ꓛꓳꓽ ꓒꓯꓹ ꓞꓲ ꓠꓬꓲꓽ ꓣꓳ ꓔꓯ ꓢꓲ_ ꓟ

Friday, January 22, 2021

ꓗ ꓠꓯ ꓬꓲ ꓠꓬ ꓪꓼ ꓚꓲ ꓗꓪ ꓓꓯ ꓙꓰ ꓢꓲ꓾ ꓬꓲ ꓠꓵ_ ꓟ ꓕꓲ ꓧꓳꓽ ꓔꓯ ꓬꓲ ꓔꓬ ꓗꓪ ꓘꓴꓻ ꓔꓯ ꓡ_ ꓡꓳ=ꓬꓲ_ ꓐꓰ ꓕꓲ ꓪꓺꓼ ꓔꓬ ꓠꓹ ꓟ_ ꓐꓰ꓾ ꓟꓸ ꓟꓲ ꓚ ꓟꓸ ꓖꓶ ꓙꓰ ꓝꓲ ꓠꓹ ꓟ_ ꓐꓰ꓾ ꓠꓲꓽ ꓔꓯ ꓖꓼ_ ꓟ ꓙꓵꓽ ꓪ ꓙꓳ ꓠꓹ ꓟ꓾ ꓡ ꓞꓳ ꓞꓲ ꓠꓬꓲꓽ ꓣꓳ ꓔꓯ ꓬꓲ ꓢꓲꓺ ꓚꓰꓸ_ ꓡꓳ꓿ ꓢꓲ-ꓟꓴ ꓔꓯ ꓠꓬ ꓬꓲ ꓡꓰ ꓒꓲꓹ-ꓕꓱ ꓟꓬꓱꓺ ꓖꓶ_ ꓢꓰꓽ ꓡꓳ꓿ ꓜꓲ-ꓐꓱ-ꓓꓲ ꓬꓲ ꓮ ꓐꓲ ꓬ-ꓗꓴ_ ꓐꓰ ꓬ-ꓗꓴ ꓬꓲ ꓠꓬꓲ ꓤ ꓬꓳ-ꓦ ꓔꓯ꓾ ꓬꓲ ꓡꓰ ꓐꓳ-ꓪ-ꓠꓱ-ꓙꓲ ꓟꓬꓱꓺ ꓖꓶ_ ꓢꓰꓽ ꓡꓳ꓿ (ꓐꓳ-ꓪ-ꓠꓱ-ꓙꓲ ꓐꓯ_ ꓟ ꓠꓬ꓾ ꓟꓴꓽ ꓖꓴꓽ ꓮ ꓐꓲ ꓐꓴ꓾ ꓐꓯ_ ꓟ ꓥ ꓡꓳ)꓿ ꓯ-ꓓꓱ-ꓣꓴ_ ꓐꓰ꓾ ꓒꓲꓹ-ꓡꓲ_ ꓐꓰ꓾ ꓐ-ꓕꓳ-ꓡꓱꓽ-ꓟꓲ_ ꓐꓰ꓾ ꓟ-ꓕꓲ_ ꓐꓰ꓾ ꓕꓳꓽ-ꓟ_ ꓐꓰ꓾ ꓮ-ꓡꓱ-ꓒꓲꓹ ꓬꓲ ꓮ ꓐꓲ ꓬ-ꓗꓴ_ ꓐꓰ꓾ ꓕꓽ-ꓓꓲ-ꓪꓴꓽ_ ꓐꓰ꓾ ꓘꓹ-ꓠꓽ-ꓠꓲꓹ ꓢꓴ ꓢꓲꓹ-ꓟꓴ_ ꓐꓰ꓾ ꓬꓰ-ꓢꓴ ꓔꓯ ꓪꓴꓽ ꓜꓽ ꓢꓴ ꓘꓹ-ꓡꓲꓳ ꓒ ꓬꓴꓽ-ꓓꓽ ꓥ ꓡꓳ꓿