ꓒ-ꓡꓲ-ꓢꓷ ꓐꓴ ꓔꓯ ꓕꓼˍ ꓟ

ꓡꓴ-ꓘ 11ꓽ37-41

ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓬꓰ-ꓢꓴ ꓟꓸ ꓟꓲꓽ ꓚꓺ ꓔꓬꓹ ꓕꓯ ꓒ-ꓡꓲ-ꓢꓷ ꓕꓲ ꓣꓳ ꓡꓰ ꓬꓰ-ꓢꓴ ꓔꓯ ꓜ ꓘꓴ ꓖꓶꓽ ꓜˍ ꓟ ꓔꓯ ꓣꓳ ꓑ ꓙˍ ꓡꓳ= ꓖꓳ ꓕꓲ ꓣꓳ ꓠꓬ ꓬꓰ-ꓢꓴ ꓔꓯ ꓚꓲꓸ ꓛꓬ ꓦꓲꓻ ꓗꓪ ꓗꓹ ꓛꓲꓽ ꓛꓲꓽ ꓡꓰ ꓘꓳꓹ ꓣꓴ ꓢꓲ ꓠꓬꓲ ꓜ ꓖꓶꓽ ꓜˍ ꓡꓳ= ꓖꓳ ꓡꓱ ꓥˍ ꓟꓲ ꓬꓲ ꓪ ꓐꓴ ꓬꓰ ꓙꓲꓼ ꓙꓳˍ ꓟ ꓡꓲꓽ ꓠꓬ ꓜ ꓟꓽ ꓜꓽ ꓕꓯ ꓡꓯꓽ ꓒꓯꓹ ꓞꓲꓽ ꓠ ꓗꓹ ꓡꓳ=ꓖꓳ ꓡꓱ ꓥˍ ꓟꓲ ꓢꓲꓺ ꓒ ꓬꓰ-ꓢꓴ ꓠꓬ ꓡꓯꓽ ꓒꓯꓹ ꓟꓽ ꓞꓲꓽ ꓞꓲꓽ ꓜ ꓜꓽ ꓠꓹ ꓟ ꓠꓬꓲꓸ ꓠꓸ ꓗꓷ ꓟ ꓔꓯ ꓒ-ꓡꓲ-ꓢꓷ ꓐꓴ ꓟꓳ ꓡꓰ ꓠꓬ ꓮ ꓘꓶꓸ ꓓꓵꓽ ꓙ ꓟꓶ ꓡꓰꓳ= ꓬꓰ-ꓢꓴ ꓠꓬ ꓑ ꓫꓬ ꓐꓴ ꓠꓲꓸ ꓠꓵˍ ꓟ ꓧꓳꓽ ꓪꓴꓸ ꓟꓴ ꓢꓴ ꓕꓲ ꓣꓳ ꓥ ꓡꓳ= ꓖꓳ ꓡꓱ ꓡꓳ ꓫꓵꓽ ꓟꓬꓱ ꓓꓳꓽ ꓙꓳ ꓢꓴ ꓕꓲ ꓣꓳ ꓠꓬ ꓡꓯꓽ ꓒꓯꓹ ꓟꓽ ꓞꓲꓽ ꓞꓲꓽ ꓜ ꓜꓽ ꓔꓬꓹ ꓟ ꓔꓯ ꓟꓳˍ ꓟ ꓒ-ꓡꓲ-ꓢꓷ ꓐꓴ ꓠꓬ ꓮ ꓘꓶꓸ ꓐꓰ ꓓꓵꓽ ꓙ ꓮ’ ꓡꓰꓳ=

ꓬꓰ-ꓢꓴ ꓠꓬ ꓬꓲꓸ ꓪ ꓓꓵꓽ ꓙ ꓔꓬ ꓟ ꓔꓯ ꓢꓷˍ ꓠꓬꓲ ꓬꓲꓸ ꓪ ꓐꓴ ꓔꓯ ꓟꓸ ꓖꓶˍ ꓡꓳ=