ꓣꓳ ꓔꓯ ꓚꓵ ꓚꓵ ꓠꓲꓹ ꓠꓵ ꓟꓽ ꓠꓲꓹ ꓠꓵ ꓐꓯˍ ꓟ ꓢꓷꓸ ꓠ ꓗꓹ ꓟ ꓚꓱꓹ

ꓣꓳ ꓔꓯ ꓚꓵ ꓚꓵ ꓠꓲꓹ ꓠꓵ ꓟꓽ ꓠꓲꓹ ꓠꓵ ꓐꓯˍ ꓟ ꓢꓷꓸ ꓠ ꓗꓹ ꓟ ꓚꓱꓹꓠꓬꓲꓸ ꓠꓬꓲ ꓠꓬ ꓤ ꓟꓶ ꓤ ꓕꓲ ꓣꓳ ꓐꓰ ꓤ ꓑ ꓤ ꓕꓲ ꓣꓳ ꓐꓱ ꓶ ꓚꓵ ꓚꓵ ꓠꓲꓹ ꓠꓵ ꓟꓽ ꓠꓲꓹ ꓠꓵ ꓐꓯˍ ꓟ ꓔꓯ ꓢꓷꓸ ꓡꓰ ꓓꓴ ꓚꓱꓹ ꓔꓯ ꓒꓳꓹ ꓖꓶ ꓡ ꓟ ꓫꓸ ꓪ ꓗꓪ ꓐꓰ ꓢꓷꓸ ꓪ ꓓ ꓡꓳ꓾ ꓐꓯˍ ꓟ ꓕꓲ ꓒꓳꓹ ꓗꓪ ꓐꓰ ꓢꓷꓸ ꓙ ꓟꓳ ꓙ ꓩꓴ ꓡ ꓥꓳ=ꓞꓳ ꓤ ꓕꓲ ꓣꓳ ꓐꓱ ꓶ ꓬꓲ ꓙꓵꓹ ꓠꓬ ꓮ ꓘꓶꓸ ꓒꓵꓽ ꓟ ꓥ ꓡꓳ= ꓣꓳ ꓐꓱ ꓶ ꓚꓵ ꓚꓵ ꓒꓬꓱꓼ ꓡ ꓥꓳ ꓐꓰ ꓓꓵ ꓙ ꓢꓲ꓾ ꓠꓲꓹ ꓠꓵ ꓡꓯ ꓘꓳꓹ ꓕꓯ ꓠꓬ ꓟꓬ ꓠꓬꓲ ꓙꓲˍ ꓡꓳ꓾ ꓣꓳ ꓤꓶꓸꓹ ꓐꓱ ꓶ ꓟꓲ ꓬꓲꓸ ꓒꓵꓽ ꓙꓳ ꓡ ꓥꓳ=

ꓞꓳ ꓤ ꓕꓲ ꓣꓳ ꓔꓯ ꓚꓵ ꓚꓵ ꓠꓲꓹ ꓠꓵ ꓡ ꓕꓯ ꓠꓬ ꓥꓪ ꓠꓲꓹ ꓠꓵ ꓢꓴ ꓠꓲꓹ ꓟ ꓫꓸ ꓔꓬ ꓥ ꓢꓱ꓾ ꓠꓸꓹ ꓔꓬ ꓥ ꓢꓱ꓾ ꓮ ꓫꓵꓽ ꓟꓬꓱꓽ ꓬꓰ ꓔꓬ ꓥ ꓢꓱ꓾ ꓬꓲꓸ ꓐꓱ ꓶ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓓꓵ ꓙ ꓫꓸ ꓖꓶ ꓔꓬ ꓟ ꓥ ꓡꓳ= ꓕꓲ ꓫꓵꓽ ꓠꓹ ꓕꓲ ꓧꓪ ꓕꓲ ꓠꓲꓹ ꓕꓲ ꓪ ꓜꓽˍ ꓜ ꓟ ꓬꓲꓸ ꓐꓱ ꓶ ꓬꓲꓸ ꓙꓵꓹ ꓖꓶ ꓟ ꓬꓲꓸ ꓠꓲꓹ ꓠꓵ ꓟ ꓟꓬꓱꓽ ꓬꓰ ꓖꓶ ꓟ ꓕꓱ ꓡꓱ ꓬꓰ ꓢꓲ꓾ ꓕꓲ ꓣꓳ ꓐꓰ ꓕꓲ ꓣꓳ ꓬꓲꓸ ꓙꓵꓹ ꓖꓶ ꓡꓯ ꓘꓳꓹˍ ꓡꓳ= ꓕꓱ ꓡꓱ ꓬꓰ ꓠꓬ ꓠꓲꓹ ꓠꓵ ꓢꓴ ꓠꓬꓲꓸ ꓖꓳ ꓚ ꓗꓪ ꓪꓽ ꓡꓯ ꓘꓳꓹ ꓟ ꓓꓵ ꓙ ꓚꓱꓹ ꓙꓳ ꓡ ꓥꓳ= ꓕꓯ ꓥꓳ ꓕꓲ ꓟ ꓐꓯˍ ꓠꓬ ꓣꓳ ꓠꓲꓹ ꓠꓵ ꓢꓴ ꓠꓬ ꓟꓴ ꓖꓪ ꓔꓯ ꓮ ꓘꓶꓸ ꓠꓲꓹ ꓫꓵꓼ ꓠꓬ Coffee Bar ꓗꓪ ꓕꓲ ꓠꓲꓹ ꓕꓲ ꓪ ꓔꓬ ꓢꓲ꓾ ꓟꓴ ꓖꓪ ꓠ ꓡꓳ ꓟ ꓕꓱ ꓡꓱ ꓬꓰ ꓟ ꓥˍ ꓟꓲ ꓣꓳ ꓠꓲꓹ ꓠꓵ ꓢꓴ ꓔꓯ ꓬꓲ ꓙꓵꓹ ꓖꓶ ꓟ ꓥ ꓡꓳ=

ꓚꓵ ꓚꓵ ꓠꓲꓹ ꓠꓵˍ ꓢꓴ ꓠꓬ ꓠꓯꓼ ꓠꓯꓼ ꓟꓲꓽ ꓕꓯꓽ ꓙꓲ ꓡ ꓠꓬ ꓣꓳ ꓠꓲꓹ ꓠꓵ ꓢꓴ ꓔꓯ ꓧꓶꓸ ꓕꓯ ꓫꓸ ꓪ ꓕꓱ ꓠꓲꓹ ꓫꓵꓼ ꓡꓳ= ꓣꓳ ꓠꓲꓹ ꓟ ꓠꓬ ꓣꓳ ꓠꓲꓹ ꓠꓵ ꓢꓴ ꓠꓯꓼ ꓗꓪ ꓡꓰ ꓛꓲ ꓬꓰ ꓟ ꓥ ꓡꓳ= ꓕꓱ ꓡꓱ ꓫꓵꓽ ꓠꓬ ꓣꓳ ꓠꓲꓹ ꓠꓵ ꓠꓬꓲ ꓢꓴ ꓮ ꓙꓵꓹ ꓢꓴ ꓠꓯꓼ ꓗꓪ ꓙꓳ ꓔꓬ ꓡꓳ= ꓖꓳ ꓟ ꓡꓰ ꓐꓰ ꓟꓽ ꓞꓲ ꓣꓳ ꓕꓲ ꓠꓲꓹ ꓕꓲ ꓪꓽ ꓜꓽˍ ꓜ ꓕꓯ ꓬꓲꓸ ꓠꓲꓹ ꓫꓵꓽ ꓟ ꓜꓽ ꓫꓵ ꓔꓯ ꓖꓶ ꓟ ꓕꓱ ꓡꓱ ꓬꓰˍ ꓟ ꓥˍ ꓟꓲ ꓣꓳ ꓔꓯ ꓚꓵ ꓚꓵ ꓠꓲꓹ ꓠꓵ ꓟ ꓔꓯ ꓢꓷꓸ ꓡꓰ ꓓꓴ ꓥ ꓡꓳ=

