ꓛꓳꓽ ꓒꓯꓹ ꓫꓵꓽ ꓞꓲ ꓣꓳ ꓔꓯ ꓝꓲ ꓩꓴ ꓗꓷˍ ꓟ

ꓡꓴ-ꓘ 1ꓳꓽ1-12

ꓣꓦꓮ ꓡꓲ-ꓢꓴ ꓢꓯꓼ ꓔꓯ ꓘꓳꓹ ꓣꓴ ꓠ ꓠꓹ ꓢꓯꓼ ꓖꓶꓽ ꓔꓬ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓠꓬꓲꓸ ꓠꓬꓲ ꓟ ꓡꓴ-ꓘ ꓢꓲꓽ ꓫꓬ ꓕꓳ ꓶꓽ ꓗꓪ ꓬꓰ-ꓢꓴ ꓡꓰ ꓬꓲ ꓛꓳꓽ ꓒꓯꓹ ꓫꓵꓽ ꓞꓲ ꓣꓳ ꓔꓯ ꓠꓬꓲꓽ ꓣꓳ ꓠꓬꓲꓽ ꓣꓳ ꓐꓰ ꓾ ꓬꓲꓸ ꓧꓶꓸ ꓕꓯ ꓙꓰ ꓠꓹ ꓟ ꓡꓳ ꓒꓱ ꓗꓪ ꓝꓲ ꓩꓴ ꓗꓷˍ ꓡꓳ= ꓕꓱ ꓡꓱ ꓝꓲ ꓩꓴ ꓗꓷ ꓢꓲ꓾ ‘ꓫ ꓠꓯꓹ ꓟ ꓜꓽ ꓪꓳꓽ ꓡꓳ ꓪꓳꓽ ꓠꓬ ꓚꓵꓺ ꓚꓵꓺ ꓟꓬꓹ ꓡꓳ=ꓟꓬꓱꓽ ꓬꓰ ꓢꓴ ꓠꓽ ꓠꓲˍ ꓡꓳ’꓾ ꓐꓰ ꓐꓯ ꓢꓲ ꓝꓲ ꓩꓴ ꓗꓷˍ ꓡꓳ= ꓖꓳ ꓟ ꓡꓰ ꓟꓽ ꓛꓲ ꓬꓲꓸ ꓛꓳꓽ ꓒꓯꓹ ꓐꓴ ꓔꓯ “ꓮ ꓡꓲ ꓕꓲ ꓦꓲꓻ ꓗꓪ ꓓꓵꓽ ꓡꓰˍ ꓠꓬ ꓧꓶꓸ ꓕꓯ ꓖꓳ ꓕꓲ ꓦꓲꓻ ꓕꓯ ꓢꓲ ꓢꓲꓺ ꓡꓲꓺ ꓟ ꓙꓳ ꓝꓲ ꓾ ꓐꓰ ꓐꓯ ꓖꓶꓽ”꓾ ꓐꓰ ꓢꓲꓺ ꓒ ꓬꓰ-ꓢꓴ ꓡꓰ ꓐꓯ ꓔꓲꓸ ꓬꓰˍ ꓟ ꓥ ꓡꓳ=

ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓰ ꓬꓰ-ꓢꓴ ꓠꓬ ꓣꓳ ꓕꓲ ꓣꓳ ꓡꓰ ꓕꓲ ꓣꓳ ꓔꓯ ꓥˍ ꓟꓲ ꓬꓲꓸ ꓝꓲ ꓓꓴ ꓐꓴ ꓔꓯ ꓝꓲ ꓩꓴ ꓗꓷˍ ꓟ ꓕꓲ ꓡꓰꓹꓼ ꓐꓰ꓾ ꓟꓴꓽ ꓗꓪ ꓗꓴꓷꓼ ꓟꓸ ꓟꓲꓽ ꓚꓺ ꓟꓳꓸ ꓖꓶꓽ ꓠꓹ ꓟ ꓐꓯ ꓟꓳꓸ ꓖꓶꓽ ꓡ ꓔꓬꓹ ꓡꓳ= ꓣꓳ ꓔꓯ ꓶꓻ ꓙꓳˍ ꓡꓳ=

ꓟꓴꓽ ꓗꓪ ꓗꓴꓷꓼ ꓟꓸ ꓟꓲꓽ ꓚꓸ ꓐꓯˍ ꓟ ꓠꓽ ꓔꓲꓺ ꓒ ꓔꓲꓺ ꓟ ꓾ ꓟꓸ ꓒ ꓟꓸ ꓟ ꓐꓴ ꓡꓰꓽ ꓟꓴꓽ ꓗꓪ ꓗꓴꓷꓼ ꓟꓸ ꓟꓲ ꓚˍ ꓡꓳ ꓐꓰ ꓓꓵꓽ ꓙˍ ꓥꓳ= ꓖꓳ ꓡꓱ ꓥˍ ꓟꓲ ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶꓽ ꓗꓪ ꓠꓬ ꓣꓳ ꓮ ꓙꓵꓽ ꓟꓴꓽ ꓗꓪ ꓗꓴꓷꓼ ꓟꓸ ꓟꓲꓽ ꓚꓺ ꓠꓹ ꓟ ꓾ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓣꓳ ꓔꓯ ꓘꓴ ꓔꓬꓹ ꓡꓳ= ꓜꓽ ꓪꓳꓽ ꓡꓳ ꓪꓳꓽ ꓠꓬ ꓟꓬꓹ ꓡꓳ꓾ ꓶꓼ ꓫ ꓢꓴ ꓠꓽ ꓠꓲˍ ꓡꓳ ꓐꓰ꓾ ꓐꓯ ꓢꓲ ꓬꓰ-ꓢꓴ ꓣꓳ ꓔꓯ ꓘꓴ ꓔꓬꓹ ꓡꓳ=

.......

Rev. Bro. Dominic GU-T