ꓒꓲ-ꓕꓱ ꓐꓰ ꓬꓳ-ꓦ ꓬꓰ-ꓢꓴ ꓛꓳ ꓙꓰ_ ꓟ

      ꓠ-ꓕ-ꓠꓰ ꓬꓲ ꓔꓯ ꓡꓻˍ ꓟ ꓔꓯ ꓬꓰ-ꓢꓴ ꓟꓳ ꓗꓷ ꓠꓬ ꓬꓲ ꓔꓯ ꓖꓴ ꓢꓲ꓾ ꓠꓬꓲ ꓠꓹ꓾ ꓖꓳꓼ ꓠꓲꓹ ꓟꓽ ꓙꓳ ꓟ ꓬꓲ-ꓢꓷ-ꓡꓰ ꓡ ꓞꓳ ꓚꓵꓺ ꓕꓲ ꓣꓳ꓾ ꓐꓯˍ ꓡꓳ꓿ 48 ꓠ-ꓕ-ꓠꓰ ꓡꓰ ꓬꓲ ꓔꓯ꓾ ꓠꓴ ꓮ ꓡꓲ ꓐꓰ ꓥꓪ ꓔꓯ ꓢꓷˍ ꓡ? ꓐꓰ ꓠ ꓠꓬꓲˍ ꓕꓯ꓾ ꓬꓰ-ꓢꓴ ꓬꓲ ꓔꓯ ꓒꓳꓹ ꓖꓶ ꓢꓲ꓾ ꓒꓲ-ꓡꓲ ꓠꓴ ꓔꓯ ꓟꓽ ꓘꓴ ꓢꓰꓽ ꓕꓯ꓾ ꓠꓴ ꓠꓬ ꓘꓶꓽ ꓢꓶꓽ ꓜꓲ ꓠꓯꓸ ꓘꓪ ꓔꓬ ꓕꓯˍ ꓡꓰ ꓠꓴ ꓔꓯ ꓥꓪ ꓟꓳꓻ ꓗꓷꓳ꓾ ꓐꓯ ꓖꓶˍ ꓡꓳ꓿ 49 ꓠ-ꓕ-ꓠꓰ ꓡꓰ ꓟꓸ ꓒꓽꓳ꓾ ꓠꓴ ꓠꓽ ꓪꓴ-ꓢ ꓮ ꓐꓲ꓾ ꓬꓲ-ꓢꓷ-ꓡꓰ ꓪ ꓔꓲ ꓥ ꓡꓳ꓾ ꓐꓯˍ ꓡꓳ꓿ 50 ꓬꓰ-ꓢꓴ ꓬꓲ ꓔꓯ꓾ ꓘꓶꓽ ꓢꓶ ꓜꓲ ꓠꓯꓸ ꓘꓪ ꓔꓬ ꓕꓯˍ ꓡꓰ ꓠꓴ ꓔꓯ ꓥꓪ ꓟꓳꓻ ꓗꓷꓳ꓾ ꓐꓯˍ ꓟ ꓗꓪ ꓐꓰ ꓠꓴ ꓙꓵꓻˍ ꓡ? ꓕꓱ ꓟ ꓕꓯꓽ ꓢꓲ ꓪꓴꓽˍ ꓡꓳ ꓫꓵ ꓠꓴ ꓟꓳˍ ꓢꓰꓽ ꓥꓳ꓾ ꓐꓯ ꓖꓶˍ ꓡꓳ꓿ 51 ꓝꓮꓲ ꓬꓰ-ꓢꓴ ꓡꓰ꓾ ꓥꓪ ꓔꓱ ꓔꓱꓹꓼ ꓠꓴ ꓪꓽ ꓔꓯ ꓐꓯ ꓖꓶˍ ꓠꓬꓲ꓾ ꓟꓴꓽ ꓗꓪ ꓒꓴ ꓡ ꓟ ꓐꓰ ꓪꓴ-ꓢ ꓬꓲ ꓝꓲ ꓓꓴ ꓐꓴ ꓠꓬ꓾ ꓡ-ꓞꓳ-ꓮ-ꓐꓲ ꓕꓯꓽ ꓢꓲ ꓗꓪ ꓓꓯ ꓓꓯ ꓬꓯꓼ ꓬꓯꓼ ꓬꓰ ꓔꓬ ꓟ ꓔꓯ ꓠꓴ ꓪꓽ ꓟꓳˍ ꓥꓳ꓾ ꓐꓯˍ ꓡꓳ꓿ ꓬꓳ-ꓦ 1ꓽ27-51