ꓛꓳꓽ ꓒꓯꓹ ꓞꓲ ꓠꓬꓲꓽ ꓣꓳ ꓔꓯ ꓝꓲ ꓝꓴ ꓗꓷ_ ꓟ

Friday, September 25, 2020

ꓕꓲ ꓧꓪꓹ ꓙꓳ_ ꓠꓬ꓾ ꓬꓲ ꓕꓲ ꓣꓳ ꓔꓵꓸꓼ ꓪ ꓘꓴ ꓔꓬ_ ꓕꓯ꓾ ꓛꓳ ꓒꓯꓹ ꓐꓴ_ ꓟꓲ ꓬꓲ_ ꓐꓰ ꓕꓲ ꓪꓺꓼ ꓔꓬ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓡꓰ꓾ ꓥꓪ ꓮꓽ ꓟ ꓥ ꓟ ꓑ ꓫꓬ ꓐꓴ ꓮ ꓡꓲ ꓐꓯ_ ꓡꓳꓺꓽ꓾ ꓐꓰ ꓬꓲ ꓪ ꓔꓯ ꓠ ꓠꓬꓲ_ ꓡꓳ꓿ ꓬꓲ ꓪ ꓠꓬ ꓕꓱ ꓡꓱ ꓒꓳꓹ ꓖꓶ_ ꓡꓳ꓾ ꓖꓳ ꓓꓱ ꓔꓲꓹ ꓖꓶ ꓢꓴ ꓬꓳ-ꓦ ꓥ ꓡꓳ꓾ ꓐꓰ ꓐꓯ ꓢꓴ ꓙꓳ_ ꓡꓳ꓿ ꓬꓲ-ꓡꓲ-ꓬ ꓥ ꓡꓳ꓾ ꓐꓰ ꓐꓯ ꓢꓴ_ ꓟꓲ ꓙꓳ_ ꓡꓳ꓿ ꓮ ꓠꓱ ꓟ ꓟꓷ ꓠꓷꓹ ꓝ ꓢꓴ ꓗꓪ ꓟ ꓕꓲ ꓣꓳ ꓢꓯꓸ ꓬꓲꓼ ꓡ_ ꓡꓳ꓾ ꓐꓰ ꓐꓯ ꓢꓴ_ ꓟꓲ ꓙꓳ_ ꓡꓳ꓾ ꓐꓯ_ ꓡꓳ꓿ ꓬꓰ-ꓢꓴ ꓡꓰ ꓬꓲ ꓪ ꓔꓯ꓾ ꓥꓪ ꓮꓽ ꓟ ꓥ ꓟ ꓠꓴ ꓪ ꓮ ꓡꓲ ꓐꓯ_ ꓡꓳꓺꓽ꓾ ꓐꓰ ꓠ ꓠꓬꓲ_ ꓡꓳ꓿ ꓒꓲ-ꓕꓱ ꓡꓰ ꓒꓳꓹ ꓖꓶ ꓢꓲ꓾ ꓠꓴ ꓠꓬ ꓪꓴ-ꓢ ꓬꓲ ꓙꓲ-ꓢꓴ ꓥ ꓡꓳ꓾ ꓐꓯ_ ꓡꓳ꓿ ꓬꓰ-ꓢꓴ ꓠꓽ ꓬꓲ ꓪ ꓔꓯ꓾ ꓕꓱ ꓕꓲ ꓫꓵꓽ ꓟ ꓮ ꓟ ꓔꓯ_ ꓟꓲ ꓟꓽ ꓐꓯ ꓖꓶ ꓠꓹ ꓟ ꓔꓰꓹ ꓔꓰ_ ꓡꓰꓽ ꓕꓵꓼ ꓪ ꓖꓶ_ ꓡꓳ꓿ ꓝꓮꓲ ꓬꓲ ꓡꓰ꓾ ꓡ ꓞꓳ ꓮ ꓐꓲ ꓠꓬ ꓫ ꓙꓵ_ ꓟ ꓮ ꓟꓬꓹ ꓜꓲꓽ ꓢꓲ꓾ ꓞꓳ ꓪꓴ ꓞꓳ ꓔꓲ ꓐꓴ_ ꓐꓰ꓾ ꓔꓲ ꓒ ꓪꓴ ꓓꓵ ꓣꓱ ꓢꓴ_ ꓐꓰ꓾ ꓕꓳ ꓶ ꓐꓳ ꓒ ꓐꓴ ꓡꓰ ꓡꓳꓺ ꓗꓷ_ ꓟ_ ꓐꓰ ꓢꓰꓼ ꓡ_ ꓟ ꓜꓲꓽ ꓢꓲ꓾ ꓢꓽ ꓠꓬꓲ ꓕꓲ ꓠꓬꓲ ꓗꓪ ꓢꓯꓸ ꓬꓲꓼ ꓡ ꓠ ꓗ_ ꓡꓳ꓾ ꓐꓰ ꓐꓯ_ ꓡꓳ꓿