ꓢꓲꓹ ꓪꓰ ꓕꓲ ꓪꓰ ꓗꓪ ꓐꓰ ꓪꓴꓸ ꓔꓴˍ ꓟ ꓟꓸ ꓟꓲꓽ

ꓮ ꓠꓱ ꓔꓯ ꓢꓲ, ꓪꓰ ꓪꓴꓽ ꓜ ꓟ ꓤ ꓟꓶ ꓤ ꓕꓲ ꓣꓳ ꓠꓬ ꓢꓲ, ꓪꓰ ꓮ ꓟꓬ, ꓪꓴꓽ ꓓꓳ ꓡꓰ ꓗ ꓠꓯ. ꓟꓲ ꓡꓰ ꓟ ꓔꓯ ꓙ ꓟꓶ ꓛꓲ ꓡ ꓡꓳ꓿ ꓠꓬꓲ. ꓠꓬꓲꓽ ꓠꓬ ꓟꓽ ꓟꓲ ꓬꓰˍ ꓕꓯ ꓡ ꓙꓰ ꓓꓴ ꓥꓳ ꓐꓰ ꓐꓯ ꓡꓳ꓿ ꓢꓲ, ꓪꓰ ꓪꓴꓽ ꓜꓲ.. ꓕꓲ ꓪꓰ ꓙꓳ_ ꓟ ꓔꓯ ꓠꓬ ꓙ., ꓖꓴ ꓗꓪ ꓓꓰꓽ ꓜ ꓔꓬ ꓟ ꓤ ꓒ ꓤ ꓕꓲꓽ ꓣꓳ ꓔꓯ ꓖꓶ ꓩꓴ_ ꓡꓳ꓿ ꓓꓰꓽ ꓤ ꓑ ꓠꓬ ꓥꓪ ꓠꓯꓼ ꓗꓪ ꓕꓱ ꓟꓬ ꓗ,  ꓛꓲ_ ꓟ ꓦꓯꓼ ꓠꓬꓲ ꓔꓯ ꓟꓽ ꓔꓳ, ꓜꓳ ꓠꓬꓲ ꓐꓰ ꓐꓯ ꓢꓲ꓾ ꓓꓰꓽ ꓜ ꓟ ꓔꓯ ꓠꓽ ꓩꓴ ꓗꓷ ꓢꓲ ꓦꓲ., ꓘꓴꓽ ꓗꓪ ꓡ ꓙꓰ_ ꓡꓳ꓿ ꓦꓲ., ꓘꓴꓽ ꓐꓯ ꓟ ꓥˍ ꓟꓲ ꓮ ꓘꓶ. ꓐꓲ_ ꓟ ꓟꓽ ꓥ ꓾ꓟꓳ. ꓖꓽ ꓡꓰ  ꓫꓬ, ꓔ ꓟ ꓦꓲ., ꓥ ꓡꓳ꓿ ꓦꓲ., ꓘꓴꓽ ꓗꓪ ꓛꓲ ꓬꓰ ꓕꓯ ꓓꓰꓽ ꓤ ꓑ ꓠꓬ ꓢꓲ, ꓪꓰ ꓔꓯ ꓣꓴ ꓢꓲ꓾ ꓪꓰ. ꓗ ꓗꓪ ꓗꓷ ꓔ ꓡꓳ꓿ ꓢꓲ, ꓪꓰ ꓐꓰ ꓠꓬ, ꓖꓴ ꓠꓬ ꓮ ꓘꓶ. ꓟꓽ ꓪ_ ꓟ ꓑꓶ ꓓꓴ ꓠꓬ, ꓖꓴ ꓔꓯ ꓢꓲ ꓫꓬ ꓩꓴ_ ꓡꓳ꓿ ꓖꓳ ꓗꓪ ꓐꓰ ꓬꓲ ꓠꓬ ꓖꓳ ꓓꓱ ꓔꓯ ꓐꓲ ꓐꓲ ꓐꓰ ꓔꓬ ꓢꓲ꓾ ꓓꓰꓽ ꓜ_ ꓟ ꓔꓯ ꓠꓽ ꓗꓷ ꓩꓴ_ ꓡꓳ꓿ ꓖꓳ ꓕꓲ ꓠꓬꓲ ꓗꓪ ꓐꓰ ꓬꓲ ꓠꓬ ꓟꓬꓱꓽ ꓬꓰ ꓠ, ꓟ ꓟꓬꓱꓽ ꓧꓪ ꓗꓪ ꓙꓰ_ ꓡꓳ꓿ ꓟꓬꓱꓽ ꓥ ꓟꓲ ꓪ ꓡꓰ  ꓢꓲ꓾ꓟꓬꓱꓽ ꓔꓯ ꓥ ꓟꓲ ꓮ ꓘꓶ. ꓢꓯꓼ ꓕꓵꓼ ꓡꓳ꓿ ꓬꓲ. ꓟꓶꓽ ꓗꓪ ꓠꓬꓲ ꓡꓳ ꓑ ꓒꓽ ꓒꓬꓱꓼ ꓡ ꓪ꓿ ꓡꓳ ꓑ ꓬꓲ ꓠꓬ ꓬꓲ ꓔꓯ ꓢꓲ, ꓪꓰ ꓖꓶꓽ ꓡ ꓢꓴ ꓤ ꓟꓶ ꓤ ꓔꓯ ꓧꓪ, ꓡꓳ꓿ ꓢꓲ, ꓪꓰ ꓪꓴꓽ ꓜ_ ꓟ ꓤ ꓟꓶ ꓤ ꓠꓬ ꓮ ꓘꓶ. ꓞꓲꓼ ꓟꓳ ꓡꓰ ꓪ꓿ ꓤ ꓟꓶ ꓤ ꓡꓰ  ꓠꓴ ꓔꓯ ꓖꓶꓽ_ ꓟ ꓢꓲ, ꓪꓰ ꓠꓬ ꓪꓴꓽ ꓤꓰ ꓟ ꓥˍ ꓡꓳ꓿ ꓮ ꓫꓵꓽ ꓪꓴ. ꓠꓬꓲ ꓥꓪ ꓔꓯ ꓧꓪ, ꓡ ꓐꓰ ꓠ ꓠꓬꓲ_ ꓡꓳ꓿ ꓡꓳ ꓑ ꓡꓰ ꓠꓴ ꓔꓯ ꓫ. ꓟꓳ ꓠꓴ ꓡꓰ ꓖꓶꓽ ꓡ_ ꓟ ꓢꓲ, ꓪꓰ ꓗꓪ ꓐꓰ ꓥꓪ ꓠꓬ ꓓ.. ꓒꓽ ꓒꓬꓱꓼ ꓡꓳ ꓐꓰ ꓐꓯ ꓡꓳ꓿