ꓑꓮꓲ ꓓꓽ ꓟ ꓔꓯ ꓥꓳꓽ

ꓡꓴ-ꓘ 14=15-24
ꓬꓲ_ ꓐꓰ ꓕꓲ ꓪꓺꓼ ꓜ ꓜꓽ_ ꓐꓰ ꓗꓳꓺ ꓔꓬ ꓢꓴ ꓪꓰ ꓤ ꓕꓲ ꓣꓳ ꓕꓱ ꓟ ꓔꓯ ꓑ ꓙ ꓠꓬ꓾ ꓬꓲ ꓡꓰ ꓬꓰ-ꓢꓴ ꓔꓯ꓾ ꓪꓴ-ꓢ ꓗꓴꓷꓼ ꓗꓪ ꓜ ꓜꓽ ꓪ ꓢꓴ ꓠꓬ ꓶꓼ ꓙꓳ ꓫꓱꓹ ꓙꓳ_ ꓡꓳ꓾ ꓐꓯ_ ꓡꓳ꓿
ꓬꓰ-ꓢꓴ ꓠꓽ ꓬꓲ ꓔꓯ꓾ ꓡ ꓞꓳ ꓕꓲ ꓣꓳ ꓠꓬ ꓜ ꓓꓽ ꓟ ꓫꓬꓹ ꓢꓲ ꓪꓰ ꓤ ꓮ ꓟꓬꓹ ꓘꓴ_ ꓡꓳ=
ꓟꓶ ꓘꓶ ꓜ ꓜꓽ ꓝꓲꓸ ꓛꓲ ꓡ ꓠꓬ꓾ ꓬꓲ ꓚꓳ ꓑ ꓔꓯ ꓝꓲ ꓩꓴ ꓙꓰ ꓢꓲ꓾ ꓬꓲ ꓡꓰ ꓘꓴ ꓔ_ ꓟ ꓪꓰ ꓤ ꓔꓯ꓾ ꓮ ꓟꓶ ꓠꓬ ꓮ ꓫꓵ_ ꓟꓲ ꓙꓽ ꓖꓶ ꓔ_ ꓡꓳ꓾ ꓡꓯ ꓨꓽ꓾ ꓐꓰ ꓐꓯ ꓖꓶ ꓙꓰ ꓝꓲ_ ꓡꓳ꓿ ꓡꓴ-ꓘ ꓕꓳꓽ ꓶ 14: 18 ꓬꓲ ꓪ ꓮ ꓙꓵ ꓠꓬ ꓕꓲ ꓡꓰꓹꓼ ꓐꓰ ꓢꓸ ꓬꓰ ꓪꓴꓸ ꓔꓴ_ ꓡꓳ꓿ ꓬꓲ ꓪꓴꓸ ꓕꓲ ꓣꓳ ꓠꓬ ꓬꓲ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓥꓪ ꓦꓻ ꓟꓲ ꓕꓲ ꓡꓯꓼ ꓪꓴꓻ ꓔ_ ꓠꓬꓲ ꓥꓪ ꓡꓳꓸ ꓠꓬꓲ ꓙꓰ ꓠ ꓗ_ ꓡꓳ꓿ ꓥꓪ ꓔꓯ ꓖꓶ ꓙꓰ ꓡꓯ꓾ ꓐꓰ ꓠꓴ ꓔꓯ ꓓꓰꓽ_ ꓡꓳ꓾ ꓐꓯ_ ꓡꓳ꓿ ꓡꓴ-ꓘ ꓕꓳꓽ ꓶ 14: 19 ꓕꓲ ꓣꓳ ꓠꓬ꓾ ꓥꓪ ꓮꓸ ꓠꓬꓲꓽ ꓥꓪꓽ ꓝꓱꓺ ꓪꓴꓻ ꓔ_ ꓠꓬꓲ꓾ ꓥꓪ ꓤꓹ ꓫꓵ ꓠꓬꓲ ꓙꓰ_ ꓐꓯ_ ꓡꓳ꓿ ꓥꓪ ꓔꓯ ꓖꓶ ꓙꓰ ꓡꓯ꓾ ꓐꓰ ꓠꓴ ꓔꓯ ꓓꓰꓽ_ ꓡꓳ꓾ ꓐꓯ_ ꓡꓳ꓿ ꓡꓴ-ꓘ ꓕꓳꓽ ꓶ 14: 20 ꓕꓲ ꓣꓳ ꓠꓬ꓾ ꓥꓪ ꓤꓽ ꓟꓶ ꓘꓴꓻ ꓗꓷ ꓠꓬꓲ꓾ ꓥꓪ ꓡ ꓟꓽ ꓪ꓾ ꓐꓯ_ ꓡꓳ꓿
