ꓔ ꓟꓼꓩꓴꓸ ꓓꓲꓸꓹ ꓢꓴ ꓔꓯ ꓫꓬꓹ ꓓꓸꓹ ꓡꓰ_ꓟ

Thursday, December 10, 2020

ꓕꓲ ꓧꓪꓹ ꓙꓳ_ ꓠꓬ꓾ ꓬꓰ-ꓢꓴ ꓠꓬ ꓡꓳ ꓒꓱ ꓕꓲ ꓟ ꓗꓪ ꓔꓬ_ ꓕꓯ꓾ ꓠꓬꓲ ꓠꓹ꓾ ꓕꓲ ꓖꓳ ꓓꓱ ꓡꓱꓸꓼ ꓔꓸ ꓟꓼ ꓩꓴ ꓓꓲꓻ ꓢꓴ ꓕꓲ ꓣꓳ ꓡ ꓢꓲ꓾ ꓬꓰ-ꓢꓴ ꓔꓯ ꓟꓳꓻ ꓗꓷ ꓠꓬ꓾ ꓟꓲ ꓛꓬ ꓗꓪ ꓟꓳꓼ ꓡꓰ ꓢꓲ꓾ ꓢꓲꓺ ꓒꓽꓳ꓾ ꓠꓴ ꓠꓲꓹ ꓫꓵ_ ꓠꓬ ꓥꓪ ꓔꓯ ꓢꓲ ꓫꓬ ꓡꓰ ꓝꓲ ꓐ ꓡ_ ꓡꓳ꓾ ꓐꓯ_ ꓡꓳ꓿ ꓬꓰ-ꓢꓴ ꓠꓬ ꓡꓯ ꓒꓯꓹ ꓛꓱ ꓢꓲ ꓬꓲ ꓔꓯ ꓫꓱꓹ ꓖꓶ ꓢꓲ ꓠꓬꓲ꓾ ꓥꓪ ꓠꓲꓹ ꓫꓵ_ ꓡꓳ꓿ ꓠꓴ ꓫꓬ ꓡꓰ ꓨ꓾ ꓐꓯ_ ꓡꓳ꓿ ꓔꓸ ꓟꓼ ꓩꓴ ꓠꓬ ꓞꓼ ꓐꓰ ꓬꓲ ꓔꓯ ꓐꓰ ꓧꓹ ꓙꓰ_ ꓡꓳ꓿ ꓬꓰ-ꓢꓴ ꓠꓬ꓾ ꓮ ꓟ ꓔꓯ_ ꓟꓲ ꓕꓽ ꓐꓯ ꓖꓶ꓿ ꓬꓲ_ ꓡꓰꓽ ꓬꓲ ꓪ ꓐꓱ ꓶ ꓢꓷ ꓙ ꓟꓳ ꓙ ꓓꓴ ꓬꓰ ꓠꓹ ꓟ꓾ ꓠꓴ ꓙꓰ ꓢꓲ ꓔꓲ ꓒ ꓔꓯ ꓠꓴ ꓖꓳ ꓓꓱ ꓟꓳꓸ ꓖꓶ ꓢꓲ ꓠꓬꓲ꓾ ꓠꓴ ꓢꓲ ꓫꓬ ꓡꓰ_ ꓟ ꓑꓶ ꓓꓴ꓾ ꓟꓳ-ꓫꓲ ꓡꓰ ꓐꓯ ꓔ_ ꓟ_ ꓡꓰ ꓐꓰ ꓔꓲ ꓖꓶ ꓬꓰ꓾ ꓐꓰ ꓬꓲ ꓔꓯ ꓕꓵꓼ ꓪ ꓖꓶ_ ꓡꓳ꓿ ꓖꓳ ꓡꓱ ꓥ_ ꓟꓲ ꓬꓰ-ꓢꓴ ꓬꓲ ꓟꓬꓱ ꓓꓳꓽ ꓠꓬ ꓟꓬꓽ ꓠꓬꓲ ꓐꓯ ꓒꓬꓱ ꓙꓰ_ ꓡꓳ꓿ ꓡ ꓞꓳ ꓬꓲ ꓜꓴ ꓓꓽ ꓟ ꓠꓬ ꓟꓸ ꓟꓲ ꓠ ꓠꓹ ꓢꓲ ꓠꓻ ꓒꓬꓽ ꓫꓬꓹ_ ꓐꓰ ꓜꓲꓼ ꓡ_ ꓡꓳ꓿ ꓬꓰ-ꓢꓴ ꓠꓽ ꓡꓲ ꓛꓲ ꓗꓪ ꓙꓵꓺ ꓙꓰ ꓢꓲ ꓪ ꓘꓴ_ ꓡꓳ꓿