ꓛꓲ ꓫꓵꓻ ꓡꓯꓼ ꓫꓵꓻ ꓢꓴ ꓔꓯ ꓫꓬꓹ ꓓꓻ ꓡꓰ ꓟ

ꓠꓬꓲꓸ ꓠꓬꓲ ꓗꓪ ꓓꓵꓽ ꓙ ꓠ ꓔ ꓟ ꓠꓬ ꓣꓳ ꓟꓲ ꓠꓯ ꓕꓱ ꓟ ꓗꓪ ꓙꓱꓽ ꓤ ꓙꓱꓽ ꓟꓲ ꓔꓯ ꓡꓳꓸ ꓠꓬꓲˍ ꓕꓯ ꓬꓲ ꓪ ꓘꓴꓽ ꓗꓪ ꓢꓯꓼ ꓙꓳ ꓢꓴ ꓟꓽ ꓙꓳ ꓢꓴ ꓔꓯ ꓧꓪꓸ ꓜꓽˍ ꓡꓳ= ꓡꓽ ꓟ ꓔꓯ ꓡꓳꓸ ꓠꓬꓲ ꓪ ꓙꓲ ꓢꓯꓼ ꓙꓳˍ ꓟ ꓠꓬ ꓬꓲ ꓙꓵꓽ ꓬꓰˍ ꓡꓳ= ꓕꓱ ꓟˍ ꓡꓰ ꓐꓰ ꓚꓬꓽ ꓢꓶꓽ꓾ ꓚꓬꓹ ꓟꓬꓱꓼ ꓮ ꓙꓵꓽ꓾ ꓟꓲ ꓠꓯ ꓗꓪ ꓙꓳˍ ꓟ ꓙꓱꓽ ꓤ ꓚꓲꓸ ꓛꓬ ꓢꓯꓼ ꓙꓳˍ ꓠꓬꓲ ꓬꓲ ꓙꓵꓽ ꓬꓰ ꓢꓲ ꓠꓱꓸ ꓐꓯꓼ ꓔꓯ ꓧꓪꓸ ꓜꓽˍ ꓡꓳ= ꓕꓱ ꓟ ꓠꓬ ꓙꓱꓽ ꓤ ꓙꓱꓽ ꓟꓲ ꓐꓴ ꓬꓲ ꓪ ꓛꓳ ꓫꓱꓽ ꓚꓱꓹ ꓥ ꓡꓳ= ꓣꓳ ꓟꓲ ꓠꓯ ꓗꓪ ꓥˍ ꓟꓲ ꓕꓱ ꓟ ꓡꓰ ꓐꓰ ꓢꓯꓼ ꓙꓳ ꓪꓽ ꓠꓬꓲˍ ꓕꓯ ꓠꓱꓸ ꓐꓯꓼ ꓔꓯ ꓧꓪꓸ ꓜꓽ꓾ ꓥ ꓠꓬ꓾ ꓬꓲ ꓙꓵꓽ ꓣꓱꓽ ꓠꓲꓹ ꓫꓵˍ ꓟ ꓙꓳˍ ꓡꓳ= ꓚꓲ ꓛꓬ ꓢꓯꓼ ꓙꓳˍ ꓕꓯ꓾ ꓚꓲ ꓛꓬ ꓢꓷꓸ ꓠꓲꓹ ꓠꓱꓸ ꓐꓯ ꓢꓲꓸ ꓟꓽ ꓞꓲꓺ ꓓˍ ꓕꓯ꓾ ꓥ ꓠꓬ꓾ ꓚꓲ ꓛꓬ ꓢꓯꓼ ꓙꓳ ꓪꓽ ꓠꓬꓲˍ ꓕꓯ ꓠꓱꓸ ꓐꓯ ꓢꓴ ꓔꓯ ꓡꓳꓸ ꓟꓽ ꓟꓵꓺ ꓚꓬꓹ ꓟꓽ ꓟꓵꓺ ꓬꓰˍ ꓕꓯ ꓙꓱꓽ ꓤ ꓐꓴˍ ꓡꓰ ꓐꓰ ꓗꓷ ꓡꓰˍ ꓥꓳ ꓟꓽ ꓥ ꓡ=

ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳ ꓶ (ꓬꓳ-ꓦ=5ꓽ1-3ꓹ5ꓹ16) ꓗꓪ 38 ꓘꓳꓼ ꓙ ꓖꓴ ꓫꓱꓽ ꓟꓽ ꓘꓴ ꓠꓻ ꓔꓬ ꓟ ꓡ ꓞꓳ ꓕꓲ ꓣꓳ ꓠꓬ ꓬꓲꓻ ꓡꓴꓽ ꓐꓱ ꓘꓶꓽ ꓗꓪ ꓓꓳꓽ ꓔꓬ ꓟ ꓣꓳ ꓟꓳˍ ꓡꓳ= ꓬꓲꓻ ꓡꓴꓽ ꓐꓱ ꓗꓪ ꓟꓴ ꓗꓪ ꓝꓲ ꓓꓴ ꓡꓰ ꓷꓹ ꓡꓵꓻ ꓡˍ ꓕꓯ ꓠꓻ ꓢꓴ ꓮ ꓙꓵꓽ ꓠꓬ ꓬꓲꓻ ꓡꓴꓽ ꓐꓱ ꓘꓴꓽ ꓗꓪ ꓔꓷꓹ ꓓꓵꓽ ꓬꓰˍ ꓕꓯ ꓓꓻ ꓡꓰˍ ꓡꓳ=