ꓪꓴꓸ ꓠꓶꓸ ꓟꓬ ꓠꓬꓲ ꓙꓲꓸꓹ ꓡ ꓠꓹ ꓟ ꓐꓱ ꓶ

ꓣꓳ ꓪꓴꓸ ꓠꓶꓸ ꓠꓬ ꓮꓸ ꓕꓽ ꓕꓲ ꓛꓲꓸꓹ ꓡꓰ ꓐꓰ ꓗꓹ ꓡꓳ= ꓮꓸ ꓘꓶꓸ ꓢꓷꓸ ꓠꓬꓲ ꓮ ꓘꓶꓸ ꓞD, ꓡ ꓥꓳ꓾ ꓟ ꓣꓱꓽ ꓣꓱꓼ ꓚꓬ ꓦ ꓐꓭ ꓠꓬ ꓙꓲ ꓜꓽ ꓡꓰˍ ꓟ ꓡꓰ ꓐꓰ ꓣꓳ ꓪꓴꓸ ꓠꓶꓸ ꓔꓯ  ꓥ ꓟꓲ ꓟꓽ ꓣꓱꓽ ꓣꓱꓽ ꓚꓬ ꓦ ꓟ ꓬꓲ ꓙꓵꓽ ꓟꓶ ꓫꓵꓽ ꓡ ꓠꓬ ꓓꓵ ꓙ ꓚꓱꓹ ꓮ ꓙꓵꓹ ꓥˍ ꓟꓲ ꓞꓓꓼ ꓡꓰ ꓡ ꓥꓳ= ꓖꓳ ꓟ ꓑꓶꓸ ꓓꓴ ꓪꓴꓸ ꓠꓶꓸ ꓟꓬ ꓠꓬꓲ ꓙꓲꓸꓹ ꓡ ꓠꓹ ꓟ ꓐꓱ ꓶ ꓮ ꓣꓳ ꓙꓲ ꓕꓳꓽ ꓶ ꓗꓪ Dr. Myint Than Tun ꓡꓰ ꓐꓯ ꓟꓸ ꓖꓶ ꓦ ꓟ ꓗꓪ ꓐꓰ ꓢꓷꓸ ꓙ ꓟꓳ ꓙ ꓩꓵ ꓡ ꓥꓳ=  ꓣꓳ ꓪꓴꓸ ꓠꓶꓸ ꓟꓬ ꓠꓬꓲ ꓙꓲꓸꓹ ꓡ ꓙ ꓜꓲꓼ ꓢ ꓠꓹ ꓟ ꓐꓱ ꓶ ꓓ ꓪꓴ ꓠꓬ ꓣꓳ ꓓꓵ ꓙ ꓟ ꓚꓱꓹ ꓕꓯ ꓢꓲ ꓟꓬ ꓠꓬꓲ ꓪꓴˍ ꓟ ꓚꓱꓹ ꓔꓯ ꓓꓵ ꓙ ꓪ ꓡꓰ ꓝꓲ꓾2 ꓚꓱꓹ ꓕꓲ ꓚꓱꓹ ꓠꓬ ꓪꓽ ꓘꓴꓼ ꓟ ꓣꓳ ꓕꓲ ꓣꓳ ꓡꓰ ꓔꓬ ꓢꓲ꓾ ꓪꓽ ꓘꓴꓼ ꓟ ꓥˍ ꓟꓲ ꓣꓳ ꓠꓲꓹ ꓟ ꓢꓲ ꓡꓲꓽ ꓗꓹ ꓛꓲ ꓟ ꓡꓰ ꓐꓰ ꓪꓴꓸ ꓠꓶꓸ ꓥˍ ꓟꓲ ꓢꓲ ꓢꓲ ꓫꓬ ꓫꓬ ꓗꓷ ꓡꓰ ꓢꓲ꓾ ꓣꓳ ꓓꓵ ꓙ ꓚꓱꓹ ꓮ ꓙꓵꓹ ꓥˍ ꓟꓲ ꓮ ꓘꓶꓸ ꓙꓲꓸꓹ ꓟ ꓚꓱꓹ ꓔꓯ ꓟꓬ ꓠꓬ ꓓꓵ ꓙ ꓐ ꓡ ꓥꓳ=

