Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓒ‐ꓡꓲ‐ꓢꓷˍ ꓐꓰ ꓝꓲ. ꓫ ꓢꓴ ꓔꓯ ꓥꓳꓽ (Sunday reflection)
Sunday, October 23, 2022
ꓒ‐ꓡꓲ‐ꓢꓷˍ ꓐꓰ ꓝꓲ. ꓫ ꓢꓴ ꓔꓯ ꓥꓳꓽ
ꓚꓲꓸ ꓛꓬ ꓔꓱꓹ ꓜꓳꓽˍ ꓟ ꓔꓯ ꓦ ꓡꓱ ꓢꓲ꓾ ꓢꓴ ꓔꓯ ꓟꓳꓻ ꓟꓽ ꓟꓵꓺ ꓢꓴ ꓔꓯ꓾ ꓬꓰ-ꓢꓴ ꓠꓬ ꓔꓯ ꓥꓳꓽ ꓡꓰ ꓕꓱ ꓡꓱ ꓐꓯˍ ꓢꓰꓽ ꓡꓳ꓿ 10 ꓡꓽ ꓞꓳ ꓠꓬꓲꓽ ꓣꓳ ꓠꓬ ꓪꓽ ꓘꓴ ꓠꓹ ꓟ ꓢꓲꓽ ꓫꓬ ꓦꓲ ꓗꓪ ꓓꓯ ꓙꓰˍ ꓡꓳ꓿ ꓕꓲ ꓣꓳ ꓠꓬ ꓒ-ꓡꓲ-ꓢꓷ ꓥ ꓢꓲ꓾ ꓕꓲ ꓣꓳ ꓠꓽ ꓝꓲꓸ ꓫ ꓢꓴ ꓥ ꓡꓳ꓿ 11 ꓒ-ꓡꓲ-ꓢꓷ ꓠꓽ ꓦꓰꓼ ꓞꓹ ꓢꓲ꓾ ꓚꓲꓸ ꓛꓬ ꓔꓯ ꓟꓳꓸ ꓕꓱ ꓡꓱ ꓪꓽ ꓘꓴˍ ꓡꓳ꓿ ꓪꓴ-ꓢꓺꓳ꓾ ꓥꓪ ꓠꓽ ꓠꓱꓸ ꓐꓯ ꓢꓴˍ ꓡꓰ ꓐꓰ ꓢꓴ ꓔꓯ ꓘꓳꓹ ꓜꓽ ꓢꓴ ꓟꓽ ꓥ꓿ ꓟꓽ ꓔꓱꓹ ꓢꓴˍ ꓟꓲ ꓟꓽ ꓥ꓿ ꓦꓬꓽ ꓛꓳꓽ ꓧꓪ ꓢꓴˍ ꓟꓲ ꓟꓽ ꓥ꓿ ꓝꓮꓲ ꓝꓲꓸ ꓫ ꓢꓴ ꓕꓱ ꓕꓲ ꓣꓳ ꓡꓰ ꓐꓰˍ ꓟꓲ ꓟꓽ ꓗꓹ ꓠꓬꓲ ꓠꓴ ꓔꓯ ꓫꓸ ꓟꓳ꓿ 12 ꓥꓪ ꓠꓬ ꓕꓲ ꓠꓽ ꓗꓪ ꓜꓽ ꓓꓴ ꓠꓬꓲꓽ ꓧꓪ ꓚꓲꓸˍ ꓡꓳ꓿ ꓥꓪ ꓟꓶˍ ꓟ ꓮꓽ ꓙꓵ ꓗꓪ ꓐꓰ ꓞꓲꓻ ꓐꓱ ꓕꓲ ꓐꓱ ꓠꓴ ꓔꓯ ꓡꓲꓸ ꓖꓶˍ ꓡꓳ꓾ ꓐꓯˍ ꓡꓳ꓿ 13 ꓝꓲꓸ ꓫ ꓢꓴ ꓠꓽ ꓶꓽ ꓤ ꓗꓪ ꓦꓰꓼ ꓞꓹ ꓢꓲ꓾ ꓟꓴꓽ ꓗꓪ ꓗꓪ ꓡꓳꓸ ꓟꓽ ꓑꓶꓸ ꓑꓶ ꓳ' ꓟꓶꓽ ꓓꓶꓽ ꓢꓲ꓾ ꓪꓴ-ꓢꓺꓳ꓾ ꓝꓴꓲ ꓙꓳ ꓢꓴ ꓥꓪ ꓔꓯ ꓫꓱꓸ ꓤ ꓙ ꓡꓯ꓾ ꓐꓯˍ ꓡꓳ꓿ 14 ꓠꓴ ꓪꓽ ꓔꓯ ꓥꓪ ꓐꓯ ꓖꓶˍ ꓠꓬꓲ꓾ ꓝꓲꓸ ꓫ ꓢꓴ ꓖꓳ ꓕꓲ ꓣꓳ ꓠꓬ ꓒ-ꓡꓲ-ꓢꓷ ꓖꓳ ꓕꓲ ꓣꓳ ꓢꓶꓸ ꓟ ꓞꓲ ꓔꓱꓹ ꓜꓳꓽˍ ꓟ ꓚꓬꓹ ꓟꓶ ꓢꓲ ꓬꓲ ꓦꓲ ꓗꓪ ꓬꓲꓼ ꓙꓰ ꓪˍ ꓡꓳ꓿ ꓮ ꓡꓲꓳ ꓐꓯ ꓠꓬ ꓚꓲꓸ ꓛꓬ ꓔꓯ ꓓꓳꓹ ꓟꓴ ꓢꓴ ꓥ ꓕ ꓑꓳꓸ ꓔꓯ ꓠꓬ ꓱ'ꓺ ꓡꓰ ꓝꓲˍ ꓥꓳ꓿ ꓚꓲꓸ ꓛꓬ ꓙꓻ ꓣꓳꓽ ꓢꓴ ꓔꓯ ꓠꓽ ꓓꓳꓹ ꓟꓴ ꓖꓶˍ ꓥꓳ꓾ ꓐꓯˍ ꓡꓳ=
ꓠꓬꓲ. ꓠꓬꓲ ꓗꓪ ꓢꓲꓺ ꓒ ꓬꓰ‐ꓢꓴ ꓡꓰ ꓣꓳ ꓔꓯ ꓪꓽ ꓘꓴ ꓕꓯ ꓮ ꓡꓰ ꓫꓵˍ ꓠꓲ, ꓟ ꓙꓳ ꓠ, ꓟ ꓐꓯ ꓟ ꓖꓶ ꓡ ꓟ ꓥ ꓡꓳ꓿ ꓣꓳ ꓟꓲ ꓠꓯ ꓡ ꓞꓳ ꓠꓬ ꓪꓽ ꓘꓴ ꓕꓯ ꓣꓳ ꓐꓶ ꓶ ꓡꓰ ꓪꓽ ꓘꓴ ꓢꓲ ꓠꓬꓲ ꓠꓱ. ꓐꓯ ꓢꓴ ꓐꓶ ꓶ ꓮ ꓟꓬ, ꓪꓽ ꓟꓽ ꓘꓴ ꓙ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓡꓰ ꓣꓳ ꓢꓯ. ꓔꓬ ꓟ ꓙꓵ, ꓕꓯ ꓣꓳ ꓪꓽ ꓘꓴ ꓟ ꓙꓵ, ꓕꓯ ꓣꓳ ꓠꓬ ꓝꓴꓲ ꓙꓳ ꓢꓴ ꓡꓰ ꓐꓰ ꓐ, ꓐ ꓪꓴ‐ꓢ ꓠꓯ, ꓗꓪ ꓪꓽ ꓘꓴ ꓠ, ꓟ ꓐꓰ ꓠꓱ. ꓐꓯ ꓢꓴ ꓔꓯ ꓪꓽ ꓘꓴ ꓙ ꓠ, ꓟ ꓟ. ꓖꓶ ꓡ ꓟ ꓥ ꓡꓳ꓿ ꓣꓳ ꓢꓯ. ꓔꓬ ꓟ ꓙꓵ, ꓗꓪ ꓪꓴ‐ꓢ ꓠꓲ, ꓒꓴ ꓟ ꓡ ꓞꓳ ꓒꓬꓱꓼ ꓡ ꓠ, ꓟ ꓪꓴ‐ꓢ ꓐꓯ ꓘꓶꓽ ꓔꓯ ꓛꓳ ꓢꓲ ꓠꓬꓲ ꓙ ꓫꓪ ꓓꓴ ꓬꓰ ꓡꓯ ꓫ. ꓟꓳ ꓪ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment