40 ꓘꓳꓼ ꓙ., ꓡꓰ ꓕꓯ ꓛꓳ ꓫꓱꓽ ꓢꓯꓸ ꓔꓬ ꓠꓹ ꓟ ꓬꓲꓸ ꓚꓱꓹ 10 ꓚꓱꓹ

ꓠꓲꓹ ꓠꓵ ꓟ ꓬꓲ ꓤ ꓠꓬꓲ ꓤ ꓐꓴꓳ꓾ꓠꓬꓲꓸ ꓠꓬꓲ ꓠꓬ ꓮꓣꓳꓙꓰ ꓕꓳ ꓶ ꓗꓪ Dr. Nyi Nyi Kayw ꓡꓰ ꓐꓳˍ ꓔ ꓟ 40 ꓘꓳꓼ ꓙ., ꓡꓰ ꓕꓯ ꓛꓳ ꓫꓱꓽ ꓢꓯꓸ ꓔꓬ ꓠꓹ ꓟ ꓬꓲꓸ ꓚꓱꓹ 10 ꓚꓱꓹ ꓔꓯ ꓢꓷꓸ ꓙ ꓟꓳ ꓙ ꓩꓴ ꓡ ꓥꓳ= 1ꓸ ꓕꓲ ꓠꓬꓲ ꓕꓯ ꓡꓳ ꓖꓪ ꓓꓴꓽ 30 ꓧꓶ ꓛꓲ ꓕꓲ ꓫꓵꓽ ꓠꓽ ꓬꓲ ꓘꓴꓽ ꓗꓪ 5 ꓧꓪꓽ ꓛꓲ ꓬꓰ ꓪ ꓡꓰ ꓝꓲ= 2ꓸ ꓞꓲ ꓟꓳ ꓡ ꓟ ꓡꓰ ꓐꓰ ꓜꓽ ꓫꓵꓽ ꓜꓽ ꓙꓰ ꓔꓯ ꓥˍ ꓟꓲ ꓙ ꓟꓳ ꓢꓲ꓾ ꓣꓳ ꓧꓪꓽ ꓖꓳ ꓓꓱꓽ ꓐꓱ ꓶ ꓙꓲꓸꓹ ꓖꓴ ꓙꓳ ꓟ ꓜꓽ ꓫꓵꓽ ꓔꓯ ꓜꓽ ꓠꓹ ꓟ ꓥˍ ꓟꓲ ꓣꓱꓽ ꓬꓯꓼ ꓡꓳ=

