Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
3 ꓘꓳꓼ ꓛꓲ ꓡꓳˍ ꓟ ꓤ ꓠꓱ ꓤ ꓐꓴ ꓔꓯ ꓦꓲꓸꓹ ꓘꓴꓽ ꓗꓪ ꓔꓬ ꓕꓯ ꓕꓳꓽ ꓶ ꓵꓸꓹ ꓗꓴꓸ ꓠꓹ ꓟꓸ ꓖꓶ ꓓꓴ ꓬꓰ ꓡꓯ=
Monday, May 22, 2023
3 ꓘꓳꓼ ꓛꓲ ꓡꓳˍ ꓟ ꓤ ꓠꓱ ꓤ ꓐꓴ ꓔꓯ ꓦꓲꓸꓹ ꓘꓴꓽ ꓗꓪ ꓔꓬ ꓕꓯ ꓕꓳꓽ ꓶ ꓵꓸꓹ ꓗꓴꓸ ꓠꓹ ꓟꓸ ꓖꓶ ꓓꓴ ꓬꓰ ꓡꓯ=
ꓦꓲꓸꓹ ꓘꓴꓽ ꓗꓪ ꓔꓬ ꓕꓯ ꓤ ꓠꓱ ꓤ ꓔꓯ ꓕꓳ ꓶ ꓮ ꓡꓰ ꓵꓸꓹ ꓡ ꓠꓹ ꓮ ꓡꓰ ꓟꓸ ꓖꓶ ꓠꓹ ꓔ? ꓤ ꓠꓱ ꓤ ꓐꓴ ꓕꓳ ꓶ ꓵꓸꓹ ꓡ ꓠꓹ ꓠꓬ ꓮ ꓟ ꓥˍ ꓟꓲ ꓟꓸ ꓖꓶ ꓙꓵ ꓡꓳ= ꓢ ꓥˍ ꓟꓲ ꓢ ꓡꓳ= ꓓꓸꓸ ꓪꓴꓸ ꓕꓳ ꓶ ꓵꓸꓹ ꓕꓯ ꓢꓯꓼ ꓦ ꓢꓲ꓾ ꓵꓸꓹ ꓠꓹ ꓟ ꓟꓸ ꓖꓶ ꓠꓹ ꓗꓹ ꓡꓳ= ꓬꓲ ꓪ ꓢꓷꓸ ꓢ ꓠꓹ ꓗꓹ ꓟ ꓕꓳ ꓶ ꓔꓯ ꓟꓸ ꓖꓶ ꓓꓴ ꓬꓰ꓾ ꓬꓲ ꓪ ꓢꓳ ꓠꓲꓹ ꓟꓽ ꓫꓵ ꓥ ꓟꓲ ꓢꓯꓹ ꓕꓵꓼ ꓢꓲ꓾ ꓟꓸ ꓖꓶ꓾ ꓖꓳ ꓡꓰ ꓟꓸ ꓖꓶ ꓠꓬ ꓤ ꓠꓱ ꓤ ꓐꓴ ꓥ ꓟꓲ ꓢꓯꓹ ꓕꓵꓼ ꓡ ꓥꓳ=
ꓤ ꓠꓱ ꓤ ꓐꓴ ꓟꓬ ꓠꓬꓲ ꓢꓷꓸ ꓢ ꓟ ꓠꓬ ꓢꓯꓼ ꓐꓬꓱꓽ ꓔꓯꓸ ꓔꓯ ꓢꓲ꓾ ꓟꓸ ꓖꓶ ꓠꓬ ꓟꓬ ꓠꓬꓲ ꓢꓷꓸ ꓢ ꓡꓳ=ꓕꓱ ꓡꓱ ꓟꓸ ꓖꓶ ꓟ ꓠꓬ ꓤ ꓠꓱ ꓤ ꓐꓴ ꓔꓯ ꓓꓽ ꓪꓴꓸ ꓕꓳ ꓶ ꓵꓸꓹ ꓗꓴꓸ ꓠꓹ ꓟꓸ ꓖꓶ ꓟ ꓬꓲ ꓚꓱꓹ ꓥ ꓡꓳ= ꓖꓳ ꓡꓱ ꓟꓸ ꓖꓶ ꓓꓳ ꓡꓰ ꓠꓬ ꓮꓽ ꓐꓽ ꓮ ꓟ ꓣꓱꓽ ꓢꓴ ꓐꓴ ꓤ ꓠꓱ ꓤ ꓐꓴ ꓟꓬ ꓠꓬ ꓢꓷꓸ ꓡꓰ ꓠꓹ ꓟ ꓐꓱ ꓶ ꓠꓹ ꓠꓬꓲ ꓖꓶ ꓠꓬꓲ ꓕꓱ ꓡꓱ ꓬꓰ ꓖꓶ ꓠꓹ ꓗꓹ ꓡꓳ= ꓕꓱ ꓡꓱ ꓟꓽ ꓠ ꓠ ꓬꓰ ꓖꓶ ꓐꓯ ꓠꓬ ꓤ ꓠꓱ ꓤ ꓐꓴ ꓪꓴꓸ ꓠꓶꓸ ꓙꓵ ꓢꓴ ꓕꓲ ꓣꓳ ꓐꓬꓱꓽ ꓡ ꓥꓳ=
ꓮꓽ ꓐꓽ ꓮ ꓟ ꓣꓱꓽ ꓢꓴ ꓐꓴ ꓣꓳ ꓤ ꓣꓳ ꓠꓱ ꓔꓯ ꓕꓱ ꓡꓱ ꓟꓸ ꓖꓶ ꓐꓯ ꓠꓬ ꓬꓲꓸ ꓪ ꓕꓳ ꓶ ꓢꓳ ꓟ ꓕꓲ ꓙꓵꓽ ꓗꓪ ꓥ ꓟꓲ ꓢ ꓢ ꓢꓳ ꓪ ꓡ ꓥꓳ= ꓕꓲ ꓐꓱ ꓤ ꓠꓱ ꓠꓬ ꓕꓳꓽ ꓶ ꓢꓳ ꓙꓵꓹ ꓛꓲ ꓡ ꓔꓯ ꓙꓳ ꓦꓲꓸꓹ ꓗꓪ ꓙꓰ ꓟꓽ ꓠꓲꓹ ꓫꓵꓽ ꓟ ꓙꓴꓸꓹ ꓟ ꓙꓳˍ ꓡꓳ= ꓕꓱ ꓟ ꓠꓬ ꓮ ꓡꓰ ꓗꓹ ꓢꓶ ꓥ ꓐꓯ ꓠꓬ 3 ꓘꓳꓼ ꓛꓲ ꓡꓳ ꓕꓯ ꓦꓲꓸꓹ ꓘꓴꓽ ꓗꓪ ꓕꓳ ꓶ ꓟꓽ ꓟꓸ ꓖꓶ ꓟ ꓪꓴꓸ ꓠꓬꓲ ꓕꓱ ꓡꓱ ꓗꓷ ꓡ ꓟ ꓥ ꓡꓳ= ꓕꓱ ꓡꓱ ꓟ ꓗꓷ ꓡ ꓠꓹ ꓟ ꓐꓱ ꓶ ꓮꓽ ꓟꓽ ꓮ ꓟ ꓣꓱꓽ ꓢꓴ ꓐꓴ ꓬꓲ ꓙꓵ ꓣꓴ ꓢꓲ꓾ ꓤ ꓠꓱ ꓤ ꓐꓴ ꓔꓯ ꓕꓳ ꓶ ꓵꓸꓹ ꓗꓴꓸ ꓠꓹ ꓟ ꓟꓸ ꓖꓶ ꓪ ꓡꓰ ꓝꓲ=
Subscribe
Sign up to our newsletter and get latest news and updates straight to your inbox!
Download RVA App
Add new comment