ꓛꓳꓽ ꓒꓯꓹ ꓞꓲ ꓠꓬꓲꓽ ꓣꓳ ꓔꓯ ꓢꓲˍ ꓟ

ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓠꓬ ꓢꓲꓺ ꓒ ꓬꓰ-ꓢꓴ ꓡꓰ ꓝꓲ ꓓꓴ ꓞꓲ ꓠꓬꓲꓽ ꓣꓳ ꓔꓯ ꓘꓴˍ ꓟ ꓟꓸ ꓟꓲꓽ ꓥ ꓡꓳ= ꓕꓲ ꓦꓬꓽ ꓡꓱꓸꓼ ꓪ ꓘꓴ ꓢꓲ ꓠꓬꓲ ꓬꓲ ꓝꓲ ꓓꓴ ꓞꓲ ꓠꓬꓲꓽ ꓣꓳ ꓔꓯ ꓢꓲˍ ꓡꓳ= ꓬꓲ ꓝꓲ ꓓꓴ ꓞꓲ ꓠꓬꓲꓽ ꓣꓳ ꓔꓯ ꓬꓲ ꓢꓲˍ ꓟ ꓠꓬ ꓧꓶꓸ ꓔꓯ ꓬꓲ ꓐꓰ ꓕꓲ ꓪ ꓔꓬ ꓟ ꓥ ꓡꓳ꓾ ꓐꓯ ꓟ ꓣꓳ ꓢꓷꓸ ꓠ ꓗꓹ ꓡꓳ= ꓬꓲ ꓛꓳꓽ ꓒꓯꓹ ꓬꓰ ꓠꓹ ꓟ꓾ ꓬꓲ ꓐꓰ ꓕꓲ ꓪ ꓔꓬ ꓠꓹ ꓟ ꓝꓲ ꓓꓴ ꓐꓴ ꓞꓲ ꓠꓬꓲꓽ ꓣꓳ ꓔꓯ ꓘꓴˍ ꓟ ꓥ ꓡꓳ= ꓕꓱ ꓟ ꓠꓬ ꓟꓽ ꓓ ꓬꓳꓸ ꓚꓰ ꓓꓰ ꓡꓰˍ ꓟ ꓥ ꓡꓳ꓾ ꓐꓰ ꓣꓳ ꓢꓷꓸ ꓠ ꓗꓹ ꓡꓳ=

ꓣꓳ ꓟꓲ ꓠꓯ ꓕꓱ ꓟ ꓗꓪ ꓢꓯꓸ ꓔꓬ ꓕꓯ ꓪꓴ-ꓢ ꓣꓳ ꓔꓯ ꓘꓴ ꓔ ꓟ ꓣꓳ ꓠꓬ ꓙꓲ-ꓢꓴ ꓢꓲꓺ ꓤ ꓐꓴ ꓒꓬꓱꓼ ꓡ ꓟ꓾ ꓢꓲꓺ ꓒ ꓔꓯ ꓙꓵꓻ ꓢꓴ ꓒꓬꓱꓼ ꓡ ꓟ ꓣꓳ ꓠꓬ ꓮ ꓙꓵꓽ ꓟ ꓧꓶꓸ ꓕꓯ ꓬꓲ ꓐꓰ ꓕꓲ ꓪ ꓔꓬ ꓠꓹ ꓟ ꓥ ꓡꓳ꓾ ꓐꓰ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓯ ꓔ ꓡꓳ= ꓖꓳ ꓡꓱ ꓠꓬꓲ ꓣꓳ ꓬꓰˍ ꓟ ꓮ ꓙꓵꓽ ꓢꓲꓺ ꓒ ꓬꓰ-ꓢꓴ ꓐꓰ ꓕꓲ ꓪ ꓔꓬ ꓠꓹ ꓟ ꓥ ꓡꓳ= ꓤꓰ ꓞꓹ ꓟ ꓠꓬ ꓗ ꓠꓯꓸ ꓢꓲ ꓗꓪ ꓢꓲꓸ ꓖꓼ ꓛꓳˍ ꓡꓳ= ꓢꓲꓺ ꓒ ꓬꓰ-ꓢꓴ ꓐꓰ ꓕꓲ ꓪ ꓔꓬ ꓠꓹ ꓟ ꓠꓬ ꓧꓶꓸ ꓕꓯ ꓥ ꓡꓳ= ꓖꓳ ꓡꓱ ꓠꓬꓲ ꓣꓳ ꓕꓲ ꓠꓬꓲ ꓕꓲ ꓠꓬꓲ ꓙ ꓫꓱꓽ ꓔꓬ ꓕꓯ ꓣꓳ ꓠꓬ ꓢꓲꓺ ꓒ ꓔꓯ ꓙꓵꓻ ꓢꓴ ꓥ ꓡꓳ= ꓢꓲꓺ ꓒ ꓗ ꓠꓯꓸ ꓖꓼ ꓢꓴ ꓥꓳ ꓐꓯ ꓟ ꓥ ꓠꓬꓲ ꓮ ꓫꓵꓽ ꓟꓽ ꓬꓰ ꓧꓶꓸ ꓕꓯ ꓣꓳ ꓠꓬ ꓪꓴ-ꓢ ꓐꓰ ꓕꓲ ꓪ ꓔꓬ ꓡꓳ=