ꓛꓳꓽ ꓒꓯꓹ ꓞꓲ ꓠꓬꓲꓽ ꓣꓳ ꓔꓯ ꓝꓲ ꓩꓴ ꓗꓷˍ ꓟ

 ꓢꓲ ꓒꓽ ꓬꓰ-ꓢꓴ ꓟꓲ ꓠꓯ ꓗꓪ ꓡ ꓕꓯ ꓟꓷꓽ ꓠꓷꓹ ꓝꓸꓢꓴ  ꓐꓴ ꓡꓰ ꓬꓲ ꓔꓯ ꓟꓽ ꓘꓳꓹ ꓣꓴ ꓟ꓾ ꓟꓽ ꓠꓲꓹ ꓫꓵˍ ꓟ ꓔꓯ ꓔꓳꓹ ꓜꓳ ꓗꓷꓸ ꓟ ꓥˍ ꓡꓳ= ꓕꓲ ꓫꓵꓽ ꓟ ꓥ ꓕꓲ ꓫꓵꓽ ꓗꓪ ꓐꓰ ꓬꓲ ꓔꓯ ꓝꓴꓲꓸ ꓓꓰ ꓠꓬꓲ ꓬꓰ_ ꓡꓳ꓿ ꓟꓽ ꓙꓲ., ꓟ ꓟ. ꓟꓲꓽ ꓚꓺ ꓢꓴ ꓥ ꓐꓯ ꓢꓲ ꓬꓰ-ꓢꓴ ꓔꓯ ꓝꓴꓲꓸ ꓓꓰ ꓝꓴꓲꓸ ꓧꓪ ꓕꓱ ꓡꓱ ꓬꓰ ꓗꓷ ꓟ ꓥ ꓡꓳ= ꓬꓲ ꓚꓲ ꓛꓬ ꓕꓱ ꓡꓱ ꓔꓳꓹ ꓜꓳˍ ꓟ ꓡꓰ ꓐꓰ ꓬꓲ ꓔꓯ ꓛꓳ ꓡ ꓢꓴ ꓐꓰ ꓬꓲ ꓛꓳ ꓒꓯꓹ ꓐꓴ ꓬꓲ ꓔꓯ ꓙꓵꓸꓹ ꓔꓬ ꓢꓴ ꓮ ꓙꓵꓽ ꓥˍ ꓟꓲ ꓕꓱ ꓟ ꓡꓰ ꓐꓰ ꓔꓳꓹ ꓜꓳ ꓡ ꓥꓳ꓾ ꓐꓰ ꓢꓷꓸ ꓪ ꓓꓹ ꓡꓳ= ꓖꓳ ꓡꓰ ꓔ ꓟ ꓪꓴꓸ ꓠꓬꓲ ꓠꓬꓲꓸ ꓠꓬꓲ ꓢꓲꓽ ꓫꓬꓹ ꓕꓳ ꓶ ꓗꓪ ꓬꓲꓸ ꓟꓬꓱ ꓗꓪ ꓐꓰ ꓬꓲ ꓗ ꓠꓯꓸ ꓛꓳ ꓢꓴ ꓮ ꓙꓵꓽ ꓠꓬ ꓘꓶꓸꓹ ꓙꓵꓸꓹˍ ꓟ ꓢꓴ ꓡꓰ ꓠꓲꓹ ꓙꓳꓺˍ ꓟ ꓕꓱ ꓡꓱ ꓫꓵꓽ ꓔꓳꓹ ꓜꓳ ꓡ ꓥꓳ꓾ ꓐꓰ ꓟꓸ ꓖꓶ ꓔ ꓟ ꓥ ꓡꓳ= ꓪꓴ-ꓢ ꓔꓯ ꓙꓵꓸꓹ ꓢꓴ ꓙꓲ-ꓢꓴ ꓢꓲ ꓤ ꓐꓴ ꓥˍ ꓟꓲ ꓬꓲꓸ ꓶ ꓓꓳꓽ ꓫꓱꓸ ꓓꓳꓽ ꓔꓯ ꓚꓺ ꓟꓸ ꓖꓶˍ ꓕꓯ ꓥˍ ꓟꓲ  ꓟꓽ ꓞꓲꓺ ꓘꓴ-ꓜꓲ-ꓞꓳ ꓗꓪ ꓐꓰ ꓙ ꓖꓴ ꓧꓳꓽ ꓟꓳꓸ ꓖꓶ ꓡ ꓟ ꓡꓰ ꓐꓰ ꓢꓯꓸ ꓔꓬ ꓕꓯ ꓥˍ ꓡ ꓐꓯ ꓡꓰꓸ ꓕꓲ ꓫꓵꓽ ꓟꓽ ꓥ ꓕꓲ ꓫꓵꓽ ꓗꓪ ꓐꓰ ꓝꓴꓲꓸ ꓓꓰ ꓟꓽ ꓘꓳꓹ ꓣꓴ ꓟ ꓠꓲꓹ ꓙꓳꓺˍ ꓟ ꓘꓶꓸꓹ ꓙꓵꓸꓹ ꓟ ꓕꓱ ꓡꓱ ꓫꓵꓽ ꓔꓳꓹ ꓜꓳ ꓡ ꓥꓳ꓾ ꓐꓰ ꓢꓷꓸ ꓠ ꓔ ꓟ ꓥ ꓡꓳ= ꓕꓲ ꓦꓲꓸꓹ ꓘꓴꓽ ꓗꓪ ꓥˍ ꓟꓲ ꓕꓲ ꓣꓳ ꓐꓰ ꓕꓲ ꓣꓳ ꓠꓲꓹ ꓙꓳꓺ ꓡꓯ ꓘꓳꓽ ꓟ ꓟꓽ ꓥ ꓠꓬ ꓣꓳ ꓔꓬ ꓟ ꓒ ꓕꓲ ꓗꓪ ꓦ ꓡꓱ ꓚꓱꓹ ꓘꓶꓸꓹ ꓙꓵꓸꓹ ꓟ ꓮ ꓡꓰ ꓦ ꓡꓱ ꓠꓲꓹ ꓫꓵˍ ꓮ ꓡꓲ ꓦ ꓡꓱ ꓟꓽ ꓓ ꓟ ꓕꓱ ꓡꓱ ꓫꓵꓽ ꓥˍ ꓟꓲ ꓔꓳꓹ ꓜꓳ ꓔꓬ ꓐꓭ ꓥꓳ= ꓖꓳ ꓡꓰ ꓐꓯ ꓥˍ ꓟꓲ ꓣꓳ ꓦ ꓡꓱˍ ꓟ ꓗꓪ ꓪꓴ-ꓢ ꓐꓰ ꓣꓳ ꓮ ꓕꓯ ꓥˍ ꓟꓲ ꓙ ꓡꓯ ꓘꓳ ꓠꓹ ꓟ ꓣꓱꓼ ꓬꓯꓼˍ ꓡꓳ=

Add new comment

4 + 1 =