ꓤ ꓫꓱ. ꓤ ꓠꓱ  ꓐꓴ ꓤ ꓘꓹ ꓠꓹ ꓟ  ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓮ ꓡꓰ ꓐꓰ ꓟꓸ ꓖꓶ ꓖꓶ ꓠꓯꓼ ꓡ꓾ ( Childood)

ꓤ ꓫꓱ. ꓤ ꓠꓱ  ꓐꓴ ꓤ ꓘꓹ ꓠꓹ ꓟ  ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓮ ꓡꓰ ꓐꓰ ꓟꓸ ꓖꓶ ꓖꓶ ꓠꓯꓼ ꓡ꓾ ꓐꓯˍ ꓟ ꓚꓱꓹ ꓗꓪ ꓐꓰ ꓢꓷꓸ ꓙ ꓟꓳ ꓙ ꓩꓴ ꓡ ꓥꓳ= 
ꓮꓽ ꓐ ꓮ ꓟ ꓣꓱꓽ ꓢꓴ ꓙꓵꓽ ꓪ ꓙꓳˍ ꓟ ꓡꓰ ꓐꓰ ꓤ ꓠꓱ ꓤ ꓐꓴ ꓞꓲ ꓣꓳˍ ꓟ ꓕꓲ ꓙꓵ, ꓗꓪ ꓧꓳꓟꓰ ꓐꓯˍ ꓟ ꓦꓲ., ꓘꓴꓼ ꓗꓪ ꓔꓬ ꓕꓯ ꓤ ꓘꓹ ꓠˍ ꓟ꓾ ꓙꓵꓹ ꓟ ꓚꓱꓹ ꓗꓪ ꓛꓳ ꓫꓱꓹ ꓠꓹ ꓟ ꓔꓯ ꓙꓰ ꓙꓰ꓾ ꓟꓸ ꓪ ꓡꓰ ꓝꓲ= ꓮꓽ ꓐ ꓮ ꓣꓱꓽ ꓢꓴ ꓐꓴ ꓡꓰ ꓕꓱ ꓡꓱ ꓟꓸ ꓖꓶ ꓦ ꓢꓴ ꓤ ꓠꓱ ꓤ ꓕꓲ ꓣꓳ ꓠꓬ ꓬꓲꓸ ꓪ ꓪꓴꓽ ꓡ ꓕꓯ ꓥˍ ꓟꓲ ꓚꓳ ꓡꓳ ꓚꓳ ꓫꓵ ꓗꓪ ꓙꓳˍ ꓟ ꓮ ꓙꓵꓹ ꓔꓯ ꓙꓲꓸꓹ ꓟ ꓔꓯ ꓡꓰ ꓡꓳꓸ ꓟꓳ ꓗꓴꓸ ꓢꓴ ꓒꓬꓱꓼ ꓡ ꓢꓲ꓾ ꓬꓲꓸ ꓪ ꓤꓶꓸꓹ ꓔꓯ ꓗꓹ ꓛꓲ ꓛꓲ ꓡꓰ ꓔꓬ ꓖꓴ ꓢꓴ ꓒꓬꓱꓼ ꓡ ꓥꓳ= ꓟꓽ ꓫꓱꓸ  ꓡꓯꓹ ꓘꓳ ꓟ ꓦꓲꓸꓹ ꓘꓴꓼ ꓡ ꓞꓳ ꓗꓪ ꓐꓰ ꓣꓳ ꓚꓲꓸ ꓛꓬ ꓦꓲꓸꓹ ꓘꓴꓼ ꓕꓲ ꓟ ꓔꓶꓸ ꓢꓲ꓾ ꓪꓴꓽ ꓡ ꓟꓳ ꓡ ꓕꓯ ꓤ ꓠꓱ ꓤ ꓐꓴ ꓔꓯ ꓠꓲꓹ ꓠꓵ ꓗꓴꓸ ꓢꓴ  ꓡ ꓞꓳ ꓮ ꓟꓬꓹ ꓔꓯ ꓘꓴꓽ ꓣꓴ ꓗꓴꓸ ꓠꓹ ꓟꓸ ꓖꓶ ꓟ ꓥˍ ꓟꓲ ꓛꓲꓸ ꓛꓬ ꓤ ꓠꓱ ꓔꓯ ꓤ ꓘꓹ ꓡ ꓝꓲꓸ ꓟ꓾ ꓐꓯꓹ ꓔ ꓡ ꓝꓲˍ ꓟ ꓥ ꓡꓳ=
ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓠꓬ ꓣꓳ ꓤ ꓣꓳ ꓠꓱ ꓔꓯ ꓗꓼ ꓫꓵꓼ ꓙꓳˍ ꓟ ꓡꓰ ꓐꓰ ꓙꓵꓽ ꓪ ꓙꓳ ꓟ ꓡꓰ ꓐꓰ ꓞꓲ ꓣꓳˍ ꓕꓯ ꓡꓰ ꓬꓲꓸ ꓪ ꓠꓲꓹ ꓟ ꓬꓲꓸ ꓪ ꓪꓴꓸ ꓠꓶꓸꓗꓪ ꓙꓲꓸꓹ ꓟ ꓚꓱꓹ ꓮ ꓘꓶꓸ ꓔꓯ ꓟꓸ ꓖꓶ ꓪ ꓠꓬ ꓟꓬ ꓠꓬꓲ ꓙꓵꓹ ꓡꓳ= ꓮ ꓡꓰ ꓗꓹ ꓠꓬꓲ ꓥ ꓐꓯ ꓠꓬ ꓞꓲ ꓣꓳˍ ꓟ ꓕꓲ ꓙꓵ ꓗꓪ ꓢꓷꓸ ꓢ ꓟ ꓑꓶꓸ ꓓꓴ ꓠꓬꓲ ꓥꓳ= ꓕꓲ ꓐꓱ ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓠꓬ ꓥꓪ ꓤ ꓠꓬ ꓞꓲ ꓣꓳ꓾ ꓢꓲ ꓟ ꓪꓴꓸ ꓠꓬꓲ ꓮ ꓫꓵꓽ ꓟꓸ ꓥˍ ꓟꓲ ꓟ ꓢꓷꓸ ꓐꓰ ꓐꓯ ꓢꓲ꓾ ꓤ ꓠꓱ ꓤ ꓐꓴ ꓬꓲꓸ ꓪ ꓮ ꓡꓰ ꓔꓬ ꓠꓲꓹ ꓫꓵꓽ ꓜꓽ ꓠꓲꓹ ꓫꓵꓽ ꓪ ꓡꓰ ꓔꓬ ꓝꓲ ꓟ ꓮꓽ ꓐ ꓮ ꓟ ꓟꓲ ꓔꓬ ꓡꓳ= ꓕꓱ ꓡꓱ ꓔꓬ ꓝꓲ꓾ ꓐꓯ ꓠꓬ ꓡ ꓠꓹ ꓟ ꓗꓪ ꓮꓽ ꓐ ꓮ ꓟ ꓣꓱꓽ ꓢꓴ ꓥˍꓟꓲ ꓫꓸ ꓡ ꓥꓳ꓾ ꓣꓳ ꓤ ꓠꓱ ꓤ ꓐꓴ ꓟꓲ ꓮ ꓫꓵꓽ ꓟꓲ ꓙꓲꓸꓹ ꓖꓴ ꓟꓽ ꓙꓳ ꓗꓷ ꓡꓰ ꓡ ꓥꓳ= ꓬꓲꓸ ꓪ ꓪꓴꓸ ꓠꓶꓸ ꓐꓰ ꓠꓲꓹ ꓟ ꓗꓪ ꓙꓲꓸꓹ ꓟ ꓚꓱꓹ ꓔꓯ ꓡꓰ ꓗꓷ ꓐ ꓡ ꓠꓹ ꓟ ꓟꓸ ꓖꓶ ꓪ ꓡꓰ ꓝꓲ= ꓟꓽ ꓞꓲ ꓤ ꓠꓱ ꓤ ꓐꓴ ꓠꓬ ꓢꓳ ꓣꓴ ꓢꓴ ꓥˍ ꓟ ꓐꓰ ꓮꓽ ꓐ ꓮꓽ ꓟ ꓣꓱꓽ ꓢꓴ ꓐꓴ ꓠꓬ ꓟꓸ ꓒ ꓟꓸ ꓟ ꓥˍ ꓟ ꓔꓯ ꓥˍ ꓟꓲ ꓢꓷꓸ ꓡꓰ ꓠꓹ ꓟ ꓟꓸ ꓖꓶ ꓠꓹ ꓗꓹ ꓡꓳ=
ꓕꓲ ꓖ ꓕꓲ ꓧꓪꓽ ꓮꓽ ꓐ ꓮ ꓟ ꓟ ꓠꓲꓹ ꓫꓵꓽ ꓟ ꓟꓬꓱꓼ ꓬꓰ  ꓡ ꓕꓯ ꓥꓪ ꓤ ꓥꓪ ꓠꓱ ꓕꓱ ꓡꓱ ꓬꓰˍ ꓟ ꓠꓬ ꓬꓲꓸ ꓪ ꓡꓯꓹ ꓘꓳ ꓟ ꓛꓳ ꓒꓯꓹ ꓠꓬ ꓮ ꓡꓰ ꓫꓵꓽ ꓥ ꓢꓶ꓾ ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓚꓲꓸ ꓙꓸꓹ ꓢꓲ꓾ ꓟꓽ ꓕꓱ ꓟꓽ ꓙꓲꓸꓹ ꓟ ꓛꓳ ꓒꓯꓹ ꓐꓴ ꓐꓰ ꓪꓽ ꓡꓯꓼ ꓘꓳ ꓔꓬ ꓐꓭ ꓠꓬ ꓟꓽ ꓪ ꓡꓯꓹ ꓘꓳ ꓠꓹ ꓟ ꓬꓰ ꓖꓶ ꓠꓽ ꓗꓹ ꓡꓳ꓾ ꓡꓳ ꓐꓰ ꓮ ꓙꓵꓹ ꓢꓴ ꓔꓯ ꓢꓯꓼ ꓖꓶ ꓩꓴ ꓡ ꓥꓳ=

Add new comment

13 + 1 =