ꓕꓲ ꓖ ꓕꓲ ꓧꓪ ꓠꓲꓹ ꓠꓵ ꓢꓴ ꓠꓬꓲ ꓖꓳ ꓚ ꓗꓪ ꓠꓲꓹ ꓫꓸ ꓟꓬ ꓫꓸ ꓓꓴ ꓐꓯ ꓡꓯ ꓘꓳꓹ ꓓꓴ ꓢꓱꓼ ꓡꓯ ꓘꓳꓹ ꓓꓴ ꓔꓳꓹ ꓜꓳꓽ ꓡ ꓥꓳ= ꓖꓳ ꓡꓰ ꓗꓷ ꓡ ꓕꓯ ꓧꓹ ꓡꓯ ꓘꓳꓹ ꓓꓴ ꓔꓳꓹ ꓜꓳꓽ ꓡ ꓥꓳ= ꓖꓳ ꓡꓰ ꓐꓯ ꓥˍ ꓟꓲ ꓚꓵ ꓚꓵ ꓠꓲꓹ ꓠꓵ ꓢꓴ ꓠꓬ ꓡꓼ ꓡꓸ ꓥꓳ= ꓖꓳ ꓟ ꓡꓰ ꓐꓰ ꓟꓽ ꓞꓲ ꓣꓳ ꓠꓲꓹ ꓟ ꓫꓸ ꓔꓬ ꓕꓯ ꓣꓳ ꓠꓸꓹ ꓔꓬ ꓕꓯ ꓣꓳ ꓔꓯ ꓫꓸ ꓠꓬꓲ ꓤ ꓢꓲ꓾ ꓬꓰ ꓖꓶ ꓡ ꓕꓯ ꓠꓬ ꓚꓵ ꓚꓵ ꓣꓳ ꓔꓯ ꓠꓲꓹ ꓠꓵ ꓢꓴ ꓥ ꓐꓭ ꓥꓳ= ꓠꓲꓹ ꓠꓵ ꓢꓴ ꓠꓬꓲ ꓖꓳ ꓚ ꓗꓪ ꓖ ꓖꓶ ꓡꓯ ꓘꓳꓹ ꓟ ꓟꓲ ꓮ ꓘꓶꓸ ꓣꓳꓸꓹ ꓚꓵ ꓡꓳ= ꓤꓶꓸꓹ ꓐꓯ ꓟ ꓠꓬ ꓕꓳꓽ ꓶ ꓑꓷꓠ ꓕꓲ ꓑꓷꓠ ꓡꓰ ꓥ ꓡꓳ= ꓕꓲ ꓐꓱ ꓠꓬꓲ ꓠꓲꓹ ꓟ ꓫꓸ ꓓꓴ ꓕꓲ ꓐꓱ ꓠꓬ ꓗꓹ ꓛꓲ ꓓꓴ ꓕꓱ ꓡꓱ ꓙꓳ ꓡꓳ= ꓖꓳ ꓟ ꓑꓶꓸ ꓓꓴ ꓚꓵ ꓚꓵ ꓣꓳ ꓤꓶꓸꓹ ꓐꓱ ꓶ ꓣꓳ ꓐꓰ ꓕꓲ ꓠꓲꓹ ꓕꓲ ꓪꓽ ꓕꓲ ꓞꓲ ꓔꓬ ꓐ ꓡ ꓢꓴ ꓖ ꓖꓶ ꓐ ꓡ ꓢꓴ ꓤ ꓟꓶ ꓤ ꓤ ꓑ ꓤ ꓔꓯ ꓡꓰ ꓠꓲꓹ ꓠꓵ ꓢꓲ꓾ ꓬꓲꓸ ꓙꓵꓹ ꓔꓯ ꓖꓴ ꓡꓰ ꓝꓲ ꓠ ꓗꓹ ꓡꓳ=