ꓥꓪꓸ ꓦꓰꓼ ꓟ ꓗꓪ ꓮ ꓫꓵꓽ ꓙꓳˍ ꓥ ꓟꓽ ꓢꓷꓸ

ꓮꓽ ꓠꓱ ꓕꓯ ꓞꓳ ꓘꓹ ꓕꓲꓽ ꓘꓹ ꓗꓪ ꓮ ꓘꓶꓸ ꓫꓸ ꓢꓴ ꓕꓲ ꓦꓲꓸꓹ ꓔꓬ ꓡꓳ= ꓦꓲꓸꓹ ꓢꓲ ꓒꓽ ꓠꓬ ꓪꓴ-ꓢ ꓟꓬꓱꓽ ꓗꓪ ꓮ ꓘꓶꓸ ꓬꓰ ꓙ ꓢꓴ ꓕꓲ ꓣꓳ ꓥ ꓡꓳ= ꓬꓲ ꓠꓬ ꓥꓪꓸ ꓧꓪ ꓒꓽ ꓕꓲ ꓣꓳ ꓥ ꓡꓳ= ꓬꓲ ꓠꓬ ꓪꓴ-ꓢ ꓔꓯ ꓪꓽ ꓘꓴ ꓢꓲ꓾ ꓮ ꓕꓯ ꓥ ꓟꓲ ꓥꓪꓸ ꓧꓪ ꓗꓪ ꓙꓰ_ ꓡꓳ= ꓟꓶꓽ ꓘꓶꓼ ꓙꓵꓹ ꓛꓲ ꓡ ꓠꓬ ꓦꓲꓸꓹ ꓘꓴꓽ ꓗꓪ ꓜ ꓓꓴ ꓕꓲ ꓫꓵꓽ ꓫꓵꓽ ꓪꓴ ꓢꓲ ꓡ ꓡ_ ꓡꓳ= ꓕꓲ ꓠꓬꓲ ꓡꓳꓼ ꓕꓯ ꓬꓲꓸꓹ ꓤ ꓟꓶꓼ ꓠꓬ ꓮ ꓘꓶꓸ ꓠꓻ ꓡ_ ꓡꓳ= ꓦꓲꓸꓹ ꓢꓲ ꓒꓽ ꓡꓰ ꓦꓲꓸꓹ ꓢꓲ ꓟ꓾ꓳ ꓪꓴ-ꓢ ꓔꓯ ꓙꓵꓻ ꓪꓴ-ꓢ ꓔꓯ ꓪꓽ ꓘꓴ ꓐꓰ ꓐꓯ ꓢꓲ꓾ ꓥꓪꓸ ꓧꓪ ꓗꓪ ꓙꓰ_ ꓡꓳ= ꓦꓲꓸꓹ ꓢꓲ ꓒꓽ ꓠꓬ ꓥꓪꓸ ꓟꓽ ꓧꓪ ꓕꓯ ꓪꓴ-ꓢ ꓔꓯ ꓪꓽ ꓘꓴ ꓢꓲ꓾ ꓥꓪꓸ ꓧꓪ ꓡꓳ= ꓖꓳ ꓡꓱ ꓐꓯ ꓥ ꓟꓲ ꓥꓪꓸ ꓕꓲ ꓟ ꓡꓰ ꓟꓽ ꓪ= ꓬꓲꓸ ꓠꓬ ꓠꓲꓹ ꓟ ꓟꓽ ꓐꓬ ꓡꓰ ꓝꓮꓲ ꓕꓲ ꓧꓪꓹ ꓢꓯꓼ ꓕꓵꓼ ꓡꓳ= ꓖꓳ ꓕꓯ ꓥꓪꓸ ꓮ ꓠꓶꓸ ꓤ ꓪ ꓡꓰꓳ= ꓟꓶꓽ ꓘꓶꓼ ꓛꓲ ꓡ ꓟ ꓪꓴꓸ ꓠꓬ ꓬꓲꓸ ꓠꓬ ꓡꓽ ꓬꓰ ꓢꓲ꓾ ꓥꓪꓸ ꓪꓴꓽ ꓔꓶꓸ ꓗꓪ ꓙꓰ ꓢꓲꓽ ꓥꓪꓸ ꓪꓴꓽ ꓜ ꓡꓳ= ꓖꓳ ꓡꓱ ꓐꓯ ꓥ ꓟꓲ ꓕꓲ ꓣꓳ ꓡꓰ ꓟꓽ ꓪꓴꓺ ꓡ= ꓥꓪ ꓤ ꓟꓶ ꓔꓯ ꓠꓯꓺ ꓞꓲꓼ ꓪꓴ ꓖꓶ ꓠ ꓔ ꓓꓴ ꓟ ꓮ ꓡꓰ ꓬꓰ ꓢꓲ ꓐꓯ ꓢꓲ꓾ ꓪꓴ-ꓢ ꓔꓯ ꓬꓰ ꓙ ꓡꓯ ꓟ ꓐꓯ ꓢꓲ ꓪꓽ ꓘꓴ ꓡꓳ= ꓖꓳ ꓕꓯ ꓥꓪꓸ ꓪꓴ ꓢꓴ ꓕꓲ ꓣꓳ ꓡ ꓢꓲꓽ ꓥꓪꓸ ꓮ ꓙꓵꓽ ꓪꓴ ꓬꓰ ꓪ= ꓬꓲ ꓠꓬ ꓮ ꓘꓶꓸ ꓗꓹ ꓛꓲ ꓢꓲꓽ ꓦꓲꓸꓹ ꓘꓴꓽ ꓗꓪ ꓡ ꓙꓰ_ ꓡꓳ= ꓙ ꓖꓴ ꓗꓪ ꓓꓰ ꓤ ꓟ ꓕꓲ ꓣꓳ ꓠꓬ ꓮ ꓪꓴꓳ ꓥꓪ ꓜ ꓟꓽ ꓜ ꓓꓴ ꓟ ꓮ ꓟꓬꓹ ꓗꓷ ꓡꓰꓳ ꓮ ꓘꓶꓸ ꓦꓬꓼ ꓟꓶꓼ ꓐꓰ ꓐꓯ ꓡꓳ= ꓬꓲ ꓥ ꓟꓲ ꓮ ꓘꓶꓸ ꓫꓸ ꓠꓬꓲ ꓤ ꓡꓰ ꓢꓲ ꓜ ꓫꓵꓽ ꓪꓴ ꓖꓶ ꓡꓳ=