ꓙꓵꓽ ꓗ ꓒꓽ ꓐꓴ ꓔꓯ ꓕꓼˍ ꓟ

ꓡꓴ-ꓘ 11ꓽ47-54

ꓠꓴ ꓪ ꓠꓽ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓒꓵꓽ ꓒ ꓐꓴ ꓡꓰ ꓢꓰꓼ ꓗꓷ_ ꓟ ꓟꓷ ꓠꓷꓹ ꓝꓸ ꓢꓴ ꓐꓴ ꓡꓱꓽ ꓜꓴ ꓔꓯ ꓠꓴ ꓪ ꓫꓬꓹ ꓜꓶꓻ_ ꓡꓳ꓿
ꓖꓳ ꓡꓱ ꓠꓬꓲ ꓠꓴ ꓪ ꓠꓬ ꓢꓷ ꓙ ꓟꓳ ꓙ ꓢꓴ ꓥ ꓢꓲ꓾ ꓠꓴ ꓪ ꓒꓵꓽ ꓒ ꓐꓴ ꓬꓰ_ ꓟ ꓟꓬꓱꓽ ꓔꓯ ꓓꓽ ꓔꓳ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓪ ꓠꓬ ꓟꓷ ꓠꓷꓹ ꓝ ꓢꓴ ꓐꓴ ꓔꓯ ꓢꓰꓼ_ ꓡꓳ꓿ ꓠꓴ ꓪ ꓠꓽ ꓬꓲ ꓪ ꓡꓱ ꓜꓴ ꓫꓬꓹ ꓜꓶ_ ꓖꓳ ꓡꓱ ꓠꓬꓲ ꓪꓴ-ꓢ ꓙꓽ ꓗꓴ ꓠꓲꓹ ꓡꓰ ꓕꓱ ꓡꓱ ꓐꓯ_ ꓡꓳ꓾ ꓥꓪ ꓠꓽ ꓬꓲ ꓪ ꓔꓯ ꓟꓷ ꓠꓷꓹ ꓝ ꓢꓴ_ ꓐꓰ ꓝꓲ ꓓꓴ ꓝꓲ ꓩꓴ ꓙꓰ ꓢꓲ꓾ ꓬꓲ ꓪ ꓠꓬ ꓕꓲ ꓐꓱ ꓔꓯ ꓢꓰꓼ ꓗꓷ_ ꓥꓳ꓾ ꓕꓲ ꓐꓱ ꓔꓯ ꓗꓸ ꓧꓪ_ ꓥꓳ꓾ ꓐꓯ_ ꓡꓳ꓿
ꓖꓳ ꓟ ꓑꓶ ꓓꓴ ꓟꓵꓽ ꓔꓶ ꓟꓲ ꓔꓶ_ ꓕ ꓑꓳ꓾ ꓮ-ꓐꓱ ꓬꓲ ꓫꓵꓽ ꓗꓪ ꓐꓰ ꓔꓲ ꓖꓴ_ ꓐꓰ ꓢꓲ ꓫꓬ ꓦꓲ ꓠꓬꓲꓽ ꓗꓴ ꓚꓸꓼ ꓗꓪ ꓫꓵꓻ_ ꓟ ꓢ-ꓚꓬ-ꓡꓲ-ꓬ ꓬꓲ ꓫꓵꓽ ꓗꓪ ꓛꓲ꓾ ꓟꓷ ꓠꓷꓹ ꓝ ꓢꓴ ꓫꓵꓽ ꓔꓯ ꓧꓳꓸ ꓡꓰ ꓝꓲ_ ꓟ ꓛꓬꓻ ꓒꓵꓽ ꓮ ꓙꓵ꓾ ꓕꓱ ꓕꓲ ꓤꓶꓻ ꓟ ꓡ ꓞꓳ ꓔꓯ ꓟꓯꓻ ꓝꓲ_ ꓥꓳ꓿ ꓥ ꓡꓳ꓾ ꓥꓪ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ꓾ ꓕꓱ ꓕꓲ ꓤꓶꓻ ꓟ ꓡ ꓞꓳ ꓔꓯ ꓟꓯ ꓝꓲ_ ꓥꓳ꓿
ꓙꓵꓽ ꓗ ꓒꓽ ꓐꓴ ꓠꓴ ꓪꓽꓳ꓾ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ ꓢꓷ ꓠꓲꓹ ꓜꓳ ꓜꓴ ꓔꓯꓹ ꓙꓰꓳ꓿ ꓠꓴ ꓪ ꓚꓲ ꓛꓬ ꓠꓽ ꓟꓽ ꓓꓵ ꓙꓰ꓾ ꓓꓵꓽ ꓙꓰ_ ꓐꓰ ꓬꓰ ꓔꓬ ꓢꓴ ꓔꓯ_ ꓟꓲ ꓠꓴ ꓪ ꓗꓽ ꓔ_ ꓡꓳ꓾ ꓐꓯ_ ꓡꓳ꓿
ꓬꓰ-ꓢꓴ ꓖꓳ ꓗꓪ ꓐꓰ ꓓꓳ ꓙꓰ_ ꓕꓯ꓾ ꓕꓳ ꓶ ꓐꓳ ꓒ ꓐꓴ_ ꓐꓰ ꓒ-ꓡꓲ-ꓢꓷ ꓐꓴ ꓠꓬ ꓬꓰ-ꓢꓴ_ ꓐꓰ ꓪꓳꓹ ꓪꓳꓹ_ ꓡꓰꓽ ꓧꓳꓺ ꓢꓲ꓾ ꓮ ꓟꓬꓹ ꓫꓵ ꓡꓰ ꓬꓲ ꓔꓯ ꓠ ꓠꓬꓲ_ ꓟ ꓗꓪ ꓐꓰ ꓬꓲ ꓔꓯ ꓛꓲꓼ ꓠꓹ ꓟ_ ꓐꓰ꓾
ꓬꓲ ꓐꓯ ꓘꓶ ꓝꓲꓸ ꓗꓪ ꓐꓰ ꓬꓲ ꓔꓯ ꓠꓸ ꓣꓴ ꓠꓹ ꓟ ꓢꓯꓼ ꓕꓵ_ ꓡꓳ꓿
 

Add new comment

2 + 0 =