ꓒ-ꓡꓲ-ꓢꓷ ꓐꓴ ꓔꓯ ꓕꓼˍ ꓟ (ꓡꓴ-ꓘ = 11ꓽ37-41)

ꓒ-ꓡꓲ-ꓢꓷ ꓐꓴ ꓔꓯ ꓕꓼˍ ꓟ

ꓬꓰ-ꓢꓴ ꓫꓸ ꓕꓱ ꓓꓳ ꓡꓰ ꓕꓯ꓾ ꓒ-ꓡꓲ-ꓢꓷ ꓕꓲ ꓣꓳ ꓡꓰ ꓬꓲ ꓔꓯ ꓜ ꓜꓽ ꓡꓯ꓾ ꓐꓰ ꓘꓴˍ ꓡꓳ꓿ ꓖꓳ ꓡꓱ ꓠꓬ ꓬꓲ ꓓꓵꓽ ꓡꓰ ꓢꓲ ꓜ ꓜꓽˍ ꓐꓰ ꓠꓬꓲꓸ ꓠꓸˍ ꓡꓳ꓿ꓜꓻ ꓟꓽ ꓜꓽ ꓧꓶꓸ ꓕꓯꓽ ꓬꓰ-ꓢꓴ ꓡꓯꓼ ꓒꓯꓹ ꓟꓽ ꓞꓲꓽˍ ꓟ ꓔꓯ ꓒ-ꓡꓲ-ꓢꓷ ꓖꓳ ꓕꓲ ꓣꓳ ꓟꓳꓻ ꓗꓷ ꓠꓬ ꓓꓵꓽ ꓙꓽ ꓟꓶˍ ꓡꓳ꓿ꓖꓳ ꓕꓯ ꓢꓲ ꓒꓽ ꓡꓰ꓾ ꓮ ꓟꓶ ꓠꓴ ꓪꓽ ꓒ-ꓡꓲ-ꓢꓷ ꓐꓴ ꓠꓬ꓾ ꓡꓴꓻ ꓗꓶˍ ꓐꓰ ꓐꓯꓻ ꓕꓯꓽ ꓢꓲ ꓕꓲ ꓒꓳꓹ ꓔꓯ ꓫꓬꓻ ꓫꓬˍ ꓡꓰ ꓞꓲꓽˍ ꓡꓳ꓿ ꓖꓳ ꓡꓱ ꓥ ꓟꓲ ꓠꓴ ꓪꓽ ꓠꓯꓸꓼ ꓗꓪ ꓠꓽ꓾ ꓢꓴ ꓔꓯ ꓜꓲꓻ ꓞꓳꓹ ꓜꓽˍ ꓟ ꓐꓰ ꓥꓶˍ ꓟ ꓐꓲ ꓞꓹ ꓡꓳ꓿ꓞꓳ ꓙꓲꓽ ꓐꓴꓳ꓾ ꓕꓯꓽ ꓢꓲ ꓗꓪ ꓟ ꓔꓯ ꓚꓰꓼ ꓢꓴ ꓡꓰ ꓠꓯꓸꓼ ꓗꓪ ꓟˍ ꓟꓲ ꓚꓰꓼ ꓔ ꓡꓳ ꓟꓽ ꓥ ꓡ?ꓠꓴ ꓪꓽ ꓠꓬ ꓫꓸ ꓢꓴ ꓔꓯ ꓓꓰꓽ ꓖꓶˍ ꓕꓯ꓾ ꓠꓯꓸꓼ ꓗꓪ ꓟ ꓠꓲꓹ ꓙꓽ ꓟꓬ ꓗꓳˍ ꓟ ꓡꓰ ꓖꓶ꓿ ꓖꓳ ꓡꓱ ꓠꓬ ꓠꓴ ꓪꓽ ꓐꓱ ꓶ ꓮꓸ ꓫꓵˍ ꓟꓲ ꓫꓬꓻˍ ꓟ ꓒꓬꓱꓼ ꓡ ꓥꓳ꓿

Add new comment

4 + 4 =