ꓠ. ꓐꓳ: ꓡꓺ ꓢꓲꓺ ꓢꓴ ꓔꓯ ꓫꓬꓹ ꓓꓻ ꓡꓰˍ ꓟ

ꓟ-ꓘꓳ 7: 31-37

ꓖꓳ ꓡꓱ ꓥ ꓟꓲ ꓖꓳ ꓠꓬꓲꓽ ꓣꓳ ꓓꓳ ꓙꓰ ꓢꓲ ꓬꓲ ꓟꓬꓱꓺ ꓓꓳꓽ ꓠꓬ ꓖꓳ ꓕꓲ ꓟꓵꓽ ꓡꓱꓸꓼ ꓚ ꓒꓬꓱ ꓙꓰˍ ꓡꓳ꓿  ꓬꓲ ꓪꓽ ꓓꓳ ꓙꓰˍ ꓕꓯ꓾ ꓠꓲꓽ ꓜꓶꓽ ꓞꓹ ꓟ ꓞꓳ ꓟꓶꓻ ꓕꓲ ꓣꓳ ꓔꓯ ꓬꓲ ꓔꓬ ꓗꓪ ꓧꓳꓽ ꓡ ꓡꓳ꓿  ꓠꓲꓽ ꓔꓯ ꓖꓼ ꓓꓳ ꓗꓷ ꓠꓬ ꓞꓳ ꓟꓶ ꓠꓽ ꓫ ꓕꓱ ꓓꓳ ꓡ ꓠꓬꓲ꓾ ꓞꓳ ꓜꓴ ꓠꓬ ꓓꓵꓽ ꓙ ꓟꓶ ꓡꓰ ꓢꓲ꓾ ꓬꓲ-ꓢꓷ-ꓡꓰ ꓗꓳ ꓡꓳ ꓗꓪ ꓕꓱ ꓡꓱ ꓡꓴ ꓫꓵꓽ ꓮ ꓕꓯꓽˍ ꓟꓲ ꓟꓽ ꓟꓳꓻ ꓠꓬꓲ꓾ ꓐꓯˍ ꓡꓳ꓿  ꓖꓳ ꓡꓱ ꓥ ꓟꓲ ꓒ-ꓡꓲ-ꓢꓷ ꓐꓴ ꓡꓰ꓾ ꓬꓲ ꓠꓽ ꓠꓲꓽ ꓪ ꓔꓲ ꓢꓯꓼ ꓗꓪ ꓐꓰ ꓠꓲꓽ ꓖꓼ ꓓꓳˍ ꓡꓳ꓾ ꓐꓯˍ ꓡꓳ꓿ 

ꓬꓰ-ꓢꓴ ꓠꓬ ꓡꓳ ꓒꓱꓻˍ ꓐꓰ ꓘꓹ ꓥ ꓕ ꓑꓳꓸ ꓗꓪ ꓚꓳ ꓙꓰ ꓢꓲ꓾ ꓬꓲ ꓪꓽ ꓜꓲꓼ ꓦꓲ ꓗꓪ ꓟꓸ ꓟꓲ ꓟꓸ ꓖꓶ ꓠꓬꓲ꓾ ꓟꓴꓽ ꓗꓪ ꓗꓴꓷꓼ ꓶꓼ ꓓꓳ ꓫꓱꓹ ꓓꓳ ꓚ ꓟꓸ ꓖꓶ ꓠꓬꓲ ꓐꓰ ꓠꓻ ꓫꓵꓽ ꓠꓻ ꓙꓰꓽ ꓮꓽ ꓙꓵ ꓫꓬꓹ ꓖꓶˍ ꓡꓳ꓿  ꓞꓳ ꓜꓴꓻ ꓠꓬ ꓡꓳꓸ ꓢꓴ ꓟꓽ ꓙꓳ ꓟ ꓮ ꓣꓳˍ ꓡꓰ ꓐꓰ ꓗꓹ ꓢꓲ꓾ ꓬꓰ ꓙ ꓢꓴ ꓟꓽ ꓙꓳ ꓙꓳ ꓫꓸ ꓙꓵꓻ ꓟꓷ ꓙꓵꓻ ꓔꓬ ꓟ ꓔꓯ ꓬꓰ-ꓢꓴ ꓟꓳꓻˍ ꓠꓬꓲ꓾ ꓬꓲ ꓪꓽ ꓔꓯ ꓬꓲ ꓫꓱꓸ ꓤˍ ꓡꓳ꓿ ꓖꓳ ꓕꓯ ꓬꓲ ꓠꓬ ꓬꓲ ꓛꓳꓽ ꓒꓯꓹ ꓐꓴ ꓔꓯ꓾ ꓶꓼ ꓫꓺ ꓠꓯꓹ ꓟ ꓜꓽ ꓪꓳꓽ ꓡꓳ ꓪꓳꓽ ꓠꓬ ꓮꓽ ꓘꓶꓸ ꓟꓬꓽˍ ꓟꓲ ꓟꓬꓱꓽ ꓬꓰ ꓢꓴ ꓠꓽ ꓠꓲꓸˍ ꓡꓳ꓿