ꓢꓲ ꓡꓲ_ꓟ ꓐꓰ ꓪꓽ ꓡꓯ ꓘꓳ ꓧꓳꓹ ꓡꓯꓼ ꓘꓳ ꓚꓱ-ꓸ

ꓢꓲ-ꓒ ꓬꓰ-ꓢꓴ ꓙꓲꓸꓸ ꓢꓴ ꓠꓬ ꓢꓲ ꓡꓰˍ ꓟ ꓐꓰ ꓪꓽ ꓡꓯ ꓘꓳ ꓫꓱꓹ ꓡꓯꓼ ꓘꓳ-ꓸ ꓚꓱꓼ ꓗꓪ ꓣꓳ ꓔꓯꓸ ꓛꓳ ꓫꓱꓽ ꓠꓼ ꓟ ꓟꓹ ꓖꓶꓽ ꓔꓸ ꓟ ꓥ ꓡꓳ-ꓸ

ꓟ-ꓕꓲ ꓕꓳ ꓶ 5ꓽ9 ꓝꓲꓸ ꓗꓪ ꓢꓴ ꓔꓯꓸ ꓕꓽ ꓡꓯ ꓘꓳ ꓝꓲ ꓢꓴ ꓠꓽ ꓶꓼ ꓙꓳ ꓫꓱ ꓙꓳˍ ꓡꓳ= ꓮ ꓡꓲꓳ ꓐꓯ ꓠꓬ ꓬꓲ ꓪ ꓔꓯ ꓠꓽ ꓪꓴ-ꓢ ꓤ ꓠꓱ-ꓸ ꓐꓰ ꓘꓴꓸꓹˍ ꓥꓳ=

ꓕꓱ ꓡꓱ ꓐꓯ ꓔ ꓡꓳ=

ꓢꓲ ꓡꓲˍ ꓟ ꓐꓯˍ ꓟ ꓠꓬ ꓣꓳꓽ ꓧꓪꓽ ꓖꓳ ꓓꓱ-ꓸ ꓠꓲꓹ ꓟ ꓘꓴꓽ ꓗꓪ ꓙꓽ ꓫꓸ ꓓꓴ ꓟꓽ ꓙꓳˍ ꓟ ꓟ ꓔꓯ ꓐꓯˍ ꓟ ꓥ ꓡꓳ=

ꓢꓲ-ꓒ ꓬꓰ-ꓢꓴ  ꓐꓱ-ꓡꓱ-ꓧꓱ ꓗꓪ   ꓦꓵꓸꓸ ꓡꓹ ꓕꓯꓽ ꓟꓳ-ꓗꓪ ꓝꓲ ꓓꓴ ꓐꓴ ꓡꓰ  ꓐꓯˍ ꓟ ꓠꓬ  ꓟꓲ-ꓠꓯ ꓗꓪ ꓠꓲꓹ ꓟ ꓙꓲ ꓢꓴ ꓠꓯꓼˍ ꓗꓪ ꓢꓲ ꓡꓲˍ ꓟ ꓙꓳ ꓝꓲ-ꓸ ꓐꓰ  ꓐꓯˍ ꓡꓳ=

ꓝꓮꓲ ꓢꓲ-ꓒ ꓬꓰ-ꓢꓴ ꓠꓬ (ꓬꓳ-ꓦ ꓕꓳ ꓶ 14ꓽ27) ꓝꓲꓸ ꓗꓪ ꓥꓪ ꓠꓴ ꓪ ꓔꓯ ꓢꓲ ꓡꓲ ꓟ ꓖꓶꓽ ꓔꓸ ꓬꓰˍ ꓡꓳ= ꓥꓪ ꓠꓴ ꓪ ꓔꓯꓸ ꓖꓶˍ ꓟ ꓠꓬ-ꓸ ꓟꓲ ꓠꓯ ꓖꓶˍ ꓟ ꓡꓰ ꓐꓰ ꓟꓽ ꓥ= ꓠꓴ ꓪ ꓠꓲꓹ ꓟ ꓕꓽ ꓙꓽ ꓫꓸ-ꓸ ꓙꓳꓸꓸˍ ꓟꓲ ꓕꓽ ꓙꓳꓸꓸ=

ꓖꓳ ꓡꓰ ꓐꓯˍ ꓠꓬ ꓢꓲ ꓡꓲ ꓟ ꓠꓬ ꓮꓸ ꓫꓵ ꓥ ꓹ ꓡꓽ?

