ꓛꓲ ꓫꓵꓸꓹ ꓡꓯꓼ ꓫꓵ ꓸꓹ ꓢꓴ ꓔꓯ ꓫꓬꓹ ꓓꓸꓹ ꓡꓰ ꓟ

ꓛꓲ ꓫꓵꓸꓹ ꓡꓯꓼ ꓫꓵ ꓸꓹ ꓢꓴ ꓔꓯ ꓫꓬꓹ ꓓꓸꓹ ꓡꓰ ꓟ
 ꓮ ꓟꓬꓹ ꓠꓬꓲ ꓟꓽ ꓥ ꓠꓬ꓾ ꓬꓲ ꓝꓮꓲ ꓘ-ꓒꓱ-ꓠꓴ ꓗꓪ ꓓꓵ ꓡꓰ_ ꓕꓯ꓾ ꓬꓲ ꓠꓬ ꓦꓲ ꓠꓯꓸꓼ ꓗꓪ ꓔꓬ_ ꓟ ꓬꓲ ꓪ ꓢꓷ ꓡꓰ_ ꓡꓳ꓿ ꓗ ꓘꓶ ꓓꓴꓽ ꓗꓪ_ ꓟꓲ ꓬꓲ ꓪ ꓔꓬ ꓖꓴ ꓟꓽ ꓙꓳ ꓠ ꓛꓲ꓾ ꓡ ꓞꓳ ꓮ ꓟꓬꓹ ꓜꓲꓼ ꓡ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓬꓲ ꓪ ꓔꓯ ꓪꓴ-ꓢ ꓐꓯ ꓘꓶ ꓚ ꓟꓸ ꓖꓶ_ ꓡꓳ꓿ ꓡ ꓞꓳ ꓬꓲ ꓜꓴ ꓑꓶ ꓓꓴ ꓬꓲ ꓒ ꓕꓲꓸꓼ ꓗꓪ ꓬꓲ ꓪ ꓡ ꓟꓽ ꓓ ꓠꓬꓲ꓾ ꓬꓲ ꓔꓬ_ ꓟ ꓦꓲ ꓪꓴꓸ ꓓꓵ ꓓꓰ ꓥꓸ ꓗꓷ ꓢꓲ꓾ ꓬꓲ ꓪ ꓒꓬꓹ ꓦꓱꓹ ꓗꓷ ꓠꓬ꓾ ꓛꓲ ꓫꓵꓻ ꓡꓯ ꓫꓵꓻ ꓢꓴ ꓔꓯ ꓬꓲ ꓬꓲꓼ ꓔ ꓔꓬ_ ꓟ ꓘꓳꓽ ꓓꓳ_ ꓐꓰ ꓩꓴ ꓬꓯꓼ ꓡꓰ_ ꓡꓳ꓿ꓕꓳ ꓶ ꓐꓳ ꓒ ꓐꓴ ꓕꓲ ꓐꓱ ꓠꓽ ꓖꓪꓻ ꓠꓬꓲꓸ ꓠꓸ ꓔꓬ ꓢꓲ꓾ ꓬꓲ ꓪ ꓠꓲꓹ ꓟ ꓗꓪ ꓕꓱ ꓡꓱ ꓓꓵ ꓙ ꓔꓬ_ ꓡꓳ꓾ ꓡ ꓞꓳ ꓕꓱ ꓟ ꓮ ꓫꓵꓽ ꓪꓴ ꓠꓬꓲ ꓕꓱ ꓡꓱ ꓐꓯ_ ꓡꓳꓺꓽ꓿ ꓬꓲ ꓠꓬ ꓐꓯ ꓟꓽ ꓚꓰꓼ ꓟ ꓐꓯ_ ꓡꓳ꓿ ꓪꓴ-ꓢ ꓡꓰꓽ ꓟꓽ ꓥ ꓠꓬ ꓝꓴꓲ ꓮ ꓟ ꓖꓽ ꓖꓶ ꓐ ꓡ_ ꓡꓳꓺꓽ꓾ ꓐꓰ ꓓꓵ ꓙ_ ꓡꓳ꓿ ꓬꓲ ꓪ ꓠꓲꓹ ꓟ ꓗꓪ ꓖꓳ ꓡꓱ ꓓꓵ ꓙ ꓔꓬ_ ꓟ ꓔꓯ ꓬꓰ-ꓢꓴ ꓬꓲ ꓠꓲꓹ ꓟ ꓗꓪ ꓞꓼ ꓐꓰ ꓢꓷ ꓡꓰ ꓠꓬꓲ꓾ ꓬꓲ ꓪ ꓔꓯ ꓕꓱ ꓡꓱ ꓐꓯ ꓖꓶ_ ꓡꓳ꓾ ꓮ ꓫꓵ ꓪꓴ ꓠꓬꓲ ꓠꓴ ꓪ ꓠꓲꓹ ꓟ ꓗꓪ ꓕꓱ ꓡꓱ ꓓꓵ ꓙ ꓔꓬ_ ꓡꓳꓺꓽ꓿ꓛꓲ ꓫꓵ ꓡꓯ ꓫꓵ ꓢꓴ ꓔꓯ꓾ ꓠꓴ ꓝꓴꓲ ꓖꓽ ꓖꓶ ꓗꓷꓳ ꓐꓯ_ ꓟ꓾ ꓥ ꓠꓬ꓾ ꓔꓴ꓾ ꓠꓴ ꓘꓳꓽ ꓓꓳ ꓔꓯꓹ ꓔ ꓢꓲ ꓙ ꓖꓴ ꓫꓱꓽ ꓐꓯ_ ꓟ꓾ ꓮ ꓡꓲ ꓟ ꓐꓯ ꓢꓻ_ ꓡꓳꓺꓽ꓿ ꓡ ꓞꓳ ꓮ ꓐꓲ ꓠꓽ ꓟꓲ ꓠꓯ ꓗꓪ ꓝꓴꓲ ꓖꓽ ꓖꓶ ꓙꓵꓽ ꓪ ꓙꓳ_ ꓟ ꓠꓴ ꓪ ꓢꓷ ꓡꓰ ꓠꓹ ꓟ ꓥ ꓡꓳ꓾ ꓐꓯ ꓢꓲ꓾ ꓬꓲ ꓡꓰ ꓛꓲ ꓫꓵ ꓡꓯ ꓫꓵ ꓢꓴ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓠꓴ ꓔꓯ ꓥꓪ ꓐꓯ ꓖꓶ_ ꓠꓬꓲ꓾ ꓔꓴ꓾ ꓠꓴ ꓘꓳꓽ ꓓꓳ ꓔꓯꓹ ꓔ ꓢꓲ ꓠꓴ ꓦꓲ ꓗꓪ ꓬꓲꓼ ꓙꓰ꓾ ꓐꓯ_ ꓡꓳ꓿ꓬꓲ ꓠꓬ ꓔꓴ ꓙꓰ ꓢꓲ꓾ ꓞꓼ ꓐꓰ ꓬꓲ ꓘꓳꓽ ꓓꓳ ꓔꓯꓹ ꓔ ꓢꓲ ꓠꓬꓲ꓾ ꓬꓲ ꓪ ꓮ ꓙꓵ ꓢꓴ ꓒꓬꓱꓽ ꓕꓯ ꓗꓪ ꓓꓳ ꓙꓰ_ ꓡꓳ꓿ ꓖꓳ ꓡꓱ ꓠꓬꓲ ꓬꓲ ꓪ ꓮ ꓙꓵ ꓢꓴ ꓓꓵ ꓙ ꓟꓶ ꓢꓲ꓾ ꓪꓴ-ꓢ ꓔꓯ ꓟꓬꓱ ꓓꓳꓽ ꓖꓶ ꓢꓲ ꓠꓬꓲ꓾ ꓕꓱ ꓡꓱ ꓡꓴ ꓫꓵꓽ ꓠꓽ ꓣꓳ ꓮ ꓕꓯ ꓟꓲ ꓟꓽ ꓟꓳ ꓠꓬꓲ꓾ ꓐꓯ_ ꓡꓳ꓿

Add new comment

7 + 2 =