ꓢꓲ-ꓟꓰ ꓠꓬ ꓬꓰ-ꓢꓴ ꓔꓯ ꓟꓳ ꓪ_ ꓟ

          ꓖꓳ ꓡꓱ ꓠꓬ ꓬꓰ-ꓢꓴ ꓔꓯ ꓖꓴꓻˍ ꓟ ꓐꓯ ꓘꓶꓽ ꓕꓱ ꓟ ꓗꓪ ꓐꓰ꓾ ꓬꓲ ꓐꓹ ꓐ ꓟꓹ ꓟ ꓓꓵꓽ ꓙꓽ ꓟꓶˍ ꓡꓳ꓿ 34 ꓢꓲ-ꓟꓰ ꓡꓰ ꓬꓲ ꓪꓽ ꓔꓯ ꓶꓼ ꓥꓳꓽ ꓙꓱ ꓖꓶ ꓢꓲ ꓬꓲ ꓟꓹ ꓟ ꓟ-ꓡꓲ ꓔꓯ꓾ ꓠ ꓠꓹ꓾ ꓤ ꓠꓱ ꓕꓱ ꓟ ꓠꓬ ꓬꓲ-ꓢꓷ-ꓡꓰ ꓮꓽ ꓟꓬꓹ ꓣꓳ ꓔꓯ ꓚꓬꓴ ꓟꓶꓻ ꓝꓲ ꓠꓹ ꓟ ꓐꓰ꓾ ꓝꓮꓲ ꓮꓽ ꓟꓬꓹ ꓣꓳ ꓔꓯ ꓡꓱꓸ ꓗꓷ ꓝꓲ ꓠꓹ ꓟ ꓪꓴ-ꓢ ꓡꓰ ꓢꓲ ꓚꓰꓸ ꓔ ꓟ ꓥ ꓡꓳ꓿ ꓖꓳ ꓡꓱ ꓢꓲ ꓬꓲ ꓠꓽ ꓢꓴ ꓡꓰ ꓐꓯ ꓔꓳꓹ ꓡ ꓠꓯꓹ ꓟ ꓢꓷꓸ ꓡꓰ ꓓꓴ ꓒꓬꓱꓼ ꓡ ꓥꓳ꓿ 35 ꓝꓮꓲ ꓠꓬ ꓮꓽ ꓟꓬꓹ ꓣꓳ ꓓꓵꓽ ꓙˍ ꓟ ꓔꓯꓺ ꓟꓳꓸ ꓖꓶ ꓓꓳ ꓡ ꓝꓲ ꓠꓹ ꓟ꓾ ꓪꓴ-ꓢ ꓡꓰ ꓢꓲ ꓚꓰꓸ ꓔ ꓢꓴ ꓥ ꓡꓳ꓿ ꓠꓴ ꓚꓲꓸ ꓛꓬ ꓠꓲꓹ ꓟ ꓔꓯˍ ꓟꓲ ꓬꓲ ꓑꓶꓸ ꓓꓴ ꓮꓸ ꓕꓽ ꓪꓴꓸ ꓒꓲꓹ ꓡꓰ ꓗꓸ ꓙ ꓙꓰˍ ꓟ ꓡꓰ ꓐꓰ꓾ ꓗꓸ ꓬꓯꓼ ꓡ ꓥꓳ꓾ ꓐꓯˍ ꓡꓳ꓿ ꓡꓴ-ꓘ 2ꓽ33-35