3 ꓚꓱꓹ ꓕꓲ ꓚꓱꓹ ꓠꓬ ꓣꓳ ꓢꓳ ꓣꓴ ꓦ ꓟ ꓢꓷꓸ ꓠꓲꓹ ꓔꓯ ꓝꓮꓲ ꓕꓲ ꓪ ꓓꓵ ꓙ ꓟ ꓣꓳ ꓢꓳ ꓣꓴ ꓦ ꓟ ꓢꓷꓸ ꓠꓲꓹ ꓔꓯ ꓟꓽ ꓣꓱꓽ ꓣꓱꓽ ꓔꓬ ꓐꓭ ꓠꓬ ꓪꓴꓸ ꓠꓶꓸ ꓗꓪ ꓐꓰ ꓟꓶ ꓡꓰ ꓡ ꓥꓳ= ꓣꓳ ꓢꓷꓸ ꓦ ꓟ ꓢꓷꓸ ꓠꓲꓹ ꓔꓯ ꓟꓬꓱꓼ ꓬꓰˍ ꓟ ꓗꓪ ꓣꓱꓼˍ ꓐꓭ ꓠꓬ ꓟꓬ ꓠꓬꓲ ꓢꓷꓸ ꓢꓴ ꓖꓴ ꓢꓴ ꓷ ꓢꓴ ꓒꓬꓱꓼ ꓡ ꓥꓳ= ꓕꓱ ꓡꓱ ꓬꓰ ꓖꓶ ꓟ ꓗꓪ ꓐꓰ ꓣꓳ ꓪꓴꓸ ꓠꓶꓸ ꓥˍ ꓟꓲ ꓟꓬ ꓠꓬꓲ ꓙꓲꓸꓹ ꓡ ꓓꓴ ꓚꓱꓹ ꓥˍ ꓡꓳ= 4 ꓚꓱꓹ ꓕꓲ ꓚꓱꓹ ꓠꓬ ꓥꓳꓽ ꓫꓵꓽ ꓥꓳꓽ ꓙꓰ ꓢꓳ ꓣꓴˍ ꓟ ꓪꓴꓸ ꓠꓶꓸ ꓟꓬ ꓠꓬꓲ ꓙꓲꓸꓹ ꓡ ꓠꓹ ꓟ ꓐꓱ ꓶ ꓥꓳꓽ ꓫꓵꓽ ꓥꓳꓽ ꓙꓰ ꓕꓲ ꓫꓵꓽ ꓫꓵꓼ ꓢꓳ ꓠ ꓗꓹ ꓡꓳ= 5 ꓚꓱꓹ ꓕꓲ ꓚꓱꓹ ꓕꓲ ꓚꓱꓹ ꓠꓬ ꓡꓳ ꓖꓪꓽ ꓓꓴ ꓬꓰˍ ꓟ ꓞꓳ ꓤ ꓕꓲ ꓣꓳ ꓠꓯꓼˍꓗꓪ ꓧꓪꓽ ꓖꓳ ꓓꓱ ꓐꓱ ꓶ ꓙꓲꓸꓹ ꓖꓴ ꓙꓳ ꓠꓹ ꓟ ꓐꓱ ꓶ ꓠꓬ ꓡꓳ ꓖꓪꓽ ꓓꓴ ꓕꓱ ꓟ ꓥˍ ꓟꓲ ꓮ ꓘꓶꓸ ꓣꓳꓸꓸ ꓚꓵ ꓡꓳ=

ꓕꓱ ꓡꓱ ꓡꓳ ꓖꓪꓽ ꓓꓴ ꓔꓯ ꓟꓽ ꓦ ꓬꓰ ꓕꓯ ꓢꓲ꓾ ꓪꓴꓸ ꓠꓶꓸ ꓥˍ ꓟꓲ ꓢꓲ ꓫꓬ ꓡꓰ ꓟ ꓑꓶꓸ ꓓꓴ ꓮ ꓫꓵꓽ ꓢꓳ ꓣꓴ ꓥˍ ꓟꓲ ꓢꓷꓸ ꓢ ꓡꓳ ꓙ ꓜꓲꓼ ꓢ ꓡꓳ= 6 ꓚꓱꓹ ꓠꓬ ꓕꓳꓽ ꓶ ꓵꓸꓹ ꓠꓹ ꓟ ꓕꓳꓽ ꓶ ꓵꓸꓹ ꓟ ꓕꓱ ꓟ ꓠꓬ ꓣꓳ ꓓꓵ ꓙ ꓫꓸ ꓓꓴ ꓚꓱꓹ ꓮ ꓙꓵꓽ ꓔꓯ ꓥˍ ꓟꓲ ꓟꓶ ꓡꓰ ꓝꓲ ꓡꓳ= ꓣꓳ ꓤꓶꓸꓹ ꓗꓪ ꓮ ꓡꓰ ꓐꓰ ꓢꓯꓼ ꓔꓬ ꓠꓹ ꓟ ꓥˍ ꓟꓲ ꓟꓬ ꓠꓬꓲ ꓢꓷꓸ ꓡ ꓡꓳ= ꓪꓴꓸ ꓠꓶꓸ ꓥˍ ꓟꓲ ꓟꓬ ꓠꓬꓲ ꓙꓲꓸꓹ ꓡ ꓡꓳ= ꓤꓳ ꓤ ꓕꓲ ꓣꓳ ꓔꓯ ꓮ ꓡꓰ ꓐꓰ ꓞꓳ ꓒꓴꓽ ꓠꓯꓼˍ ꓟ ꓕꓱ ꓡꓱ ꓮ ꓟꓬꓹ ꓫꓵꓽ ꓔꓯ ꓖꓶ ꓐ ꓡ ꓟ ꓠꓬ ꓕꓳꓽ ꓶ ꓗꓪ ꓐꓰ ꓥ ꓡꓳ= ꓖꓳ ꓡꓰ ꓠꓬꓲ ꓠꓲꓹ ꓠꓵ ꓟ ꓬꓲ ꓤ ꓠꓬꓲ ꓤ ꓐꓴꓳ꓾ ꓣꓳ ꓪꓴꓸ ꓠꓶꓸ ꓟꓬ ꓠꓬꓲ ꓙꓲꓸꓹ