1ꓸ ꓢꓲ ꓡꓲˍ ꓟ ꓠꓬ ꓐꓲꓸꓸꓜꓲꓼˍ ꓟ ꓐꓰ ꓪꓴꓽ ꓟꓴ ꓔꓬˍ ꓟ ꓥꓳ ꓐꓰ ꓐꓯ ꓔꓸ ꓢꓲꓸ-ꓸ

2ꓸ ꓮꓽ ꓙꓵꓽ ꓪꓽ ꓡꓯ ꓘꓳ ꓢꓲꓼ ꓕꓲ ꓠꓲꓹ ꓕꓲꓽ ꓪꓼ ꓞꓳ ꓙꓳ ꓔꓬˍ ꓟ ꓥ ꓡꓳ=

3ꓸ ꓢꓲ ꓡꓲ ꓟ ꓠꓬ ꓢꓲ-ꓫꓬ ꓟ-ꓦ ꓪꓴ-ꓢ ꓡꓰ ꓖꓶꓽ ꓔꓸ ꓟ ꓣꓱꓽ ꓛꓵꓽ ꓓꓽ ꓟ ꓥ ꓡꓳ=

ꓖꓳ ꓡꓱ ꓥꓼ ꓠꓬ ꓮ ꓫꓵꓽ ꓪꓴꓸ ꓠꓬꓲ ꓢꓲ ꓡꓲˍ ꓟ ꓚꓱꓼ ꓔꓯꓸ ꓘꓶꓸꓸ ꓡꓶꓽ ꓝꓲˍ ꓡ?=

1ꓸ ꓞꓳ ꓙꓳ ꓚꓱꓼ ꓗꓪ ꓫꓸ ꓓꓴ ꓙꓳˍ ꓟ ꓠꓬ ꓢꓲ ꓡꓲˍ ꓟ ꓔꓯꓸ ꓘꓶꓸ ꓡꓶꓽ ꓝꓲˍ ꓡꓳ=

2ꓸ ꓡꓲꓽ ꓒꓲꓼ ꓐꓰ ꓙꓵꓸꓸ ꓠꓲꓹ ꓚꓱꓼ ꓗꓪ ꓧꓳꓹ ꓡꓯ ꓘꓳ ꓚꓱꓹ ꓟꓽ ꓙꓳˍ ꓠꓬ ꓢꓲ ꓡꓲˍ ꓟ ꓚꓱ ꓔꓯ ꓐꓬ ꓡꓰ ꓝꓲ ꓓ ꓡꓳ=

3ꓸ ꓪꓴ-ꓢ ꓡꓰ ꓖꓶꓽ ꓔ ꓟ ꓟꓲ-ꓠꓯ ꓒꓴꓸꓸ ꓫꓵ ꓔꓯ ꓤ ꓟꓳ ꓓꓴ ꓟꓽ ꓙꓳˍ ꓟ ꓪꓴ ꓠꓬꓲ ꓢꓲ ꓡꓲ ꓚꓱꓼ ꓔꓯ ꓐꓔ ꓡꓰ ꓝꓲˍ ꓡꓳ=

ꓖꓳ ꓟ ꓪꓴꓸ ꓠꓬꓲ ꓟꓲ-ꓠꓯ ꓡꓽ ꓞꓳ ꓣꓳꓽ ꓐꓴ ꓠꓬ

1 ꓡꓽ ꓞꓳ ꓠꓲꓹ ꓟ ꓙꓳ ꓠ ꓗ ꓡꓳ=

2 ꓠꓱ ꓐꓯꓼ ꓙꓵ ꓠꓲꓹ ꓐꓴ ꓔꓯ ꓒꓵꓽ ꓠ ꓗ ꓡꓳ=

3ꓸ ꓪꓴ-ꓢ ꓟꓲ ꓙꓬꓽ ꓡꓽ ꓞꓳ ꓟꓲ ꓙꓬ ꓗꓪ ꓠꓲꓹ ꓡꓱ ꓡꓱ ꓐꓰ ꓞꓳ ꓙꓳ ꓠ ꓗ ꓡꓳ=

4ꓸ ꓟꓲ-ꓠꓯ ꓡꓽ ꓞꓳ ꓪ ꓙꓵꓽ ꓙꓳˍ ꓟ ꓔꓯꓸ ꓒꓵꓽ ꓠ ꓗ ꓡꓳ=

5ꓸ ꓙꓵꓽ ꓗ ꓠꓬ ꓕꓲꓽ ꓠꓲꓹ ꓕꓲꓽ ꓪꓼ ꓛꓳꓽ ꓫꓱꓽ ꓠ ꓗ ꓡꓳ=