓡ ꓔꓬ ꓥˍ ꓟꓲ ꓕꓲ ꓐꓱ ꓤ ꓠꓱ ꓤ ꓐꓴ ꓠꓬ ꓕꓲ ꓘꓳꓼ ꓛꓲꓽ ꓕꓯ ꓢꓲꓽ ꓣꓳ ꓡ ꓔꓬ ꓡꓳ ꓫꓵꓽ ꓟꓲ ꓙꓳˍ ꓡꓳ= ꓓꓽ ꓪꓴ ꓢꓲꓽ ꓚꓵ ꓣꓳ ꓡ ꓔꓯ ꓤ ꓠꓱ ꓐꓴ ꓠꓬ ꓮ ꓘꓶꓸ ꓛꓰꓹ ꓠꓲꓹ ꓟꓵ ꓡ ꓟ ꓑꓶꓸ ꓓꓴ ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓬꓲ ꓪ ꓐꓱ ꓶ ꓑ ꓕꓲ ꓗꓪ ꓔꓬ ꓢꓲ꓾ ꓠꓬꓲꓽ ꓙ ꓖꓶ ꓠ ꓗꓸ ꓡꓳ=

ꓤ ꓠꓱ ꓤ ꓐꓴ ꓠꓬ 3 ꓘꓳꓼ ꓛꓲꓽ ꓕꓯ ꓢꓲ꓾ ꓢꓲꓽ ꓚꓵ ꓮ ꓘꓶꓸ ꓣꓳˍ ꓡ ꓟ ꓑꓶꓸ ꓓꓴ ꓖꓳ ꓕꓲ ꓙꓵꓽ ꓗꓪ ꓢꓲꓽ ꓚꓵ ꓔꓯ ꓤ ꓟꓳ ꓢꓲ꓾ ꓢꓲꓽ ꓚꓵ ꓔꓯ ꓕꓵꓸꓹ ꓖꓶ ꓠꓹ ꓟ ꓣꓳꓸꓹ ꓚꓵ ꓡꓳ= ꓤ ꓠꓱ ꓤ ꓐꓴ ꓔꓯ 6 ꓘꓳꓼ ꓗꓪ ꓛꓲ ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓟꓽ ꓥ ꓠꓬ ꓮꓽ ꓞꓲ ꓠꓬꓲꓽ ꓟ ꓐꓴ ꓡꓰ ꓢꓲꓽ ꓚꓵ ꓔꓯ ꓕꓵꓸꓹ ꓖꓶ ꓠ ꓗꓸ ꓡꓳ= ꓟꓶꓼ ꓘꓶꓼ ꓬꓲ ꓟꓶ ꓡꓰ ꓕꓯ ꓥˍ ꓟꓲ ꓤ ꓠꓱ ꓤ ꓐꓴ ꓗꓹ ꓛꓲ ꓛꓲ ꓡꓰ ꓬꓲ ꓟꓶ ꓪ ꓡꓰ ꓠꓹ ꓟ ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓬꓲ ꓪ ꓢꓲꓽ ꓚꓵ ꓔꓯ ꓮ ꓘꓶꓸ ꓤ ꓟꓳ ꓖꓶ ꓠꓹ ꓗꓸ ꓡꓳ=