 3ꓸ ꓕꓲ ꓠꓬꓲ ꓬꓲꓸ ꓘꓴꓽ ꓗꓪ ꓦꓲꓸꓹ ꓘꓴꓽ ꓗꓪ ꓙꓳ ꓟ ꓞꓼ ꓐꓳꓸꓹ ꓔꓯ ꓥˍ ꓟꓲ ꓮ ꓟꓬ ꓟ ꓜꓽ ꓪ ꓡꓰ ꓠꓹ ꓟ ꓥˍ ꓟꓲ ꓙ ꓟꓳ ꓠꓽ ꓗꓹ ꓡꓳ= 4ꓸ ꓧꓪꓽ ꓖꓳ ꓓꓱꓼ ꓙꓲꓸꓹ ꓖꓴ ꓙꓳ ꓔꓬ ꓢ ꓗꓹ ꓛꓲ ꓠꓹ ꓟ ꓐꓱ ꓶ ꓕꓲ ꓠꓬꓲ ꓬꓲꓸ ꓘꓴꓽ ꓗꓪ ꓮ ꓠꓬꓲꓽ ꓠꓳꓹ ꓠꓳꓽ ꓕꓲ ꓗꓷ ꓓꓳˍ ꓪ ꓡꓰ ꓝꓲ= 5ꓸ ꓧꓪꓽ ꓖꓳ ꓓꓱꓼ ꓔꓬ ꓢ ꓠꓹ ꓟ ꓐꓱ ꓶ ꓧꓪꓽ ꓞꓶꓸꓹ ꓔꓯ ꓥˍ ꓟꓲ ꓮ ꓘꓶꓸ ꓔ ꓜꓽ ꓪ ꓡꓰ ꓝꓲ꓾ ꓮ ꓘꓶꓸ ꓜꓽ ꓠꓲꓹ ꓫꓵꓽˍ ꓐꓱ ꓠꓬ ꓮ ꓠꓳꓽ ꓞꓶꓸꓹ ꓔꓯ ꓡꓰ ꓮ ꓕꓲꓸ ꓤ ꓜꓽ ꓪ ꓓꓸꓹ ꓡꓳ= 6ꓸ 40 ꓘꓳꓼ ꓛꓲ ꓙ ꓡꓰ ꓟ ꓤ ꓟꓶ ꓤ ꓐꓴ ꓠꓬ ꓬꓲꓸ ꓟ ꓢꓶ ꓙꓳ ꓟ ꓤ ꓫꓵꓽ ꓔꓯ ꓜꓽ ꓪ ꓡꓰ ꓝꓲ꓾ ꓕꓯ ꓥꓳ ꓐꓯ ꓠꓬ ꓮ ꓠꓳꓸ ꓧꓶ ꓐꓲ ꓮ ꓒꓴꓽ ꓠꓲꓹ ꓟ ꓳ ꓓꓳꓽ ꓢꓶ ꓠꓱꓸ ꓐꓯ ꓬꓲ ꓟ ꓢꓶ ꓙꓳ ꓫꓵ ꓮ ꓙꓵꓽ ꓜꓽ ꓓꓸꓹ ꓡꓳ= ꓕꓱ ꓡꓱ ꓫꓵ ꓜꓽ ꓖꓶˍ ꓟ ꓗꓪ ꓐꓰ ꓚꓮꓠꓚꓣꓰ ꓠꓸꓹ ꓫꓵꓽ ꓔꓯ ꓥˍ ꓟꓲ ꓖ ꓕ ꓐ ꓡ ꓡꓳ= 7ꓸ ꓕꓲ ꓠꓬꓲ ꓬꓲꓸ ꓘꓴꓽ ꓗꓪ ꓜꓽ ꓜꓼˍ ꓕꓯ ꓧꓪ ꓮ ꓕꓲꓸ ꓤ ꓐꓰ ꓢꓲꓼ ꓛꓬ ꓡꓳ ꓛꓬ ꓐ ꓠꓹ ꓜꓽ ꓖꓶ ꓪ ꓡꓰ ꓝꓲ= 8ꓸ ꓮ ꓘꓶꓸ ꓛꓵˍ ꓟ ꓤꓼ ꓫꓵ ꓐꓰ ꓧꓪꓽ ꓞꓶꓸꓹ ꓮ ꓘꓶꓸ ꓐ ꓟ ꓤꓼ ꓫꓵꓽ ꓔꓯ ꓟꓽ ꓜꓽ ꓪ ꓡꓰ ꓠꓹ ꓢꓯꓼ ꓕꓵ=

9ꓸ ꓙꓲꓸꓸ ꓒꓶꓽ ꓓꓳ ꓙ ꓢꓴ ꓠꓬ 40 ꓘꓳꓼ ꓙ ꓡꓰ ꓗꓪ ꓙꓴꓸ ꓮ ꓘꓶꓸ ꓟꓽ ꓓꓳꓸꓸ ꓙ ꓟꓳ ꓢꓲ꓾ ꓔꓬ ꓐꓭ ꓠꓬ ꓧꓪꓽ ꓖꓳꓽ ꓓꓱꓼ ꓔꓬ ꓢ ꓓꓴ ꓔꓯ ꓘꓴꓽ ꓣꓴ ꓟꓶ ꓡ ꓥꓳ= 10ꓸ ꓠꓸꓹ ꓤ ꓑꓬ ꓤ ꓮ ꓘꓶꓸ ꓟ ꓙꓳˍ ꓢꓴ ꓠꓬ ꓕꓲ ꓠꓬꓲ ꓬꓲꓸ ꓘꓴꓽ ꓗꓪ ꓬꓲꓸꓹ ꓙꓬ 2 ꓡꓲ ꓓ ꓐꓰ 3 ꓡꓲ ꓓ ꓓꓳꓸꓹ ꓖꓶ ꓠ ꓗꓹ ꓡꓳ= ꓪꓴꓽ ꓓꓲꓸꓹ ꓠꓸꓹ ꓫꓵꓽ ꓙꓳ ꓢꓴ ꓐꓴ ꓠꓬ ꓠꓯꓸꓸ ꓞꓲꓼ ꓟꓸ ꓒ ꓐꓴ ꓡꓰ ꓙ ꓡꓯꓼ ꓘꓳ ꓢꓲ꓾ ꓓꓳꓸꓸ ꓠꓬ ꓟꓬ ꓠꓬꓲ ꓙꓲꓸꓹ ꓖꓴ ꓙꓳ ꓡꓳ ꓐꓰ ꓮ ꓙꓵꓽ ꓢꓴ ꓔꓯ ꓢꓷꓸ ꓙ ꓟꓳ ꓙ ꓩꓴ ꓡ ꓥꓳ=

 

 

Add new comment

4 + 11 =