ꓚꓳ ꓑ ꓖꓳ ꓟ ꓬꓲꓼ ꓡ ꓢꓲ꓾ ꓕꓱ ꓟ ꓮ ꓙꓵ ꓬꓲ ꓢꓲꓺ ꓒ ꓔꓯ ꓐꓯ ꓖꓶ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓢꓲꓺ ꓒ ꓠꓲꓹ ꓟ ꓦꓶꓻ ꓢꓲ꓾ ꓬꓲ ꓚꓳ ꓑ ꓔꓯ꓾ ꓡꓳ ꓒꓱ ꓗꓪ ꓟ ꓙ ꓖꓴ ꓓꓽ ꓟ_ ꓐꓰ ꓙ ꓧꓹ ꓤꓽ ꓗꓪ ꓮ ꓟꓲꓸ ꓓꓳ ꓙꓰ ꓢꓲ꓾ ꓞꓳ ꓫꓸ_ ꓐꓰ ꓛꓲ ꓐꓬꓺ ꓡꓯꓼ ꓐꓬ ꓢꓴ_ ꓐꓰ꓾ ꓟꓬ ꓔꓶꓺ_ ꓐꓰ ꓛꓲ ꓫꓳꓸ ꓔꓯ ꓧꓳꓽ ꓓꓵ ꓡꓯ꓾ ꓐꓯ_ ꓡꓳ꓿
ꓖꓳ ꓡꓱ ꓠꓬ ꓚꓳ ꓑ ꓡꓰ꓾ ꓢꓲꓺ ꓒꓽꓳ꓾ ꓠꓴ ꓡꓰ ꓖꓶ ꓔ_ ꓟ ꓕꓵꓼ ꓪ ꓮ ꓙꓵ ꓬꓰ ꓓꓳ ꓡꓰꓳ꓿ ꓔꓬ ꓖꓴ_ ꓟꓲ ꓙꓳ_ ꓢꓰꓽ ꓡꓳ꓾ ꓐꓯ_ ꓡꓳ꓿
ꓢꓲꓺ ꓒ ꓠꓬ ꓚꓳ ꓑ ꓖꓳ ꓟ ꓔꓯ꓾ ꓙ ꓖꓴ ꓙ ꓐꓽ ꓡꓲ ꓛꓲ ꓡꓲ ꓐꓽ ꓗꓪ ꓙꓰ ꓢꓲ꓾ ꓥꓪ ꓦꓲꓻ ꓗꓪ ꓔꓬ ꓐꓲ ꓡ ꓠꓹ ꓟ꓾ ꓡ ꓞꓳ ꓔꓯ ꓟꓽ ꓓ ꓟꓽ ꓞꓽ ꓧꓳꓽ ꓓꓵ ꓡꓯ꓾ ꓐꓯ_ ꓡꓳ=
ꓮ ꓡꓲꓳ ꓐꓯ ꓠꓬ ꓥꓪ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ꓾ ꓧꓶꓸ ꓕꓯ ꓘꓴ ꓔ_ ꓟ ꓡ ꓞꓳ ꓮ ꓡꓲ ꓕꓲ ꓣꓳ ꓔꓯ_ ꓟꓲ ꓥꓪ ꓟꓶ ꓘꓶ ꓜꓻ ꓔꓯ ꓟꓽ ꓢꓳꓽ ꓠꓬꓲ ꓝꓲ꓾ ꓐꓰ ꓐꓯ_ ꓡꓳ꓾ ꓐꓯ_ ꓡꓳ꓿

Add new comment

5 + 5 =